கேரளக்காரர்களால் அடித்து விரட்டப்பட்ட 100 தமிழக குடும்பத்தினர் தேவாரம் வந்தனர்

**இளமாறன்** · **இளமாறன்** Fri Dec 16, 2011 12:01 am

உத்தமாளையம், டிச. 15-

கேரள மாநிலத்தில் உள்ள உடுப்பஞ்சோலை, ஆணைக்கல்மெட்டு, ஆட்டுவாரை, மணத்தோடு, தலையங்கம், சதுரங்கப் பாறை, நெடுங்கண்டம் போன்ற பகுதிகளில் 10 ஆயிரத்திற்கும் மேற்பட்ட தமிழர்கள் வசித்து வருகிறார்கள்.

அவர்கள் தேயிலை தோட்டம், ஏலத்தோட்டம், காப்பி தோட்டங்களில் வேலை செய்து வருகிறார்கள். இந்த நிலையில் முல்லை பெரியாறு அணை பிரச்சினையில் கேரள அரசு தாக்கல் செய்த மனுவை உச்சநீதிமன்றம் தள்ளுபடி செய்தது.

இதனால் ஆத்திரம் அடைந்த கேரளக்காரர்கள் அங்கு வசித்து வரும் தமிழர்களை தாக்கி விரட்டி அடித்து வருகிறார்கள். நெடுங்கண்டம், காரித்தோடு, கரியன்மலை போன்ற பகுதிகளில் வீடு, வீடாக புகுந்து தமிழர்களை தாக்கி விரட்டி அடித்துள்ளனர்.

இதை தொடர்ந்து ஏராளமான ஆண்கள், பெண்கள், குழந்தைகளுடன் உயிர் தப்பி இரவோடு இரவாக போடி மற்றும் தேவாரம் வந்து தஞ்சம் அடைந்துள்ளனர். போடி தாலுகா அலுவலகத்தில் தஞ்சம் அடைந்தவர்களுக்கு உணவு மற்றும் தங்குவதற்கு தேவையான வசதிகள் கொடுக்கப்பட்டுள்ளது.

உயிர் தப்பி வந்த ஆண்டிச்சாமி என்பவர் கண்ணீர் மல்க கூறும் போது, உடுப்பஞ்சோலையில் தமிழர்கள் வசிக்கும் இடங்களில் ஆட்டோக்களில் வந்து தாக்குகிறார்கள். வயதானவர்கள் என்றுகூட பாராமல் அசிங்கமாக பேசி அடித்தனர். பஸ்சில் ஏறி சென்றால் கேரளக்காரர்கள் டிக்கெட் தர மறுக்கிறார்கள். இதனால் காட்டுவழியாக 13 கிலோ மீட்டர் தூரம் நடந்து வந்தோம் என்றார்.

வசந்தா என்பவர் கூறும் போது, நான் பெருமாள் குளம் எஸ்டேட்டில் சிறு வயதில் இருந்தே வேலை செய்து வருகிறேன். கேரளக்காரர்கள் கும்பல், கும்பலாக வந்து தமிழர்களை தாக்கி வருகிறார்கள். ஒரு மணி நேரத்தில் வீட்டை காலி செய்து விட்டு ஓடிவிடவேண்டும். இல்லாவிட்டால் நடப்பது வேறு என்று மிரட்டினார்கள். இதனால் உயிருக்கு பயந்து ஓடியவந்து விட்டேன் என்றார்.

மேலும் சிலர் கூறும் போது, மின் இணைப்பை துண்டித்து விட்டு கேரளக்காரர்கள் வீடு வீடாக புகுந்து தாக்கி வருகிறார்கள். இதுகுறித்து கேரள போலீஸ் நிலையத்தில் புகார் செய்தால் போலீசார் நடவடிக்கை எடுப்பது இல்லை. போலீசாரும் எங்களை தாக்க வருகிறார்கள் என்றனர்.

இந்த நிலையில் இன்று காலை கேரள மாநிலம் இடுக்கி மாவட்டம் சதுரங்க பாறை என்ற இடத்தில் வசித்து வந்த தமிழர்கள் 100 குடும்பத்தினர் கேரளக்காரர்களின் அட்டூழியம் தாங்காமல் தேவாரம் வந்தனர்.

மாவட்ட கலெக்டர் பழனிசாமி உத்தரவின் பேரில் உத்தமபாளையம் தாசில்தார் சூரியகலா மற்றும் வருவாய் அதிகாரிகள் கேரளாவில் இருந்து வரும் அனைத்து தமிழர்களை தங்க வைக்க தேவையான அனைத்து நடவடிக்கைகளும் செய்து உள்ளனர்.

100க்கும் மேற்பட்ட குடும்பத்தை சேர்ந்த 250 பேர் தேவாரத்தில் உள்ள அரசு பள்ளியில் தங்க வைக்கப்பட்டு உள்ளனர். கேரளாவில் இருந்து தப்பி வந்தவர்கள் கூறும்போது, இன்னும் 24 மணி நேரத்தில் இடத்தை காலி செய்யாவிட்டால் குடும்பத்துடன் அடித்து நொறுக்கி காலி செய்து விடுவோம் என்று கூறினர். இதனால் நாங்கள் பயந்து வந்து விட்டோம் என அவர்கள் கண்ணீர்மல்க கூறினர்.

மாலைமலர்

சார்லஸ் mc · சார்லஸ் mc Fri Dec 16, 2011 8:24 am

எங்கு சென்றாலும் தமிா்களுக்கு மட்டும் ஏன் இப்படி நோிடுகிறது என தொியவில்லை. வந்தாரை வாழ வைக்கும் தமிழா்கள் நிறைந்த தமிழ ந ாட்டு மக்களை மட்டும் மற்றவா்கள் வாழ விடாமல் விரட்டியடிப்பது ஏன்?

ரேவதி · ரேவதி Fri Dec 16, 2011 9:41 am

அடபாவிங்களா..உங்கள் ஆளுங்க கூட இங்கதானே இருக்காங்க அதை மறந்துவிட்டீர்களா கோபம்

Guest · Guest Fri Dec 16, 2011 9:46 am

கேரளக்காரர்கள் மிக பெரிய வரலாற்று தவறை செய்து விட்டார்கள் ..

இனி நடக்க போவதை தடுத்து நிறுத்த முடியாது ..

Sponsored content · Sponsored content

கேரளக்காரர்களால் அடித்து விரட்டப்பட்ட 100 தமிழக குடும்பத்தினர் தேவாரம் வந்தனர்

கேரளக்காரர்களால் அடித்து விரட்டப்பட்ட 100 தமிழக குடும்பத்தினர் தேவாரம் வந்தனர்

Re: கேரளக்காரர்களால் அடித்து விரட்டப்பட்ட 100 தமிழக குடும்பத்தினர் தேவாரம் வந்தனர்

Re: கேரளக்காரர்களால் அடித்து விரட்டப்பட்ட 100 தமிழக குடும்பத்தினர் தேவாரம் வந்தனர்

Re: கேரளக்காரர்களால் அடித்து விரட்டப்பட்ட 100 தமிழக குடும்பத்தினர் தேவாரம் வந்தனர்

Re: கேரளக்காரர்களால் அடித்து விரட்டப்பட்ட 100 தமிழக குடும்பத்தினர் தேவாரம் வந்தனர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக