உதயக்குமார் மீது பயங்கரவாத சட்டத்தில் வழக்கு

Guest · Guest Sat Dec 17, 2011 1:40 pm

கூடங்குளம் அணு மின் நிலையத்தை, குண்டுவைத்து தகர்ப்போம் என, உதயக்குமார் மற்றும் அவரது ஆதரவாளர்கள் மிரட்டியதாக, கூடங்குளம் போலீஸ் நிலையத்தில், அரசின் சார்பில், கிராம நிர்வாக அலுவலர்கள் புகார் கொடுத்துள்ளனர்.

கூடங்குளம் அணு மின் நிலையத்தை எதிர்த்து, அணு உலை எதிர்ப்பு மக்கள் இயக்கம் சார்பில், உதயக்குமார், பாதிரியார்கள் ஜெயக்குமார், ஜேசுராஜ், சுசிலன், பதேயூஸ் ராஜன், லால்மோகன் உள்ளிட்ட குழுவினர், விதவிதமான போராட்டங்களை அறிவித்து, பரபரப்பு தேடுகின்றனர்.

இதுகுறித்து, உதயக்குமார் மீது, கூடங்குளம் மற்றும் விஜயாபதி கிராமங்களை சேர்ந்த வி.ஏ.ஓ.,க்கள் (கிராம நிர்வாக அலுவலர்கள்), அரசின் சார்பில் புகார் அளித்துள்ளனர்.

புகார் விவரம்: விஜயாபதி வி.ஏ.ஓ., வெள்ளையம்மாள் அளித்த புகார்: உதயக்குமார் குழுவினரின் சந்தேகங்களுக்கு, விஞ்ஞான ரீதியாக பதிலளித்த பின்பும், அதை ஏற்க மறுத்து, மக்களை திசை திருப்பி, நாட்டிற்கு எதிராக போராடத் தூண்டியும், நாட்டின் மீதான விசுவாசத்தை குலைக்கும் வகையில் பேசியும் வருகின்றனர். இந்நிலையில், நவம்பர் 21ம் தேதி, உதயக்குமார் தலைமையிலான குழுவினர், கூடங்குளம் அணு மின் நிலையம் அருகிலுள்ள கடற்கரையில் கூடி, தமிழ்நாடு கவர்னரின் உத்தரவை மீறும் வகையில், தடை விதிக்கப்பட்ட 500 மீட்டருக்குள் நுழைந்து, மத்திய அரசுக்கு எதிராக கோஷமிட்டனர். அணு உலையை உடனே மூட வேண்டும்; இல்லையென்றால், குண்டு வைத்து தகர்த்து தரை மட்டமாக்குவோம். அணு உலையை செயல்பட விடமாட்டோம் என, கோஷங்கள் எழுப்பினர். அவர்கள் மீது, நடவடிக்கை எடுக்க வேண்டும். இவ்வாறு அதில் கூறப்பட்டுள்ளது. இதே விவரங்களோடு, கூடங்குளம் வி.ஏ.ஓ., நாதன் இளங்கோவும் புகார் அளித்துள்ளார்.

பயங்கரவாத தடை சட்டம்: இந்த புகார்களை ஏற்று, கூடங்குளம் போலீஸ் சிறப்பு எஸ்.ஐ., எழில்குமார் வழக்கு பதிவு செய்து, விசாரணை நடத்துகிறார். இதில், பயங்கரவாத செயலுடன் நாட்டை துண்டாடுதல், சட்டவிரோதமாக கூடுதல், கூட்டுச் சதி செய்தல், இந்திய தேசத்துக்கு எதிரான சதி, மக்களை திசை திருப்பி போராடத் தூண்டுதல் போன்ற பிரிவுகளில், வழக்கு பதிவு செய்யப்பட்டுள்ளது. இதில், "கிரிமினல் லா அமென்ட்மென்ட்' சட்டப் பிரிவில் வழக்கு பதிவு செய்திருப்பதால், உதயக்குமாரின் அமைப்பு, பயங்கரவாத தடுப்பு சட்டத்தில் தடை செய்யப்பட வாய்ப்புள்ளது. விடுதலைப் புலிகள் உள்ளிட்ட பல இயக்கங்கள், இந்த சட்டப் பிரிவில் தான் தடை செய்யப்பட்டன என்பது குறிப்பிடத்தக்கது.

- நமது சிறப்பு நிருபர் -

பேகன் · பேகன் Sat Dec 17, 2011 1:47 pm

நேத்து ரஷ்யால பிரதமர் கொடுத்த வாக்குறுதி நிறைவேறிடும் போல!!!

உதயக்குமார் மீது பயங்கரவாத சட்டத்தில் வழக்கு

உதயக்குமார் மீது பயங்கரவாத சட்டத்தில் வழக்கு

Re: உதயக்குமார் மீது பயங்கரவாத சட்டத்தில் வழக்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக