நான் சதையால் ஆன ஆயுதம்

**ayyamperumal** · **ayyamperumal** Fri Dec 23, 2011 4:15 pm

First topic message reminder :

சமன் செய்யபடாத தளத்தில்
புரவிகளோடு வந்திரங்குகிறாய்
முலாம் பூசப்பட்ட கவசங்கள்
உன் தேகத்தை மறைத்திருகின்றன
குளம்பொலிகளும் அடர்ந்த புழுதியும்
உன்பின்னணியை பலமூட்டுகின்றன

போருடை அணிந்தவன்
விகிதம் ஒன்றை வாசிக்கிறான்
உன்னாடுகளில்
வெட்சி பூக்கள் மலிந்திருப்பதை
என் பாலை நிலங்களில்
காம்புகள் மிகுந்திருப்பதை
கண்கொண்டு பார்க்கிறாய் !
என் வெறும் கைகளையும்
வீரர்கள் யாருமற்ற பின்புறத்தையும் .....

வியுகம் உன்னை குழப்ப
எக்காளத்துடன் தொடங்குகிறது போர்
பரிவாரத்துடன் நீயும் ..தனித்த நானும்
முன்னோக்கி நடக்கிறோம்

பளபளக்கும் உடைவாளை தவிர்த்து
குறுவாளை என் மீது வீசுகிறாய் - அது
பட்டுதெரிக்கிறது இரண்டாக
நான் சதையாலான ஆயுதம் !
-------------------------------சுகிர்தாராணி --------------------

சுகிர்தா ராணி இந்த பெயரை கேட்டவுடன் கலாச்சார காவலர்கள் கொந்தளிப்பார்கள்.
இந்த பெண் ஏன் தேவையில்லாத வார்த்தைகளை எழுதி அவளுடைய கவிதையினை பாழக்கி கொள்கிறாள் ...
சுகிர்தாராணி..அநீதிக்கு எதிராய் சுழன்று எரியும் நெருப்பு என்றெல்லாம் கூறுகிறார்கள். இந்த பார்வைகளுக்கு அப்பாற்பட்டு சுகிர்தாராணி எழுதிய ஒரு சிறப்பான கவிதைதான். மேலே நீங்கள் படித்த்து.

விளக்கம் எழுத நேரமில்லை ......அடுத்து பார்ப்போம்

**ராஜா** · **ராஜா** Sun Dec 25, 2011 1:53 pm

நோ கமெண்ட்ஸ் ...

**ayyamperumal** · **ayyamperumal** Mon Dec 26, 2011 5:16 pm

மேடும் பள்ளமுமாய் உள்ள தரையில் குதிரைகளோடு வந்து இறங்குகிறாய். மின்னுகின்ற வகையில் மார்பில் அணியபட்டிருக்கும் கவசமும் , உன் பின்னே அணிவகுத்து வந்துகொண்டிருக்கிற குதிரையின் காலடி ஓசைகளும் உனக்குள்ள பின்னணியை பலமூட்டுகின்றன.

எதிரிநாட்டு மன்னனை போருக்கு அழைக்கும் பொருட்டு , அந்நாட்டு மன்னனின் ஆநிரைகளை திருடி வருவது பண்டைய நடைமுறை . அந்த நிறைகவரும் சமயத்தில் வெட்சி பூவினை மாலையாக்கி அணிந்து செல்வது மரபு. அந்த வெட்சி பூ உன் நாட்டில் மலிந்து கிடக்கிறது. என்னுடைய பாளை நிலத்தில் எந்த விதமான பூக்களும் இல்லாமல் காம்புகள் மட்டும் அதிகமாய் இருப்பதை நீ பார்க்கிறாய்.

பலத்த படை பரிவாரங்களுடன் வந்திருக்கும் நீ ,,வீரர்கள் யாருமற்று இருக்க கூடிய என்னுடைய தனித்த நிலையினை பார்த்து கொஞ்சம் குழம்பி போனாலும் , என்னை எக்காளத்துடன் சண்டையிட நெருங்குகிறாய்.

தனி ஆள் தானே , இவளுக்கு எதற்கு பெரிய ஆயுதம் என்று எண்ணி ...உன்னிடம் இருக்கும் உடைவாளை தவிர்த்துவிட்டு குறு வாளினை என் மீது எரிகிறாய். அந்த குறுவாள் என்னுடைய உடலில் பட்டு உடைந்து விழுகிறது. நானே வலிமை மிக்க ஆயுதம் .

( பெண் தானே என்று , குறைத்து மத்திப்பிட்டிருக்கும் சமுதாயத்திற்கு கூறுகிற செய்தி. பெண்கள் அதாவது பெண்ணிய சக்தி மட்டுமே பெரிய பலம் நிறைந்தது என்று கூறுகிற கவிதை )

உதயசுதா · உதயசுதா Mon Dec 26, 2011 5:34 pm

நன்றி பெருமாள் உங்க விளக்கத்துக்கு.

**ayyamperumal** · **ayyamperumal** Mon Dec 26, 2011 5:41 pm

கே. பாலா wrote:பெருமாள் !சுகிர்தாராணியின் கவிதைகள் "எல்லாம் " இங்கே கொண்டுவந்தால்...
மஞ்சள்
ஆரஞ்ச்
சிவப்பு
இதில் எந்த நிறத்தில் எச்சரிக்கை புள்ளி வேண்டும் என்பதையும் சொல்லிவிடுங்கள்

இனி எனக்கு கொடுக்குறதா இருந்தா ரெட் தான் சார் கொடுக்க முடியும். ஏனென்றால் நான் ஏற்கனவே இரண்டாம் கட்ட எச்சரிக்கையினை வாங்கிவிட்டேன் !

**ayyamperumal** · **ayyamperumal** Mon Dec 26, 2011 5:42 pm

உதயசுதா wrote:நன்றி பெருமாள் உங்க விளக்கத்துக்கு.

நன்றி அக்கா !

மகா பிரபு · மகா பிரபு Mon Dec 26, 2011 5:57 pm

அய்யம் பெருமாள் .நா wrote:
கே. பாலா wrote:பெருமாள் !சுகிர்தாராணியின் கவிதைகள் "எல்லாம் " இங்கே கொண்டுவந்தால்...
மஞ்சள்
ஆரஞ்ச்
சிவப்பு
இதில் எந்த நிறத்தில் எச்சரிக்கை புள்ளி வேண்டும் என்பதையும் சொல்லிவிடுங்கள்

இனி எனக்கு கொடுக்குறதா இருந்தா ரெட் தான் சார் கொடுக்க முடியும். ஏனென்றால் நான் ஏற்கனவே இரண்டாம் கட்ட எச்சரிக்கையினை வாங்கிவிட்டேன் !

Sponsored content · Sponsored content

நான் சதையால் ஆன ஆயுதம்

நான் சதையால் ஆன ஆயுதம்

Re: நான் சதையால் ஆன ஆயுதம்

Re: நான் சதையால் ஆன ஆயுதம்

Re: நான் சதையால் ஆன ஆயுதம்

Re: நான் சதையால் ஆன ஆயுதம்

Re: நான் சதையால் ஆன ஆயுதம்

Re: நான் சதையால் ஆன ஆயுதம்

Re: நான் சதையால் ஆன ஆயுதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக