பொழுதைக் கழிக்க ஓர் வழி !!!

**Dr.சுந்தரராஜ் தயாளன்** · 03/09/2011

First topic message reminder :

பொழுதைக் கழிக்க ஓர் வழி
[எண்சீர் ஆசிரிய விருத்தம்]

அடிக்கடி பெண்டிர் போட்டுவைத் திடுமிடம் (1)
--------------அழகிய தாய்மொழி அதன்பெயர் ஒன்று (2)
பிடித்த தலைவரைப் வாழ்த்தியே முழக்கும்சொல் (3)
--------------பேர் ”விருப்பம்” என்பதின் முன்றெழுத் துச்சொல் (4)
தடித்ததோர் யானையின் தடங்செவி என்பதைத்
--------------தரமாய் முன்றெழுத் திலாக்க வருங்சொல் (5)
படிக்கப் படிக்க பெருங்கடல் போன்றது (6)
----------------படிக்கும் பாவகையின் மூன்றெழுத்து மறுசொல்(7)

எல்லாம் முன்றெழுத்தே வருதல் வேண்டும்
-----------------எழுதி நடுவெழுத்தை வாசித்தால்,ஈகரையோரே
சொல்லாத பெயரொன்று வருதல் காண்பீர்
------------------சோர்விலா அழகுப் பெயராம் அதுவே
நல்லா தரவுதந் திதையேற் கவேண்டும்
-------------------நன்றாகச் சிந்தித்துப் பார்க்க வேண்டும்
பொல்லா தவனே என்றேயேச வேண்டாம்
----------------பொழுதைக் கழிக்க வோர்வழியே சொன்னேன் !!!

அன்புடையீர், வணக்கம். நான் மேலே கொடுத்துள்ள விருத்தம் 'நடுவெழுத்து அலங்காரம்' என்று வைத்துக்கொள்ளலாம். நன்றாக யோசித்து உள்ளே மறைந்திருக்கும் பெயர் என்ன என்பதை கண்டுபிடியுங்கள் பார்க்கலாம். முதலில் கண்டுபிடிப்போருக்கு நல்ல பரிசு கொடுக்கலாம் என்று நினைக்கிறேன். எனினும் அதை நிர்வாகத்தின் அனுமதி பெற்றெ முடிவு செய்ய முடியும். என்றாலும், நீங்கள் என் ஊருக்கு வந்தால் அடையாறு ஆனந்த பவனில் ஒரு சிறப்புச் சாப்பாடு, அல்லது புலால் உண்ணுபவராக இருந்தால் நல்ல ஆடு/கோழி பிரியாணி வாங்கித்தர நான் தயாராக உள்ளேன். எல்லோரும் முயற்சி செய்யுங்கள். மகிழ்ச்சி

முதலாம் போட்டி : பக்கம் 1 - வெற்றி பெற்றவர்: கே. பாலா
இரண்டாம் போட்டி : பக்கம் 4 - வெற்றி பெற்றவர்: வை. பாலாஜி
மூன்றாம் போட்டி : பக்கம் 7 - வெற்றி பெற்றவர்: பி.தமிழ் முகில்

நான்காம் போட்டி : பக்கம் 9 - வெற்றி பெற்றவர் : கே. பாலா
மகிழ்ச்சி

**பிஜிராமன்** · **பிஜிராமன்** Mon Jan 09, 2012 6:45 pm

தொடங்குங்கள் ஐயா........ ஜாலி

**Dr.சுந்தரராஜ் தயாளன்** · 03/09/2011

போட்டி – 3
அன்புடைய ஈகரை உறவுகளே, கீழ்க்கண்ட இன்னிசை வெண்பாவை கவனமாகப் படித்துப்பாருங்கள். நாம் நன்றாக அறிந்த இரண்டு சொற்களைக் குறித்து சிலேடையாக இந்த வெண்பாவில் எழுதியுள்ளேன். வெண்பாவின் கடைசி அடியாகிய சிந்தடியில் முதல் இரண்டு முச்சீர்களும் மறைக்கப்பட்டுள்ளன. நீங்கள் அவை இரண்டும் யாவை என்பதைக் கண்டுபிடிக்க வேண்டும்.

முன்னாலே போகுமாம் முன்போய் முடிந்தபின்பு
பின்னாலும் போகும் பிடித்தடைக்க லாகா(து)
படிகாரத் தாலே பயனடைவோர் மக்கள்
----------- ----------- காண்

:வணக்கம்:

சார்லஸ் mc · சார்லஸ் mc Mon Jan 09, 2012 6:54 pm

நிழல்

நிழல் கடிகாரம்

**பிஜிராமன்** · **பிஜிராமன்** Mon Jan 09, 2012 6:56 pm

ஒரு வார்த்தை ரயில் என்று நினைக்கிறேன்

**பிஜிராமன்** · **பிஜிராமன்** Mon Jan 09, 2012 7:01 pm

சார்லஸ் mc wrote:நிழல்

நிழல் கடிகாரம்

**Dr.சுந்தரராஜ் தயாளன்** · 03/09/2011

உறவுகளே, அவசரப்படாமல் நன்றாக யோசித்துப் பார்க்கவேண்டும். :வணக்கம்:

**பிஜிராமன்** · **பிஜிராமன்** Mon Jan 09, 2012 7:11 pm

காற்று

சார்லஸ் mc · சார்லஸ் mc Mon Jan 09, 2012 7:21 pm

காலம், வரலாறு

சார்லஸ் mc · சார்லஸ் mc Mon Jan 09, 2012 7:23 pm

நிகழ்காலம், கடந்தகாலம்

வரலாறு

**கே. பாலா** · **கே. பாலா** Mon Jan 09, 2012 7:37 pm

கடிகாரம் .ஊஞ்சல் ?? என்ன?

Sponsored content · Sponsored content

பொழுதைக் கழிக்க ஓர் வழி !!!

பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக