இறைச்சி வடை

**சிவா** · **சிவா** Sun 11 Dec 2011 - 12:33

தேவையான பொருட்கள்

கைமா (கொத்துக்கறி) - 1/4 கிலோ
உருளைக்கிழங்கு - 1/4 கிலோ
முட்டை - 2
கொத்தமல்லி - சிறிதளவு (நறுக்கியது)
டால்டா - 200 கிராம்
எலுமிச்சம் பழம் - 1/2 மூடி
மிளகாய்த் தூள் - 2 டீஸ்பூன்
வெங்காயம் - 2 நறுக்கியது
பட்டை - சிறிதளவு
கிராம்பு - 3
ரஸ்க் தூள் - 50 கிராம்
இஞ்சி - சிறுதுண்டு (பொடியாக நறுக்கியது)
பூண்டு பல் - 5 (பொடியாக நறுக்கியது)
உப்பு - தேவைக்கேற்ப

செய்முறை

* கைமாவைச் சுத்தம் செய்து, எலுமிச்சம் பழம் பிழிந்து, உப்பு, மஞ்சள்தூள் போட்டு வேக வைக்கவும். பின் நீரை வடித்து விட்டு வதக்கவும்.

* உருளைக்கிழங்கை வேக வைத்து மசிக்கவும். பட்டை, கிராம்பு இரண்டையும் தூள் செய்யவும்.

* கடாயில் சிறிது எண்ணெய் ஊற்றி காய்ந்ததும் வெங்காயம், மிளகாய், கொத்தமல்லி இலை, உருளைக்கிழங்கு, பட்டை, கிராம்பு பொடி இவற்றுடன் சிறிது உப்பு சேர்த்து வதக்கவும்.

* மட்டனுடன் இதை நன்கு மிக்ஸ் செய்யவும்.

* ஒரு பாத்திரத்தில் முட்டையை அடித்து ஊற்றி சிறிது உப்பு, மிளகுத்தூள் சேர்க்கவும்.

* மட்டன் கலவையை இதில் முக்கி ரஸ்க் தூளில் புரட்டவும்.

* இதை வடைபோல் தட்டி, காய்ந்த எண்ணெயில் புரட்டி வேக வைத்து எடுக்கவும்.

இறைச்சி வடை ரெடி.

**மாணிக்கம் நடேசன்** · 14/12/2009

சிவா அங்கிள், நீங்க நல்லா சமைப்பீங்க போல இருக்கு, அண்டி ரொம்ப கொடுத்துவச்சவங்க.
நான் அங்க வரும்போது எனக்கும் கொஞ்சம் சமைச்சி போடுங்களேன். ருசி பாக்கத்தான்.

**சிவா** · **சிவா** Sun 11 Dec 2011 - 14:48

மாணிக்கம் நடேசன் wrote:சிவா அங்கிள், நீங்க நல்லா சமைப்பீங்க போல இருக்கு, அண்டி ரொம்ப கொடுத்துவச்சவங்க.
நான் அங்க வரும்போது எனக்கும் கொஞ்சம் சமைச்சி போடுங்களேன். ருசி பாக்கத்தான்.

உங்களுக்கு இல்லாத சமையலா? வாருங்கள் ஐயா, நான் சமைத்துத் தருகிறேன் (இவரைப் பழி வாங்க நல்ல சந்தர்ப்பம் கிடைச்சிருக்கு) ஹி ஹி ஹி.. எப்ப வரீங்க சாப்பிட

**Dr.சுந்தரராஜ் தயாளன்** · 03/09/2011

அருமை...உடனே செய்து பார்த்து விட வேண்டும் மகிழ்ச்சி

**மாணிக்கம் நடேசன்** · 14/12/2009

என்னது பழி வாங்கவா?
நான் ருசி பாக்கத்தானே வர்ரேன்னு சொன்னேன், சாப்பிட இல்லையே.
பட்டனியா இருந்தாலும் இருப்பனே தவிர நீங்க சமைச்சி நான் சாப்பிட மாட்டேங்க. நல்ல வேள முதல்லையே சொல்லிப் புட்டீங்க.
ஐயோ, நான் இப்போ இருந்து எஸ்கேப்புங்க சாமியோ. ஆள விடுங்க.
உங்க பரிசோதனைக்கெல்லாம் நான் தயார் இல்லிங்க.

**சிவா** · **சிவா** Sun 11 Dec 2011 - 14:54

மாணிக்கம் நடேசன் wrote:என்னது பழி வாங்கவா?
நான் ருசி பாக்கத்தானே வர்ரேன்னு சொன்னேன், சாப்பிட இல்லையே.
பட்டனியா இருந்தாலும் இருப்பனே தவிர நீங்க சமைச்சி நான் சாப்பிட மாட்டேங்க. நல்ல வேள முதல்லையே சொல்லிப் புட்டீங்க.
ஐயோ, நான் இப்போ இருந்து எஸ்கேப்புங்க சாமியோ. ஆள விடுங்க.
உங்க பரிசோதனைக்கெல்லாம் நான் தயார் இல்லிங்க.

வட போச்சே.....!!! சோகம்

**மாணிக்கம் நடேசன்** · 14/12/2009

என்னது பழி வாங்கவா?
நான் ருசி பாக்கத்தானே வர்ரேன்னு சொன்னேன், சாப்பிட இல்லையே.
பட்டனியா இருந்தாலும் இருப்பனே தவிர நீங்க சமைச்சி நான் சாப்பிட மாட்டேங்க. நல்ல வேள முதல்லையே சொல்லிப் புட்டீங்க.
ஐயோ, நான் இப்போ இருந்து எஸ்கேப்புங்க சாமியோ. ஆள விடுங்க.
உங்க பரிசோதனைக்கெல்லாம் நான் தயார் இல்லிங்க.

முகம்மது ஃபரீத் · 07/07/2011

**கேசவன்** · **கேசவன்** Sun 11 Dec 2011 - 18:08

கொல்லான் புலாலை மறுத்தானைக் கைகூப்பி
எல்லா உயிருந் தொழும்.

எந்த உயிரையும் கொல்லாதவனாய், இறைச்சியைத் தின்ன மறுத்தவனாய் வாழ்பவனை எல்லா உயிர்களும் கை குவித்துத் தொழும்.