உடல்நலத்தை நீங்களே பரிசோதிக்க...

தாமு · தாமு Mon Sep 28, 2009 6:53 am

இளம்பருவம் துடிப்பு மிக்கது. எடுத்த காரியத்தை துரிதமாக முடிக்க துறுதுறுவென செயல்படும் வேகம் கிடைக்கும் பருவம். இந்தப் பருவத்தில்தான் உடலும், மனமும் திடப்படத்தொடங்கும்.

குறிப்பாக டீன் ஏஜ் பருவத்தில் உடல் வளர்ச்சி மிக வேகமாக இருக்கும். ஒன்றிரண்டு ஆண்டுகளில் ஆளின் தோற்றமே மாறிவிடும். ஆணை ஆணாகவும், பெண்ணை பெண்ணாகவும் உருமாற்றிக் காட்டும் இளம் தேகமும், பருவமும்.

சுவர் இருந்தால்தான் சித்திரம் வரைய முடியும். அதேபோல நமது உடல்நலம் நன்றாக இருந்தால்தான் மற்ற எல்லா கடமைகளையும் சரிவர செய்ய முடியும். இன்றைய காலகட்ட வாழ்க்கை அவசர கோலமாகிவிட்டது. வாழ்க்கையின் முதல்கட்டம் அறிவைப் பெற போராடி புத்தகம், படிப்பு என்றே ஓடிவிடுகிறது. இந்தக் கட்டம் முடிந்ததும் அடுத்ததாக வாழ்க்கைக்கு ஆதாரம் தேடும் விஷயங்களில் மூழ்கி எந்திர கதியாகி விடுகிறோம்.

இடையில் தேகநலம் மறக்கப்பட்டு விடுகிறது. எப்போதாவது ஆஸ்பத்திரி வாசல்களுக்கு செல்ல நேர்ந்தால் மட்டுமே உடல்நலம் நினைவுக்கு வருகிறது. நமது நலம் என்பதை உடல்நலம், மன நலம் என இரண்டு பிரிவாக பிரித்துக் கொள்ளலாம். தேகம் நலமாக இருக்கிறதா என்பதை அவ்வப்போது பரிசோதனை செய்து தெரிந்து கொள்ளலாம்.

பரிசோதனை செய்யாமல் சாதாரண நிலையிலும் நமது உடல்நலத்தை நாமே சோதித்து ஓரளவு அறிந்து கொள்ளவும் முடியும். உடல்நலத்தை அளவிடும் அடிப்படை அம்சங்கள் ஐந்து. அவை 1. உயரம், 2. எடை, 3. கொழுப்பு அளவு, 4. செரிமானம், 5. ஞாபகத்திறன்.

உயரம்

ஒருவர் உயரமாக வளருவது அவரது கையில் இல்லை. பெற்றோரின் உயரம், ஜீன்களைப் பொருத்தது அது. ஆனால் மனிதனின் சராசரி உயரம் 6 அடி. இளம்பருவத்தில் வளர்ச்சி உச்சகட்டத்தை அடைந்துவிடும். எனவே 18 வயதுக்கு மேல் 30 வயதுள்ள இளைஞர்கள் 5 அடியைத் தாண்டி இருந்தால் நல்ல வளர்ச்சிதான்.

பெற்றோர் இருவரும் குள்ளமாக இருந்தால், அவர்களது குழந்தைகள் இளம் வயதில் குறைந்தபட்சம் பெற்றோர் உயரமாவது வளர்ந்திருக்க வேண்டும். அப்படி இருந்தால் அவரது வளர்ச்சி சீராக இருக்கிறது என்று எடுத்துக் கொள்ளலாம்.

எடை

உடல் எடையைப் பொறுத்த அளவில் இளைஞர்கள் 50 கிலோவுக்கு குறையாமல் இருக்க வேண்டும். உடல் எடை நமது உயரத்துக்கு ஏற்ப சரியாக உள்ளதா என்று கணக்கிட எளிய முறை ஒன்று உண்டு. 5 அடி என்பது 150 சென்டி மீட்டர் ஆகும். இதில் 100-ஐ கழித்தால் 50 கிடைக்கும். அந்த அளவு எடை இருக்க வேண்டும். அதாவது 50 கிலோ எடை இருக்க வேண்டும். அப்படி இருந்தால் உடல் எடை சரியாக இருக்கிறது என்று எடுத்துக் கொள்ளலாம்.

இதேபோல் 160 செ.மீ. உயரமுள்ளவர் 60 கிலோ எடையும், 170 செ.மீ. உயர முள்ளவர் 70 கிலோ எடையும் இருக்க வேண்டும். இதைவிட சுமார் 5 கிலோ எடைவரை கூடுதல் இருந்தால் தவறில்லை. அதைவிட எடை கூடினால் அவர் குண்டானவர் கணக்கில் சேர்ந்துவிடுவார். எடைக்குறைவு சராசரி அளவுக்கு 2 கிலோவுக்கு மேல் குறைவாக இருந்தால் நல்ல கவனம் செலுத்தி பராமரிக்க வேண்டும்.

பெண்களுக்கும் உயரத்துக்கு ஏற்ற எடை கணக்கிடுவது இதேபோலத்தான். ஆனால் அவர்கள் 2 முதல் 5 கிலோ வரை குறைவாக இருந்தால் தவறு இல்லை.

கொழுப்பு அளவு

கொழுப்பு உடலுக்கு தேவையானதுதான். ஆனால் அளவுக்கு அதிகமாகும்போது பல பாதிப்புகள் ஏற்பட வாய்ப்பிருக்கிறது. கொழுப்பின் அளவு அதிகம் இருப்பது பார்வைக்கு வெளிப்படையாக தெரியாது.

உடல் எடையை கணக்கிடும்போது கொஞ்சம் தெரிய வாய்ப்பிருக்கிறது. மற்றபடி கொழுப்பின் அளவை தெரிந்து கொள்ள ஆஸ்பத்திரிகளில் `பேட் மெஷின்' இருக்கிறது. அருகில் உள்ள ஆஸ்பத்திரிக்கு சென்றால் பரிசோதித்து தெரிந்து கொண்டு அதற்கு தகுந்த நடவடிக்கைகளை பின்பற்றலாம்.உடல்நலத்தை தீர்மானிக்கும் செரிமானத்திறன், நினைவுத்திறன் பற்றி அடுத்த வாரம் பார்க்கலாம்.

உடல்நலத்தை நீங்களே பரிசோதிக்க...

உடல்நலத்தை நீங்களே பரிசோதிக்க...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக