சுவையான பொங்கல் வகைகள்

Guest · Guest Wed Jan 14, 2009 2:29 am

சர்க்கரைப் பொங்கல்

(முதல் வகை)

தேவையான பொருட்கள்„-

பச்சரிசி - 1_2 ஆழாக்கு
பயற்றம் பருப்பு - 1 கைப்பிடி
வெல்லத்தூள் -1_2 ஆழாக்கு
முந்திரிப் பருப்பு - 8
உலர்ந்த திராட்சை - 8
ஏலக்காய் - 4
குங்குமப்பூ - சிறிது
நெய் - 11_2 கரண்டி
பச்சைக் கற்பூரம் - சிறிது
ஜாதிக்காய் - சிறிய துண்டு
பால் - 1 கரண்டி

செய்முறை„-

ஒரு ஆழாக்கு தண்ணீரில் அரிசியையும், பருப்பையும் களைந்து போட்டு, குழைய வேக விடவும். வெந்ததும் வெல்லத் தூளைப் போட்டு நன்கு கிளறவும். ஒரு கரண்டி பாலில் குங்குமப்பூ, ஏலக்காய்த் தூள், பொடித்த பச்சை கற்பூரம் கலந்து, நெய்யில் வறுத்துப் பொடி செய்த ஜாதிக் காயையும் சேர்த்து, வேக வைத்துள்ள கலவையில் கொட்டவும். திராட்சைஅ முந்திரியையும் நெய்யில் வறுத்து அதில் சேர்க்கவும். கடைசியாக 11_2 கரண்டி நெய்யையும் சேர்த்துக் கிளறி இறக்கவும்.

இன்னொரு வகை„

தண்ணீருக்குப் பதில் பாலிலேயே அரிசியையும், பருப்பையும் வேக வைக்கவும். சிறிதளவு தண்ணீரில் வெல்லத் தைப் போட்டு கெட்டிப் பாகு வைத்துக் கொள்ளவும். (தண்ணீருள்ள பாத்திரத்தில் சிறிதளவு பாகை விட்டுக் கையால் எடுத்தால் உருட்ட வர வேண்டும். அதுதான் சரியான பதம்). அதை, வேக வைத்த அரிசி, பருப்போடு சேர்த்துக் கிளறவும். மீதிச் சாமான்களை முதல் வகைக்குச் சொன்னபடி சேர்க்கவும்.

Guest · Guest Wed Jan 14, 2009 2:31 am

வெண் பொங்கல்

தேவையான பொருட்கள்:

பச்சரிசி - 1 ஆழாக்கு
பயற்றம் பருப்பு - 1கரண்டி
மிளகு, சீரகம் - 1 ஸ்பூன்
முந்திரிப் பருப்பு - 8
உலர்ந்த திராட்சை - 8
நெய் - 11_2 கரண்டி
இஞ்சி - சிறிதளவு
உப்பு - 1_2 ஸ்பூன்
கறிவேப்பிலை - சிறிது

செய்முறை:

அரிசி, பருப்பைக் களைந்து, 11_2 ஆழாக்கு தண்ணீர் விட்டு, பானையிலோ, குக்கரிலோ வேக விடவும். வெந்ததும் உப்பு சேர்க்கவும். மிளகு, சீரகத்தை ஒன்றிரண்டாகத் தட்டி, நெய்யில் வறுத்துச் சேர்க்கவும். இஞ்சியைத் தோல் நீக்கி சிறிதாக நறுக்கி, கறிவேப்பிலையுடன், சிறிது நெய்யில் வறுத்துச் சேர்க்கவும். முந்திரியையும் நெய்யில் வறுத்துச் சேர்க்கவும். கடைசியாக மீதமுள்ள நெய்யை ஊற்றிக் கிளறி, ஐந்து நிமிடங்கள் கழித்து இறக்கவும்.

