காதல் விஞ்ஞானி

dhanasekaran10 · dhanasekaran10 Tue Dec 13, 2011 6:39 pm

First topic message reminder :

கணம் கணமாய் நினைக்கிறேன்
ஒவ்வொரு கணமும் தேய்கிறேன்
என் உள்ளே உள்ளே போராட்டம்
ஓர் உள்ளிருப்பு போராட்டம்
என்மேல் படர்கிறாய் புசிக்கிறாய்
பாய்ந்து கொல்ல துடிக்கிறாய்

நீ பெண்ணா ? இல்லை
பேர் இன்பக்கடலா?
முள்ளா ? இல்லை
முள் தாங்கிய மலரா?
கனியா ? இல்லை
கனியூரும் இதழா?
அது கண்ணா?இல்லை
கருங்குழியா?

நீ பெண்ணா? இல்லை
அணுக்களின் மாயையா?
பண்ணா? இல்லை
இரைச்சலின் ஊர்வலமா?
அலை அலையாய்
அலைமேல் நுரையாய்
கரை வருகிறாய்
காதல் சொல்கிறாய்
தொடாமல் தொட்டுவிட்டு
தூரம் நின்று சிரிக்கிறாய்

உன் ஒற்றைப் பார்வையில்
என் குவாண்டம் எண்ணும் மாறுதே!
நீ உற்றுப் பார்க்கையில்
என் எலக்ட்ரான் எல்லாம் தேயுதே!
என் ஒற்றைப் பிரபஞ்சம்
உன் சிற்றிடை பார்த்து
சுக்கு சுக்காய் நொறுங்குதே!
அணுக்களை தேடியவன்
அணு அணுவாய் சாகிறேன்.

**உமா** · **உமா** Thu Dec 15, 2011 5:13 pm

கே. பாலா wrote:இது இவரின் சொந்த படைப்புதான் என்பதை தேதியை வைத்து அன்றே உறுதிபடுத்திக்கொண்டேன் உமா !...நம் ஈகரையில் கூட முன்பு சிலர் பிறரின் படைப்பை தன்னுடையது என்று சொந்தம் கொண்டாடியது உண்டு .உங்களுக்கு தெரியும்தானே !?
அதனால்தான் நான் நண்பரிடம் கேட்டு தெளிவுபடுதிக்கொண்டேன் !
வாழ்த்துக்கள் கவிஞரே ! தொடர்க