தங்கம் விலை இன்றும் பவுனுக்கு ரூ.448 குறைந்தது: 2 நாளில் ரூ.1000 சரிவு

**இளமாறன்** · **இளமாறன்** Sat Dec 17, 2011 3:50 am

சென்னை, டிச. 16-

தங்கத்தின் விலை சில வருடங்களாக உயர்ந்து கொண்டே சென்று கடந்த வாரம் வரலாறு காணாத வகையில் பவுன் ரூ.22 ஆயிரத்தை தாண்டியது. அதன் பிறகு தங்கத்தின் விலை குறைந்து வருகிறது.

நேற்றும் இன்றும் தங்கம் விலையில் மேலும் வீழ்ச்சி ஏற்பட்டது. கடந்த வாரம் 22 ஆயிரமாக இருந்த பவுன் விலை இன்று ரூ.20,432 ஆக குறைந்தது. நேற்று பவுனுக்கு ரூ.608-ம், இன்று ரூ.448-ம் குறைந்துள்ளது. 2 நாளில் மட்டும் பவுன் விலையில் ரூ.1000 சரிவு ஏற்பட்டுள்ளது.

நேற்று ஒரு பவுன் தங்கம் ரூ.20,880 ஆகவும், ஒரு கிராம் ரூ.2,610 ஆகவும் இருந்தது. இன்று ஒரு பவுன் தங்கம் ரூ.20,432 ஆகவும் ஒரு கிராம் 2,554 ஆகவும் குறைந்தது.

வெள்ளி விலை ஒரு கிலோ ரூ.52,700-க்கும், ஒரு கிராம் ரூ.55.85-க்கும் விற்கப்பட்டது.

இந்திய ரூபாயின் மதிப்பு குறைவு, டாலரின் மதிப்பு அதிகரிப்பு, சர்வதேச சந்தையில் தங்கத்தின் விலையில் ஏற்பட்ட சரிவு காரணமாக இந்தியாவில் தங்கத்தின் விலை குறைந்து வருவதாக வர்த்தகர்கள் தெரிவித்தனர்.