அதிக விளைச்சல் பெறும் விவசாயிக்கு ஆண்டுதோறும் ரூ.5 லட்சமும், ரூ.3,500 மதிப்புள்ள பதக்கமும் பரிசும் முதல்வர் அறிவிப்பு

**இளமாறன்** · **இளமாறன்** Thu Dec 22, 2011 1:48 am

சென்னை: தமிழகத்தில் திருந்திய நெல் சாகுபடி தொழில்நுட்பப் படி அதிக விளைச்சல் பெறும் விவசாயிக்கு ஆண்டுதோறும் ரூ.5 லட்சமும், ரூ.3,500 மதிப்புள்ள பதக்கமும் பரிசாக வழங்க முதல்வர் ஜெயலலிதா உத்தரவிட்டுள்ளார்.

இது குறித்து அரசு வெளியிட்டுள்ள செய்திக்குறிப்பில் கூறியிருப்பதாவது,

வேளாண்மை வளர்ச்சி நவீன தொழில் நுட்பங்களைச் சார்ந்துள்ளதால் வேளாண் உற்பத்தியைப் பெருக்க, பல்வேறு நவீன தொழில் நுட்பங்களை புகுத்த வேண்டியது மிகவும் அவசியம் என்பதால், முதல்வர் ஜெயலலிதா, தமிழ்நாட்டில் புதிய தொழில் நுட்பத்தை புகுத்தி, இரண்டாம் பசுமைப் புரட்சிக்கு வித்திட்டு வருகிறார்கள்.

தற்பொழுது நவீன தொழில் நுட்பத்துடன் அமல்படுத்தப்படும் பல்வேறு சாகுபடி முறைகளில் திருந்திய நெல் சாகுபடி முறையே உணவு உற்பத்தியை அதிகரிக்கச் செய்ய சிறந்த முறையாகும். இம்முறைக்கு அதிக ஊக்கம் அளிக்கும் வகையில் திருந்திய நெல் சாகுபடி தொழில் நுட்பத்தினை கடைப்பிடித்து, மாநிலத்திலேயே அதிக விளைச்சலைப் பெறும் விவசாயிக்கு, ஒவ்வொரு ஆண்டும் சிறப்புப் பரிசுத் தொகையாக 5 லட்சம் ரூபாயும், ரூ.3,500 மதிப்புள்ள பதக்கமும் குடியரசு தினத்தன்று வழங்குவதற்கு முதல்வர் ஜெயலலிதா உத்தரவிட்டுள்ளார். இப்பரிசு முதல்வர் அவர்களால் வழங்கப்படும்.

இப்போட்டியில் பங்கு பெறும் விவசாயி, குறைந்த பட்சம் 50 சென்ட் நிலத்தில் பயிர் செய்திருக்க வேண்டும். ஒரு ஏக்கருக்கு, குறைந்தபட்ச விளைச்சல் 2,500 கிலோ இருக்க வேண்டும் என்ற நிபந்தனையின் அடிப்படையில் இந்தப் போட்டி நடத்தப்படும். இப்போட்டி சென்னை, நீலகிரி தவிர்த்து அனைத்து மாவட்டங்களிலும் நடத்தப்படும்.

முதல்வர் ஜெயலலிதா அவர்களின் இந்த நடவடிக்கையினால் விவசாயிகளிடையே வேளாண்மையில் புதிய தொழில் நுட்பங்களை புகுத்துவதில் அதிக ஆர்வமும், போட்டியும் ஏற்படும். இதன் மூலம் குறைந்த நிலத்தில் அதிக அளவு உற்பத்தி பெருக வழிவகை ஏற்படும் என்று அதில் தெரிவிக்கப்பட்டுள்ளது.

