ஏர்வாடி மகிமை

பத்து ஆண்டுகளுக்கு முன்பு ஏர்வாடி தனியார் மனநலக் காப்பகத்தில் நிகழ்ந்த தீ விபத்து மறக்க முடியாதது. மனநலம் பாதித்த 28 மனித உயிர்கள் அதில் அநியாயமாக பலியாகிப்போயின. அந்த ஏர்வாடி எப்படி உள்ளது தற்போது?

தனியார் மனநலக் கப்பகங்கள் ஏதும் தற்போது ஏர்வாடிக்குள் இல்லை. தீ விபத்தின்போது இயங்கி வந்த பதினேழு தனியார் காப்பகங்களை, அரசே சீல வைத்து மூடிவிட்டது. அப்போது அங்கு தங்கியிருந்த மனநலம் பாதித்தவர்களை அரசாங்கமே, சென்னை கீழ்ப்பாக்கத்துக்கு கொண்டு போய் சேர்த்து விட்டது.

மனநலம் பாதித்தவர்கள் இங்கு ஏன் வரவேண்டும்? இந்த மண்ணின் மகிமையா? அதனால் அவர்கள் நலம் பெற்று சென்று விடுகிறார்களா? போன்ற கேள்விகளுடன் ஏர்வாடி சுல்தான் சையது இப்ராஹிம் பாதுஷா தர்காவின், தர்கா இளைஞர் பேரவைத் தலைவர் சர்தார் சுல்தானிடம் கேட்டோம்.

சவூதி அரேபியாவிலிருந்து இஸ்லாத்தை பரப்பிட இங்கு வந்த இறைநேசர் சுல்தான் சையது இப்ராஹிமள் பாதுஷா. அதன் பின்னர் நிறைய இறைநேசர்கள் இங்கு வந்தனர். பாண்டியர் காலத்தில் நிகழ்ந்த போரில் இப்பகுதியில் ஆயிரத்துக்கும் மேற்பட்ட இறைநேசர்கள் உயிர்ப்பலி ஆகிப்போகின்றனர். பரவலாக அவர்கள் அனைவரையும் அடக்கம் செய்த இடம் தான் ஏர்வாடி. இங்கு அடக்கமாகி போன இறைநேசர்களின் ஆன்மாக்கள் இந்த மண்ணுக்கு புனிதத்தை ஏற்படுத்தி தந்துள்ளதாக நம்பிக்கை. இந்த மண்ணின் புனிதமே இங்கு வந்து தங்கும் மனநலம் பாதித்தவர்களை சுகப்படுத்தி அனுப்பி வைக்கிறது. தற்போதும் தர்கா மைதானம் மற்றும் அரங்குகளில் மனநலம் பாதித்தவர்கள் தங்கள் உறவினர்களுடன் சேரந்து வந்து தங்கியுள்ளனர். சிலர் அவர்களை தனியாக இங்கு விட்டு விட்டு ஊருக்கு போய்விடுகின்றனர். காவல்துறை அவர்களை பிடித்து அப்புறப்படுத்துகிறது. ஆனால் இப்பிரச்னைக்க இதுவே தீர்வு அல்ல. அரசே தங்கள் முழு பொறுப்பில் இங்கு மனநலப் காப்பகம் தொடங்கி நடத்துவது மட்டுமே அதற்கான தீர்வு என்கிறார் சர்தார் சுல்தான்.

கல்கி

ஏர்வாடி பேய் ஒட்டுவாங்களே அந்த இடமா