மனைவிக்கு எஸ்.எம்.எஸ். அனுப்பிவிட்டு கணவர் தற்கொலை

மகா பிரபு · மகா பிரபு Tue Dec 13, 2011 11:24 am

நாகர்கோவில் என்.ஜி.ஓ.காலனியைச் சேர்ந்தவர் சரவணன்(வயது 33). இவர் ஒரு கார் கம்பெனியில் வேலை செய்தார். இவரது சொந்த ஊர் நெல்லை தாழையூத்து. இவரது மனைவி பெயர் அனுஷா. இவர்களுக்கு 6 மாதத்தில் ஆண் குழந்தை உள்ளது. அனுஷா கடந்த சில நாட்களுக்கு முன் தூத்துக்குடிசென்று உறவினர் வீட்டில் தங்கி இருந்து வங்கி தேர்வு எழுதுவதற்கு பயிற்சி பெற்றுவந்தார். சரவணன் அடிக்கடி தூத்துக்குடி சென்று மனைவியை பார்த்து வந்தார். மேலும் சரவணனின் தந்தையும் தூத்துக்குடியில் தங்கி இருந்தார்.

இந்தநிலையில் கடந்த 11.12.2011 அன்று சரவணன், மனைவியின் மொபைல் போனுக்கு ஒரு எஸ்.எம்.எஸ். அனுப்பினார். அதில்," எனக்கு பல பிரச்சினைகள் உள்ளன. அதற்கு தீர்வு காண முடியவில்லை. இதனால் தற்கொலை செய்யப்போகிறேன். நீயும், மகனும் என்னை மன்னித்து விடுங்கள்.'' என்று கூறியிருந்தார்.

இந்த எஸ்.எம்.எஸ் தகவலை அவரது தந்தைக்கும் அனுப்பி இருந்தார். எஸ்.எம்.எஸ். தகவலை படித்துபார்த்த மனைவியும், தந்தையும் பதறியடித்து அவரது தற்கொலை முயற்சியை தடுக்க மொபைல் போனின் தொடர்பு கொண்டனர். ஆனார் சரவணன் போனை எடுக்கவில்லை. அவர்கள் 62 முறை போனில் தொடர்பு கொண்டும் சரவணன் பேசாததால் பதற்றம் அடைந்தனர். இதுகுறித்து அவர்கள் பக்கத்துவீட்டுக்கு தகவல் தெரிவித்தனர்.

பக்கத்து வீட்டுக்காரர் போய் ஜன்னல் வழியாக பார்த்தார். அப்போது சரவணன் தூக்கில் பிணமாக தொங்கியதை பார்த்தார். உடனே அவர் விவரத்தை மனைவிக்கு சொன்னார். அவர் அலறியடித்துக்கொண்டு தூத்துக்குடியில் இருந்து வந்தார். பின்னர் சுசீந்திரம் போலீசில் புகார் செய்தார். சுசீந்திரம் போலீஸ் சப் இன்ஸ்பெக்டர்கள் ரோகினி, பாலகிருஷ்ணன் ஆகியோர் பிணத்தை கைப்பற்றி பிரேத பரிசோதனைக்கு ஆஸ்பத்திரிக்கு அனுப்பி வைத்தனர்.

சரவணனுக்கு சம்பளம் குறைவாக இருந்தாலும், கடன் தொல்லை இருந்ததாலும் தற்கொலை செய்து கொண்டது போலீஸ் விசாரணையில் தெரியவந்தது
http://www.nakkheeran.in/users/frmNews.aspx?N=66994

**மாணிக்கம் நடேசன்** · 14/12/2009

ஐயோ பாவம். இருந்தாலும் இப்படி தற்கொலை செய்துக் கொள்ளுவது ஒரு சரியான முடிவல்ல, எதையும் சமாளிக்க தெரிந்திருக்க வேண்டும்.
இவர் ஒரு கோழை என்றுதான் சொல்ல வேண்டும்.