தட்ஸ் தமிழ்

ஹர்ஷித் · ஹர்ஷித் Thu Dec 22, 2011 1:57 am

பால் வாங்கவே இந்த பணம் சரியா இருக்கும்

சார்லஸ் mc · சார்லஸ் mc Thu Dec 22, 2011 8:32 am

நல்ல திட்டம்தான் ஆனால் முதலில் தரமான உரமும், அது குறைந்த விலையில் கிடைக்கவும், தரமான விதைகளும், அது குறைந்த விலையில் கிடைக்கவும், தரமான பூச்சி கொல்லி மருந்துகளும், அது குறைந்த விலையில் கிடைக்கவும், ஏற்பாடு செய்து விட்டு இதை அறிவித்திருந்தால் இன்னும் சிறப்பாக இஐக்கும். இதை தமிழக முதல்வா் அவா்கள் கவனிப்பாரென்று நம்புவோம்.
அதோடு வேளாண் கருவிகள் மான்யமாகவோ, இலவசமாகவோ ஏழை விவசாயிகளுக்கு அரசு கொடுக்க முன் வந்தால் இன்னும் சிறப்பாக இருக்கும். அதிக விளைச்சல் பெறும் விவசாயிக்கு ஆண்டுதோறும் ரூ.5 லட்சமும், ரூ.3,500 மதிப்புள்ள பதக்கமும் பரிசும் முதல்வர் அறிவிப்பு 678642

அதிக விளைச்சல் பெறும் விவசாயிக்கு ஆண்டுதோறும் ரூ.5 லட்சமும், ரூ.3,500 மதிப்புள்ள பதக்கமும் பரிசும் முதல்வர் அறிவிப்பு 678642

**ராஜா** · **ராஜா** Thu Dec 22, 2011 11:13 am

நல்ல திட்டம் , இனிமேலாவது தமிழகத்துக்கு பிடித்த சனி விலகி அனைவரும் இலவசத்தை மறந்து உழைத்து வாழ வேண்டும் என்ற எண்ணம் தோன்ற வேண்டும்.

இது போல அனைத்து துறைகளையும் புத்துணர்வு பெற வைக்க வேண்டும் என தமிழக முதல்வரை கேட்டுக்கொள்கிறேன்.

**இளமாறன்** · **இளமாறன்** Thu Dec 22, 2011 11:57 am

பரிசு வாங்க வேண்டும் என்று அதிகம் உரம் போட்டு வளர்த்தல் பின் விளைவுகள் வரும் ... 1. உரத்தின் தன்மை அதிகம் ஆனால் உணவில் கெமிக்கல் அதிகம் ஆகும் 2.இரண்டாவது நிலத்தின் தன்மை உற்பத்தி திறன் குறைவடையும்

**ராஜா** · **ராஜா** Thu Dec 22, 2011 11:59 am

இளமாறன் wrote:பரிசு வாங்க வேண்டும் என்று அதிகம் உரம் போட்டு வளர்த்தல் பின் விளைவுகள் வரும் ... 1. உரத்தின் தன்மை அதிகம் ஆனால் உணவில் கெமிக்கல் அதிகம் ஆகும் 2.இரண்டாவது நிலத்தின் தன்மை உற்பத்தி திறன் குறைவடையும்

அதிக உரம் போட்டால் அதிக விளைச்சல் வரும் என்பது தவறு பாஸ் , அளவுக்கதிகமாக உரம் போட்டால் பயிர் அனைத்தும் கருகிவிடும்

**இளமாறன்** · **இளமாறன்** Thu Dec 22, 2011 12:02 pm

ராஜா wrote:
இளமாறன் wrote:பரிசு வாங்க வேண்டும் என்று அதிகம் உரம் போட்டு வளர்த்தல் பின் விளைவுகள் வரும் ... 1. உரத்தின் தன்மை அதிகம் ஆனால் உணவில் கெமிக்கல் அதிகம் ஆகும் 2.இரண்டாவது நிலத்தின் தன்மை உற்பத்தி திறன் குறைவடையும்
அதிக உரம் போட்டால் அதிக விளைச்சல் வரும் என்பது தவறு பாஸ் , அளவுக்கதிகமாக உரம் போட்டால் பயிர் அனைத்தும் கருகிவிடும்

உணவுகள் தற்பொழுது அதிக கெமிக்கல் ஒடு தானே வெளிவருகின்றன அதிர்ச்சி

Sponsored content · Sponsored content

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக