சென்னையை அடுத்த சோழிங்கநல்லூரில் “விப்ரோ” வில் தீ

**இளமாறன்** · **இளமாறன்** Wed Dec 21, 2011 3:23 am

ஆலந்தூர், டிச. 20-

சென்னையை அடுத்த சோழிங்கநல்லூரில் “விப்ரோ” நிறுவனத்திற்கு சொந்தமான 7 மாடி கட்டிடம் உள்ளது. இங்கு ஆயிரக்கணக்கான சாப்ட்வேர் என்ஜினீயர்கள், ஊழியர்கள் பணியாற்றி வருகிறார்கள்.

இந்நிலையில் இன்று காலை 2-வது மாடியில் உள்ள யு.பி.எஸ். பேட்டரி ஒன்றில் மின் கசிவு ஏற்பட்டு தீப்பிடித்தது. சிறிது நேரத்தில் தீ அருகில் இருந்த அறைகளுக்கு பரவியது.

இதையடுத்து அங்கிருந்த ஊழியர்கள் அனைவரும் வெளியேற்றப்பட்டனர். தகவல் அறிந்ததும் சிறு சேரியில் இருந்து தீயணைப்பு வீரர்கள் விரைந்து வந்தனர். அவர்கள் 3 மணி நேரம் போராடி தீயை அணைத்தனர். இந்த தீ விபத்தில் பேட்டரிகள், கம்ப்யூட்டர்கள் மற்றும் மின் சாதனங்கள் எரிந்து சேதம் அடைந்தன. சேத மதிப்பு தெரிய வில்லை. துரைப்பாக்கம் உதவி கமிஷனர் ரவி மற்றும் போலீசார் விரைந்து சென்று தீ விபத்து நடந்த கட்டிடத்தில் விசாரணை நடத்தினர்.

மாலைமலர்