Guest · Guest Wed Jan 14, 2009 2:32 am

ரவைப் பொங்கல்

தேவையான பொருட்கள்:

ரவை - 1 ஆழாக்கு
பயற்றம் பருப்பு -1_4 ஆழாக்கு
மிளகு - 1_2 ஸ்பூன்
முந்திரிப் பருப்பு - 8
இஞ்சி - சிறிது
உப்பு - 1_2 ஸ்பூன்
நெய் - 11_2 கரண்டி

செய்முறை:

ஒரு ஸ்பூன் நெய் ஊற்றி, ரவையை வறுக்கவும். அடி கனமான பாத்திரத்தில் ஒரு ஆழாக்கு தண்ணீர் ஊற்றி, பயற்றம் பருப்பை வேக விடவும். அது ஓரளவு வெந்ததும், வறுத்த ரவையைக் கொட்டி, அரை கரண்டி நெய் விட்டுக் கிளறவும். ரவையும் வெந்ததும் உப்பு சேர்க்கவும். மிளகை முழுதாக நெய்யில் வறுத்துச் சேர்க்கவும். இஞ்சியைத் தோல் நீக்கி, நறுக்கி நெய்யில் வதக்கி, முந்திரிப் பருப்பையும் நெய்யில் வறுத்துக் கொட்டவும். கடைசியாக மீதி நெய்யையும் விட்டுக் கிளறி இறக்கவும்.

Guest · Guest Wed Jan 14, 2009 2:33 am

சம்பா ரவை சர்க்கரைப் பொங்கல்

தேவையான பொருட்கள்:

சம்பா ரவை - 200 கிராம்
பயற்றம் பருப்பு - 60 கிராம்
வெல்லம் - 250 கிராம்
நெய் - 1 கரண்டி
முந்திரிப் பருப்பு - 6
ஏலக்காய் - 3
உப்பு - ஒரு சிட்டிகை

செய்முறை:

சம்பா ரவையையும், பயற்றம் பருப்பையும், ஒரு ஸ்பூன் எண்ணெய் விட்டு வறுத்துக் கொள்ளவும். பிறகு அதை 1_2 லிட்டர் தண்ணீரில் உப்பு கலந்து வேக வைக்கவும். வெல்லத்தை சிறிது தண்ணீரில் கரைத்து அடுப்பில் வைத்து ஒரு கொதி வந்ததும், வெந்த ரவை, பருப்புக் கலவையைச் சேர்த்துக் கிளறவும். பிறகு நெய்யில் வறுத்த முந்திரி, ஏலக்காய் தூள் சேர்த்து, நெய்யை விட்டுக் கிளறி இறக்கவும்.

Guest · Guest Wed Jan 14, 2009 2:34 am

சம்பா ரவை வெண் பொங்கல்

தேவையான பொருட்கள்:

சம்பா ரவை - 200 கிராம்
பயற்றம் பருப்பு - 60 கிராம்
தேங்காய் துருவல் -
2 டேபிள் ஸ்பூன்
மிளகு, சீரகம் - 1 ஸ்பூன்
கறிவேப்பிலை - சிறிது
இஞ்சி - சிறிது
முந்திரிப் பருப்பு - 4
உப்பு - 1 டேபிள் ஸ்பூன்
நெய் - 1 கரண்டி

செய்முறை:

சம்பா ரவையையும், பருப்பையும் 2 ஸ்பூன் எண்ணெய் விட்டு தனித்தனியே சிவக்க வறுக்கவும். பாத்திரத்தில் தண்ணீர் ஊற்றி, தேவைக்கேற்ப உப்பு கலந்து கொதிக்க விடவும். கொதித்ததும்- வறுத்த ரவை, பருப்பைக் கொட்டி, மிதமான தீயில் வேக விடவும். வெந்ததும் நெய்யில் மிளகு, சீரகம், இஞ்சி, கறிவேப்பிலை, தேங்காய் துருவல் ஆகியவற்றை வதக்கிச் சேர்க்கவும். முந்திரியைத் தனியே நெய்யில் வறுத்துக் கொட்டவும். மேலாகச் சிறிது நெய் விட்டுக் கிளறி, இறக்கவும்.

Sponsored content · Sponsored content

சுவையான பொங்கல் வகைகள்

சுவையான பொங்கல் வகைகள்

Re: சுவையான பொங்கல் வகைகள்

Re: சுவையான பொங்கல் வகைகள்

Re: சுவையான பொங்கல் வகைகள்

Re: சுவையான பொங்கல் வகைகள்

Re: சுவையான பொங்கல் வகைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக