கொழுப்பை குறைக்கும் முட்டை

**இளமாறன்** · **இளமாறன்** Sun Dec 11, 2011 3:23 pm

கொழுப்பை குறைக்கும் முட்டை
[ சனிக்கிழமை, 10 டிசெம்பர் 2011, 04:28.23 பி.ப GMT ]
முட்டை சைவமா? அசைவமா? என்றொரு கேள்வி நீண்ட நாட்களாக நம்மிடையே உண்டு. சிலர் அதை சைவம் என்றும், பலர் அதை அசைவம் என்றும் கூறுகின்றனர்.

அமெரிக்காவில் நடந்த ஒரு ஆய்வில் 14 ஆண்டுகள் தினமும் முட்டை சாப்பிடும் பல ஆயிரம் பேர்களைத் தொடர்ந்து கண்காணித்தார்கள்.

இந்த ஆய்வில் இவர்களுக்கு உடலில் இதய நோய்க்கான அறிகுறியே இல்லை என்பது தெரியவந்தது. சத்துணவான முட்டையில் உள்ள பொருட்கள் இதயநோயைக் குணப்படுத்துகிறது. அதிக அளவு கொழுப்பு இல்லாமல் பார்த்துக் கொள்கிறது. இதனால் முட்டை சாப்பிட்டவர்களுக்கு கொழுப்பு அதிகரிக்கவில்லை.

அமெரிக்காவின் முட்டை சத்துணவு மையமும், ஹார்வார்டு ஸ்கூல் ஆப் பப்ளிக் ஹெல்த்தும் கடந்த 14 ஆண்டுகளாக முட்டை உணவு பற்றி ஆராய்ந்தன.

அதில் தான் இந்த உண்மைகள் வெளிவந்தன. முட்டையில் கொழுப்பு இருப்பது உண்மை. ஆனால் அதை அளவுடன் சாப்பிட்டால், இதயத்துக்கு எந்த விதமான கெடுதலையும் செய்யாது என ஆய்வு தெரிவிக்கிறது.

சரிவிகித உணவு தயாரித்து அதன்படி சாப்பிடுகிறவர்கள் தினமும் முட்டையை ஒதுக்க வேண்டாம். முட்டையில் தீய கொழுப்புடன் கூடிய நல்ல கொழுப்பு அளவும், டிரைகிளி செர்டைஸின் அளவும் இதே அளவு சக்தி வாய்ந்த தரத்துடன் இருக்கின்றன.

எனவே தீய கொழுப்பு இரத்தத்தில் சேராது. இத்துடன் இதயத்துக்குப் பாதுகாப்பான போலிக் அமிலம் மற்றும் பி குரூப் வைட்டமின்களும், நச்சு முறிவு மருந்துகளும், கொழுப்புச் செறிவில்லாத கொழுப்புகளும் முட்டையில் உள்ளன என்கின்றனர் மருத்துவர்கள்.

1976-ஆம் ஆண்டு முதல் பதினோரு அமெரிக்க மாநிலங்களில் தினமும் முட்டை சாப்பிட்டு வந்த மருத்துவ தாதிகளின் உடல்நிலை கவனிக்கப்பட்டு குறிப்புகள் சேர்க்கப்பட்டன. இந்த ஆய்வு 2 வருடம் நடந்தது.

1986-ம் ஆண்டு முதல் அமெரிக்க பல் வைத்தியர்கள், கண் வைத்தியர்கள், கால்நடை வைத்தியர்கள் தினமும் முட்டை சாப்பிட்டனர். இவர்களுக்கு கொழுப்பின் அளவு, 12 ஆண்டுகள் அதிகரிக்கவில்லை. ஸ்டிரோக் அபாயமும் ஏற்படவில்லை.

80 ஆயிரம் மருத்துவர் தாதிகளின் உடல் நலம் பற்றிய 14 ஆண்டு கால மருத்துவ குறிப்பேடுகள், 37 ஆயிரம் ஆண்களின் உடல் நலக்கோளாறு பற்றிய எட்டு வருட மருத்துவ குறிப்பேடுகள் தெரிவிக்கும் உறுதியான தகவல்கள்: தினமும் ஒரு முட்டை சாப்பிடலாம். அதுவும் பயமில்லாமல் சாப்பிடலாம் என்பதுதான்.

சாதாரண அவித்த முட்டையில்தான் இவ்வளவு நன்மைகள். இதில் வெண்ணெய், பன்றிக்கறி, பாம் ஆயில் போன்றவை சேர்த்துச் சாப்பிட்டால் கெடுதல் தான்.

நீரிழிவு நோயாளிகள் தினமும் முட்டை சாப்பிடக்கூடாது. இது அவர்களுக்கு கெடுதல் உண்டாக்கும். வைத்தியர்களின் அறிவுரைப்படி வாரம் ஒரு முட்டை சாப்பிடலாம்.

**சிவா** · **சிவா** Sun Dec 11, 2011 3:25 pm

முட்டைன்னா கோழிக்குள்ள இருக்குமே ஒர் white box, அதுதனே பாஸ்! (விவேக் காமெடி)

**இளமாறன்** · **இளமாறன்** Sun Dec 11, 2011 3:30 pm

சிவா wrote:முட்டைன்னா கோழிக்குள்ள இருக்குமே ஒர் white box, அதுதனே பாஸ்! (விவேக் காமெடி)

புது படம் ஏதாவது பார்த்தீங்களா ஜொள்ளு

**சிவா** · **சிவா** Sun Dec 11, 2011 3:32 pm

இளமாறன் wrote:
சிவா wrote:முட்டைன்னா கோழிக்குள்ள இருக்குமே ஒர் white box, அதுதனே பாஸ்! (விவேக் காமெடி)

புது படம் ஏதாவது பார்த்தீங்களா

சமீபத்தில் ஆதித்யா சேனலில் ஒளிபரப்பாகிய ஏதோ ஒரு படத்தில் இப்படி ஒரு காட்சி வரும்!

**இளமாறன்** · **இளமாறன்** Sun Dec 11, 2011 3:35 pm

சிவா wrote:
இளமாறன் wrote:
சிவா wrote:முட்டைன்னா கோழிக்குள்ள இருக்குமே ஒர் white box, அதுதனே பாஸ்! (விவேக் காமெடி)

புது படம் ஏதாவது பார்த்தீங்களா

சமீபத்தில் ஆதித்யா சேனலில் ஒளிபரப்பாகிய ஏதோ ஒரு படத்தில் இப்படி ஒரு காட்சி வரும்!

குறிப்பாக டப்பிங் படங்களின் தமிழ் கேட்கும் பொது இப்படி தான் இருக்கும் ..ஆங்கில தமிழாக்கம் நீங்கள் கூறியது போல நகைச்சுவை அதிகம் தரும் சிரி