பொழுதைக் கழிக்க ஓர் வழி !!!

**Dr.சுந்தரராஜ் தயாளன்** · 03/09/2011

First topic message reminder :

பொழுதைக் கழிக்க ஓர் வழி
[எண்சீர் ஆசிரிய விருத்தம்]

அடிக்கடி பெண்டிர் போட்டுவைத் திடுமிடம் (1)
--------------அழகிய தாய்மொழி அதன்பெயர் ஒன்று (2)
பிடித்த தலைவரைப் வாழ்த்தியே முழக்கும்சொல் (3)
--------------பேர் ”விருப்பம்” என்பதின் முன்றெழுத் துச்சொல் (4)
தடித்ததோர் யானையின் தடங்செவி என்பதைத்
--------------தரமாய் முன்றெழுத் திலாக்க வருங்சொல் (5)
படிக்கப் படிக்க பெருங்கடல் போன்றது (6)
----------------படிக்கும் பாவகையின் மூன்றெழுத்து மறுசொல்(7)

எல்லாம் முன்றெழுத்தே வருதல் வேண்டும்
-----------------எழுதி நடுவெழுத்தை வாசித்தால்,ஈகரையோரே
சொல்லாத பெயரொன்று வருதல் காண்பீர்
------------------சோர்விலா அழகுப் பெயராம் அதுவே
நல்லா தரவுதந் திதையேற் கவேண்டும்
-------------------நன்றாகச் சிந்தித்துப் பார்க்க வேண்டும்
பொல்லா தவனே என்றேயேச வேண்டாம்
----------------பொழுதைக் கழிக்க வோர்வழியே சொன்னேன் !!!

அன்புடையீர், வணக்கம். நான் மேலே கொடுத்துள்ள விருத்தம் 'நடுவெழுத்து அலங்காரம்' என்று வைத்துக்கொள்ளலாம். நன்றாக யோசித்து உள்ளே மறைந்திருக்கும் பெயர் என்ன என்பதை கண்டுபிடியுங்கள் பார்க்கலாம். முதலில் கண்டுபிடிப்போருக்கு நல்ல பரிசு கொடுக்கலாம் என்று நினைக்கிறேன். எனினும் அதை நிர்வாகத்தின் அனுமதி பெற்றெ முடிவு செய்ய முடியும். என்றாலும், நீங்கள் என் ஊருக்கு வந்தால் அடையாறு ஆனந்த பவனில் ஒரு சிறப்புச் சாப்பாடு, அல்லது புலால் உண்ணுபவராக இருந்தால் நல்ல ஆடு/கோழி பிரியாணி வாங்கித்தர நான் தயாராக உள்ளேன். எல்லோரும் முயற்சி செய்யுங்கள். மகிழ்ச்சி

முதலாம் போட்டி : பக்கம் 1 - வெற்றி பெற்றவர்: கே. பாலா
இரண்டாம் போட்டி : பக்கம் 4 - வெற்றி பெற்றவர்: வை. பாலாஜி
மூன்றாம் போட்டி : பக்கம் 7 - வெற்றி பெற்றவர்: பி.தமிழ் முகில்

நான்காம் போட்டி : பக்கம் 9 - வெற்றி பெற்றவர் : கே. பாலா
மகிழ்ச்சி

**Dr.சுந்தரராஜ் தயாளன்** · 03/09/2011

உறவுகள் அனைவருக்கும் என் மாலை வணக்கத்தையும் வாழ்த்துகளையும் தெரிவித்துக்கொள்கிறேன். சென்னை விழா மிகச் சிறந்த முறையில் நடந்து முடிந்துவிட்டது. இனி நாம் ''பொழுதைக் கழிக்கும் ஓர் வழியை'' தொடரலாம் என்று உள்ளேன். நீங்களும் தயாராக இருப்பீர்கள் என்று நம்புகிறேன். மகிழ்ச்சி

ஆரம்பிக்கலாமா உறவுகளே? மகிழ்ச்சி

மகா பிரபு · மகா பிரபு Fri Feb 17, 2012 9:59 pm

நான் தயார் ஐயா.

