இன்று பார்லி. தாக்குதல் 10-ம் ஆண்டு தினம்

மகா பிரபு · மகா பிரபு Tue Dec 13, 2011 10:08 am

இன்று பாராளுமன்ற தாக்குதல் சம்பவத்தின் 10-ம் ஆண்டு நினைவு நாள் அனுசரிக்கப்படுகிறது. கடந்த 2001-ம் ஆண்டு டிசம்பர் 13-ம் தேதியன்று பாராளுமன்ற குளிர்கால கூட்டத்தொடர் நடந்து கொண்டிருந்தது. அப்போது பாதுகாப்பு வேலியினை தாண்டி பாராளுமன்ற வளாகத்திற்கு வி.ஐ.பி. காரில் நுழைந்த பயங்கரவாதிகள் திடீர் தாக்குதல் நடத்தினர்.

நாட்டையே உலுக்கிய இந்த சம்பவத்திற்கு முக்கிய காரணமாக இருந்த ஜெய்ஷி-இ- முகமது என்ற பயங்கரவாத அமைப்‌புடன் தொடர்புடைய அப்சல்குரு, கைது செய்யப்பட்டான். இவனுக்கு கடந்த 2002-ம் ஆண்டு டிசம்பர் 18-ம் தேதி டில்லி ஐகோர்ட் மரண தண்டனை விதித்தது. சுப்ரீம் கோர்டில் 2004-ம் ஆண்டு ஆக.4-ம் தேதி தாக்கல் செய்த மேல்முறையீட்டு மனுவும் தள்ளுபடி செய்யப்பட்டது.. கருணை கோரி தாக்கல் செய்யப்பட்ட மனுவும் தள்ளுபடி செய்யப்பட்டுள்ளது. எனவே அப்சல்குருவை தூக்கிலிட வேண்டும் என பல்வேறு கட்சிகள் வலியுறுத்தி வருகின்றன.

இந்த தாக்குதலில் 9 பாதுகாப்புப்படையினர் சுட்டுக்கொல்லப்பட்டனர். வீர மரணம் அடைந்த இவர்களுக்கு இன்று பாராளுமன்ற வளாகத்தில் அஞ்சலி செலுத்தப்படவுள்ளது. இதற்கிடையே பயங்கரவாத எதிர்ப்பு முன்னணி அமைப்பின் தலைவர் மனீந்தர்சிங்பிட்டா, ஜனாதிபதி பிரதீபா பாட்டீலை ‌சந்தித்து , பயங்கரவாத வழக்கு தொடர்பாக சிறப்பு கோர்டுகள் அமைத்து வழக்கினை விரைந்து முடிக்க நடவடிக்கை எடுக்க வேண்டும் என மனு கொடுத்த வலியுறுத்தவுள்ளார்.

நன்றி தினமலர்

சார்லஸ் mc · சார்லஸ் mc Tue Dec 13, 2011 10:33 am

வழக்கிற்கு இவ்வளவு காலதாமதம் தேவையற்றது. விசாரணையை தூிதப்படுத்தி, குற்றவாளிகளுக்கு உடனடியாக தண்டனை வழங்கப்பட வேண்டும். தண்டனை இது போன்ற தீவிரவாதிகளுக்கு அச்சுறுத்தலை ஏற்படுத்தும்.

உதயசுதா · உதயசுதா Tue Dec 13, 2011 10:52 am

தாக்குதல் நடந்து பத்து வருஷம் ஆச்சு.ஆனா இதுல சம்பந்தபட்டவன் இன்னும் உயிரோடுதானே இருக்கான்.அவனை தூக்குள போட எதுக்காக இன்னும் காத்து கொண்டு இருக்கிறார்கள்?

மகா பிரபு · மகா பிரபு Tue Dec 13, 2011 10:57 am

உதயசுதா wrote:தாக்குதல் நடந்து பத்து வருஷம் ஆச்சு.ஆனா இதுல சம்பந்தபட்டவன் இன்னும் உயிரோடுதானே இருக்கான்.அவனை தூக்குள போட எதுக்காக இன்னும் காத்து கொண்டு இருக்கிறார்கள்?

சட்டம் தன கடமையை செய்கிறது

**ராஜா** · **ராஜா** Tue Dec 13, 2011 11:11 am

பத்துகிலோ அளவுல ஒரு கேக் வெட்டி இந்த தாக்குதலில் ஈடுபட்டு இன்னமும் வெற்றிகரமா இந்திய சிறையில் பிரியணி சாப்பிடும் தேசபக்தி மிகுந்த குடிமகனுக்கு கொடுக்கணும்.