என் காதலை சொல்ல ----

மிதுனா · மிதுனா Mon Dec 12, 2011 12:45 pm

First topic message reminder :

உன் சுவாசமே என் சுவாசமாய்
உன் ரூபமே என் ரூபமாய்
உன்னில் தோன்றினேன் நான்
உன்னால் வளர்ந்தேன் நான்

எனக்காவே வாழ்கிறாய் நீ
என் வாழ்க்கை பாதையில் வெளிச்சம் நீ
என் உயிரின் மறு உருவம் நீ
என் ஆத்ம தரிசனம் நீ

நீ எனக்கு தாயானாய்
நான் உன் சேயானேன்
மறுபிறப்பொன்று உண்டெனில்
உன் தாயாய் நான் - என்
நன்றி கடன் உன் காலடியில்

ஜென்ம ஜென்மமாய் தொடர்ந்திருப்பேன் உன்னோடு
பந்தங்களில் கலந்திருப்பேன் உன்னோடு
என்றும் என் நீங்காத நினைவும் உன்னோடு

இப்பிறப்பில் இல்லையடி வார்த்தைகள் என்னிடம்
என் தாயே உன்னை போற்றிடவும் புகழ்ந்திடவும்
என் உயிரை வார்தையாக்கி
என் உணர்வை கவிதையாக்கி
பாமாலை தொடுத்தேன் உனக்காக
உன்னிடம் என் காதலை சொல்ல ----

பூவுலகில் உள்ள அன்னையர் அனைவருக்கும் சமர்ப்பணம் இக்கவிதை