**Dr.சுந்தரராஜ் தயாளன்** · 03/09/2011

போட்டி - 5
எண்சீர் ஆசிரியவிருத்தம்
கூட்டுறவு முறையினில் கொள்முதல் செய்ததைக்
--------------- கூட்டியே பிளாஸ்டிக்கில்[பையில்] விற்குமோர் நிறுவனம்.................(1)
காட்டிடும் கலைஞர்களின் முழுநுட்பம் குறிக்குங்சொல்...................................... (2)
---------------- கல்யாணம், சாப்பாட்டிலும் இக்கடவுள் பெயர்சேர்ப்பார் ......................(3)
வீட்டினில் குழந்தைக்கு ஊட்டிவிடும் சாற்றுணவும்
----------------- விரும்பிய இறைவன்முன் படையலின் பெயருமாம்...........................(4)
நாட்டினில் மக்கள்மிக விரும்பிடும் நறுமலர்..........................................................(5)
----------------- நம்”தலைவர்” என்பதின் பெண்பால்ப் பெயரது.......................................(6)

தேவையான ஆறு சொற்களும் மூவேழுத்துச் சொற்களே.

ஆயினும், முதல் மூன்று சொற்களை (1, 2, 3 )மேலிருந்து கீழாக அடுக்கி,
முதல் எழுத்துக்களை மட்டும் மேலிருந்து கீழாக வாசிக்கவேண்டும்.

கடைசி மூன்று சொற்களை (4, 5, 6) மேலிருந்து கீழாக அடுக்கி, நடுவேழுத்துக்களை மட்டும் மேலிருந்து கீழாக வாசிக்க வேண்டும்.

இரண்டு சொற்களையும் சேர்த்து வாசிக்கும் போது ஒரு அழகிய அழகியின் தமிழ்ப் பெயர் ஒன்று வருவதைக் காண்பீர்கள். கண்டுபிடியுங்கள் உறவுகளே.
மகிழ்ச்சி

மகா பிரபு · மகா பிரபு Sat Feb 18, 2012 7:35 am

1. ஆவின்
2. திறமை
3. ராமன்
4. அமுல்
5. மல்லி
6. தலைவி

அழகிய அழகியின் தமிழ் பெயர்: ஆதிரா முல்லை

**Dr.சுந்தரராஜ் தயாளன்** · 03/09/2011

மகா பிரபு wrote:
1. ஆவின்
2. திறமை
3. ராமன்
4. அமுல்
5. மல்லி
6. தலைவி

அழகிய அழகியின் தமிழ் பெயர்: ஆதிரா முல்லை

ஆகா...அருமை...மகா பிரபு அவர்களே....சரியாகக் கண்டுபிடித்து விட்டீர்கள். என் பாராட்டுக்கள். வேறு யாருக்கும் வாய்ப்பே கொடுக்கவில்லையே. மகிழ்ச்சி

**Dr.சுந்தரராஜ் தயாளன்** · 03/09/2011

4 , 5 கும் ஆனா விடை முறையே அமுது, முல்லை என்று இருக்க வேண்டும். ஆயினும் மறைந்திருந்த பெயரை சரியாகச் சொல்லி விட்டீர்கள்.
நடந்து முடிந்த சென்னை பரிசளிப்பு விழாவைத் தனி ஒருவராக திறம்பட நடாத்திக் கொடுத்த நம்ம சகோதரி ஆதிரா அவர்களை நினைத்தே இந்த போட்டி விருத்தம் எழுதப்பட்டது. மகிழ்ச்சி

சார்லஸ் mc · சார்லஸ் mc Sat Feb 18, 2012 7:56 am

தாமதமின்றி பதிலளித்த திறமைமிக்க திரு.மகாபிரவுக்கு எனத மனமாா்ந்த நல் வாழ்த்துக்கள் அன்பு மலர்

dhilipdsp · dhilipdsp Sat Feb 18, 2012 8:09 am

**கே. பாலா** · **கே. பாலா** Sat Feb 18, 2012 8:27 am

வாழ்த்துக்கள் பிரபு !..... மகிழ்ச்சி

சதாசிவம் · சதாசிவம் Sat Feb 18, 2012 8:39 am

அழகான அடுத்த கேள்வி அமைத்து கொடுத்த அய்யாவுக்கும், அதிரடியாய் பதில் சொன்ன பிரபுவுக்கும் பாராட்டுகள்.

மற்ற பதில் கண்டுபிடித்து, மூன்றுக்கு அக்னி என்று எண்ணி குழம்பி இருந்தேன்.

வாழ்த்துகள் பிரபு

Sponsored content · Sponsored content

பொழுதைக் கழிக்க ஓர் வழி !!!

பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

Re: பொழுதைக் கழிக்க ஓர் வழி !!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக