புங்க மர விதையில் பயோ டீசல்: மயிலாடுதுறை பள்ளி மாணவியர் சாதனை

**இளமாறன்** · **இளமாறன்** Sat Dec 10, 2011 2:47 am

மயிலாடுதுறை: மயிலாடுதுறை அருகே, பள்ளி மாணவியர், புங்க மர விதையில் இருந்து எடுக்கப்பட்ட பயோ டீசலை கொண்டு, கார் இன்ஜினை இயக்கிக் காண்பித்தனர்.

நாகை மாவட்டம், மயிலாடுதுறை அடுத்த வடகரையில் உள்ள ஹாஜா சாரா மெட்ரிக் மேல்நிலைப் பள்ளியில், பத்தாம் வகுப்பு படிக்கும் மாணவியர், பள்ளி நிர்வாகி ஜியாவுதீன் மற்றும் முதல்வர் குணசேகரன் ஆகியோர் உதவியுடன், புங்க மர விதையிலிருந்து எடுக்கப்பட்ட பயோ டீசலை கொண்டு, வாகன இன்ஜின்களை இயக்க முடியும் என கண்டுபிடித்துள்ளனர். ஹாஜா சாரா மெட்ரிக் மேல்நிலைப் பள்ளியில், நேற்று நடந்த நிகழ்ச்சியில், நாகை கலெக்டர் முனுசாமி முன்னிலையில், மாணவியர் செயல் முறை விளக்கம் காண்பித்தனர். முதலில், டீசலை கொண்டும், பின் தாங்கள் கண்டுபிடித்துள்ள புங்க மர விதையிலிருந்து எடுக்கப்பட்ட பயோ டீசலை கொண்டும், தொடர்ந்து கார் இன்ஜினை இயக்கிக் காண்பித்தனர். நிகழ்ச்சியில், மெட்ரிக் பள்ளிகளின் ஆய்வாளர் திருவளர்ச்செல்வி, மயிலாடுதுறை மாவட்ட கல்வி அலுவலர் சக்திவேல், தரங்கம்பாடி தாசில்தார் சூரியமூர்த்தி, தனி தாசில்தார் பாலச்சந்திரன், செம்பனார்கோவில் வட்டார வளர்ச்சி அலுவலர் கிருஷ்ணசாமி உள்ளிட்ட பலர் கலந்து கொண்டு, மாணவியரின் கண்டுபிடிப்பை பாராட்டினர்.

தினமலர்

**Dr.சுந்தரராஜ் தயாளன்** · 03/09/2011

பல ஆண்டுகளுக்கு முன்பே இதைக் கண்டுபிடித்து விட்டனர். நம்ம அப்துல்கலாம் அவர்கள் கூட பல முறை இதைக் குறித்துப் பேசியுள்ளார்கள். இதைப்போலவே, நம்ம கொட்டாமணக்கு விதை மற்றும் ஜேற்றோபா என்ற செடி இவற்றில் இருந்து ப்யோ டிசல் வெற்றிகரமாகத் தயாரித்து உள்ளனர். செய்திக்கு நன்றி மகிழ்ச்சி

சார்லஸ் mc · சார்லஸ் mc Sat Dec 10, 2011 8:37 am

வாழ்க இளைய பாரதம்

வளா்க இளம் விஞ்ஞானிகள்

ஊக்குவிப்போம் நாம் அவா்களை

எழும்பட்டும் வாலிப உலகம்

இந்தியாவை மிளரச் செய்யட்டும்

வாழ்க இளையோா் ! வாழ்க பாரதம்!

மகிழ்ச்சி

**கேசவன்** · **கேசவன்** Sat Dec 10, 2011 8:57 am

பாலாஜி · பாலாஜி Sat Dec 10, 2011 10:30 am

வாழ்த்துக்கள் மகிழ்ச்சி

**இளமாறன்** · **இளமாறன்** Sun Dec 11, 2011 2:05 am

சுந்தரராஜ் தயாளன் wrote:பல ஆண்டுகளுக்கு முன்பே இதைக் கண்டுபிடித்து விட்டனர். நம்ம அப்துல்கலாம் அவர்கள் கூட பல முறை இதைக் குறித்துப் பேசியுள்ளார்கள். இதைப்போலவே, நம்ம கொட்டாமணக்கு விதை மற்றும் ஜேற்றோபா என்ற செடி இவற்றில் இருந்து ப்யோ டிசல் வெற்றிகரமாகத் தயாரித்து உள்ளனர். செய்திக்கு நன்றி