பெண் கொடுக்க மறுத்தவரை போலீசில் மாட்டிவிட திட்டமிட்டவர் கைது

kitcha · kitcha Mon Dec 19, 2011 5:17 pm

First topic message reminder :

சேலம் நகரிலிலுள்ள கிச்சிப்பாளையம் காவல் நிலையம், காவல்துறை கட்டுப்பாடு அறை, காவல் ஆய்வாளர் கலையரசி ஆகியோருக்கு கடந்த 9ம் தேதி போனில் பேசிய ஒருநபர் தன்னுடைய பெயர் எஞ்சினியர் கருப்பணன். நான் வேலையிலிருந்து ஓய்வு பெற்றுவிட்டேன். எனக்கு வழங்கப்படும் ஓய்வு ஊதியம் போதவில்லை, எனக்கு ஓய்வு ஊதியத்தை உயர்த்தி கொடுக்காவிட்டால் நான் சேலம் மாவட்ட ஆட்சியர் அலுவலகம், காவல்துறை ஆணையாளர் அலுவலகம் ஆகிய இடங்களை குண்டு வைத்து தகர்ப்பேன் என்று தொலைபேசியில் பேசிய அந்த நபர் மிரட்டியுள்ளார்.

இதுகுறித்து கொடுக்கப்பட்ட புகாரை சேலம், அன்னதானப்பட்டி ஆய்வாளர் கண்ணன் விசாரணை செய்து வந்தார். செல்போன் எண்ணை வைத்து தொலைபேசியில் பேசியது யார் என்பதை பொலிசார் கண்டுபிடித்தனர்.

சேலம் களரம்பட்டி, செல்வமாரியம்மன் கோவில் தெருவை சேர்ந்த கந்தசாமி என்பவரின் மகன் பால் தனசேகர் (வயது 28) என்பதை கண்டுபிடித்தனர். போலீசார் தன்னை பின்தொடருவதை அறிந்த தனசேகர் சேலத்திலிருந்து தலைமறைவாகி கொல்லிமலைக்கு சென்றுவிட்டார்.

அங்கு சென்றும், போலீசார் தன்னை கண்டுபிடிக்ககூடாது என்பதற்காக, தன்னுடைய தலையை மொட்டையடித்து தோற்றத்தை மாற்றியுள்ளார். அனாலும், பின்தொடர்ந்து சென்ற போலீசார் நேற்று மாலை தனசேகரனை கைது செய்துள்ளனர்.

ஆந்திராவில் உள்ள ஒரு சட்டக்கல்லூரியில் அஞ்சல் வழியில் சட்டம் படித்து வரும் பால் தனசேகரன், கன்னங்குறிச்சி வசந்தபுரத்தை சேர்ந்த ஓய்வு பெற்ற எஞ்சினியர் கருப்பணன் என்பவரின் மகளை காதலித்துள்ளார். ஆனால், கருப்பாணன் தனசேகரனுக்கு தன்னுடைய மகளை திருமணம் செய்து கொடுக்க மறுத்துவிட்டார். இதனால் ஆத்திரம் கொண்ட தனசேகரன் கருப்பனானை போலீசில் சிக்கவைக்க திட்டம் தீட்டி தனக்கு ஓய்வு ஊதியத்தை உயர்த்தி கொடுக்க வேண்டும் என்று கருப்பணன் மிரட்டுவது போல வெடிகுண்டு மிரட்டல் விடுத்துள்ளார்.

ஆனால், போலீஸ் விசாரணையில் மிரட்டல் விடுத்தது கருப்பணன் அல்ல... பால் தனசேகர் தான் என்பதை போலீசார் கண்டுபிடித்து தனசேகரை கைது செய்துள்ளனர்.

நக்கீரன்