இரண்டு சிம் உள்ள ஸ்பைஸ் டி1111

இந்தியாவில் விண்டோஸ் மொபைல் ஆப்பரேட்டிங் சிஸ்டத்துடன் கூடிய இரண்டு சிம் கொண்ட முதல் மொபைல் போனாக ஸ்பைஸ் டி–1111 வெளிவந்துள்ளது. இதில் ஜி.எஸ்.எம். மற்றும் சி.டி.எம்.ஏ. என இருவகை சிம் கார்டுகளைப் பயன்படுத்தலாம். வசதியாக இயக்கும் வகையில் இதன் கீ பேட் அமைந்துள்ளது. மற்றபடி வேறு எந்த சிறப்பான வசதியும் இதில் இல்லை. இதன் மெமரி கார்ட் பேட்டரியின் கீழாக வைத்து இயக்கும் வகையில் அமைக்கப்பட்டுள்ளது. இதன் விலை ரூ. 18,499.



2.8 அங்குல டச் ஸ்கிரீன், அழகான வடிவமைப்பு, மேலாக ஸ்பீக்கர், பேட்டரி நிலையைக் காட்டும் எல்.இ.டி. விளக்கு, 2 ஜிபி வரை மெமரியை நீட்டிக்கச் செய்திடும் கார்ட் ஸ்லாட், கேமரா தரப்பட்டுள்ளது. வழக்கமாக கீழாக உள்ள கீகள் வலது பக்கத்திற்கு மாற்றப்பட்டுள்ளது. விண்டோஸ் மொபைல் 6.1 சிஸ்டம் இயங்குவதால் திரையில் குவெர்ட்டி கீ போர்டு கிடைக்கிறது. இருப்பினும் கீழாக உள்ள கீ போர்டு டைப் செய்வதற்கு எளிதாக உள்ளது. சில கீகளின் மாற்று இடத்திற்கு நாம் பழகிக் கொள்ள சில நாட்கள் எடுக்கலாம். மேலும் இதில் ஜி.பி.ஆர்.எஸ்., புளுடூத் 1.2 மற்றும் யு.எஸ்.பி.போர்ட் உள்ளன. ஆனால் எட்ஜ், 3ஜி, வை–பி மற்றும் ஜிபிஎஸ் இல்லை. இதனால் இன்டர்நெட் இணைப்பில் பிரவுஸ் செய்வது மிகவும் மெதுவாக உள்ளது. பிரவுசிங் செய்வதற்கு மொபைல் இன்டர்நெட் எக்ஸ்புளோரர் மற்றும் ஆப்பரா மினி பதிந்து தரப்படுகிறது. இருப்பினும்க் ஆப்பரா மொபைல் பிரவுசரைப் பதிந்து பிரவுஸ் செய்வது ஓரளவிற்கு பிரவுசிங் வேலையை எளிதாக்கும். கேமராவில் ஆட்டோ போகஸ் இல்லை. பட வெளிப்பாடு சுமார் தான். விண்டோஸ் மொபைல் ஆப்பரேட்டிங் சிஸ்டத்தில், இரண்டு வகை சிம் கார்ட் பயன்படுத்தக் கூடிய போன் வேண்டும் என்று நீங்கள் விரும்பினால் மட்டுமே இதனை வாங்கலாம். மற்றபடி இந்த விலையில் வேறு போன்கள் கூடுதல் வசதிகளுடன் கிடைக்கின்றன.