எலைட் மதுபான கடைகளை திறக்க தடை விதிக்க வேண்டும், ஐகோர்ட்டில் வழக்கு தாக்கல்

**சிவா** · **சிவா** Fri 9 Dec 2011 - 13:06

தமிழகத்தில் `எலைட்' மதுபான கடைகளை திறக்க தடை விதிக்க வேண்டுமென்று கேட்டு சென்னை ஐகோர்ட்டில் வழக்கு தாக்கல் செய்யப்பட்டுள்ளது.

வறுமையில் தள்ளாட்டம்

சென்னை ஐகோர்ட்டில் வக்கீல் எம்.ஞானசேகரன் தாக்கல் செய்த பொதுநலன் மனுவில் கூறப்பட்டு இருப்பதாவது:-

நான் விவசாய குடும்பத்தை சேர்ந்தவன். சமீபத்தில் திண்டிவனம் அருகேயுள்ள எனது கிராமத்துக்கு போயிருந்தேன். பெரும்பாலான மக்கள் அங்குள்ள டாஸ்மாக் கடைகளில் மது வாங்கி குடிப்பதை கண்டு அதிர்ச்சி அடைந்தேன்.

அவர்களில், வறுமைக்கோட்டுக்கு கீழே உள்ள மக்களும், நடுத்தர மக்களும் அதிகம். இவர்களின் சம்பாத்தியத்தில்தான் மொத்த குடும்பமும் இயங்குகிறது. ஆனால் சம்பாத்தியம் முழுவதும் குடிக்கு போய்விடுவதால், மொத்த குடும்பமும் வறுமையில் தள்ளாடி கொண்டிருக்கிறது.

அரசின் கடமை

மக்களுக்கு நல்ல வாழும் சூழ்நிலையை அமைத்துத்தருவது அரசின் கடமை. மது என்பது சமுதாயத்துக்கு பீடித்துள்ள நோய் மற்றும் தீமையாகும். அதை தடுக்க வேண்டியது அரசின் கடமை. ஆனால் மக்களுக்கு போதை வஸ்துகளை அரசே விற்கும் நிலை நீடிக்கிறது.

அரசுக்குத் தேவையான வருமானத்தை பெருக்கிக்கொள்ள எத்தனையோ வழிகள் உள்ளன. அவற்றை தவிர்த்துவிட்டு, மனித குலத்தை கெடுக்கும் பொருட்களை விற்பது தவறு.

குற்றங்களின் அடிப்படை

அரசின் எந்தவொரு கொள்கை முடிவும் மனிதர்களின் உடல்நலனுக்கு கேடு விளைவிப்பதாக இருக்கக் கூடாது. மக்கள் நலனுக்கு கேடு விளைவிக்கும் கொள்கை முடிவுகள் எதுவும், அரசியல் சாசன சட்டங்களுக்கு எதிரானதாகும்.

அரசு விற்கும் மதுவின் விளைவாக, வறுமை, குற்றங்கள், பெண்களுக்கு எதிரான வன்முறைகள், குடும்பப் பிரச்சினைகள், விவாகரத்துகள், கொள்ளை சம்பவங்கள், விபத்துகள் போன்றவை அதிகரித்து வருகின்றன. பல சமுதாய குற்றங்களின் அடிப்படை காரணமே குடியாகத்தான் இருக்கும்.

விற்பனை உயர்வு

பலரை வறுமைக்குள் தள்ளும் மது விற்பனையை அரசு தடை செய்யாவிட்டால் சாதாரண மக்களின் நிலை மோசமடைந்துவிடும். டாஸ்மாக் கடை மூலம் மது விற்பனை ஆண்டாண்டுக்கு மிக அதிகமாக உயர்ந்து வருகிறது.

2002-03-ம் ஆண்டில் ரூ.2,828 கோடி அளவுக்கு மது விற்பனை ஆனது. ஆனால் 2010-11-ம் ஆண்டில் ரூ.14,965 கோடி அளவுக்கு மது விற்பனை ஆகியிருக்கிறது. மது விற்பனை மூலம் மக்களை வறுமைக்குள் ஆழ்த்துவதை இதன் மூலம் அறிந்துகொள்ள முடியும்.

ரத்து செய்ய வேண்டும்

இந்த நிலையில் கடந்த 23.8.11 அன்று தமிழகத்தில் அடுத்த 5 ஆண்டுகளில் மேலும் 800 டாஸ்மாக் கடைகளை திறக்க அரசு ஆணை பிறப்பித்தது. அவற்றில் 200 கடைகள், உயர்தர மதுக்களைக் கொண்ட `எலைட்' மதுக்கடைகளாகும். இவை மிகப்பெரிய வர்த்தக கட்டிடங்களில் மட்டும் அமைக்கப்படும்.

சென்னையில் மட்டும் 6 எலைட் கடைகள் வருகின்றன. காஞ்சீபுரம், திருவள்ளூரில் தலா ஒரு எலைட் கடை திறக்கப்படுகிறது. இது அப்பட்டமான அரசியல் சாசன சட்ட மீறலாகும். எனவே அந்த கடைகளை திறப்பதற்கு தடை விதித்து, அதற்கான அரசாணையை ரத்து செய்ய வேண்டும்.

இவ்வாறு அதில் கூறப்பட்டுள்ளது. இந்த வழக்கு விரைவில் விசாரணைக்கு வருகிறது.

தினதந்தி

சார்லஸ் mc · சார்லஸ் mc Fri 9 Dec 2011 - 13:12

அரசுக்குத் தேவையான வருமானத்தை பெருக்கிக்கொள்ள எத்தனையோ வழிகள் உள்ளன. அவற்றை தவிர்த்துவிட்டு, மனித குலத்தை கெடுக்கும் பொருட்களை விற்பது தவறு.

அரசின் எந்தவொரு கொள்கை முடிவும் மனிதர்களின் உடல்நலனுக்கு கேடு விளைவிப்பதாக இருக்கக் கூடாது. மக்கள் நலனுக்கு கேடு விளைவிக்கும் கொள்கை முடிவுகள் எதுவும், அரசியல் சாசன சட்டங்களுக்கு எதிரானதாகும்.

இதை தமிழக அரசு உணரவேண்டும்.

**இளமாறன்** · **இளமாறன்** Fri 9 Dec 2011 - 13:14

குடிமகன்கள் ஓட்டு வேண்டுமா வேண்டாமா என்பதை யோசித்து பேசுங்கள் ... ஓட்டு வங்கி ஓட்டு வங்கி சிரி

சார்லஸ் mc · சார்லஸ் mc Fri 9 Dec 2011 - 13:18

இளமாறன் wrote:குடிமகன்கள் ஓட்டு வேண்டுமா வேண்டாமா என்பதை யோசித்து பேசுங்கள் ... ஓட்டு வங்கி ஓட்டு வங்கி

இந்த ஒரு காரணத்திால் தேசம் , குடும்பங்கள் எவ்வளவு சீரழிகினறன?

இதை ஆட்சியாளா்கள் உணருவது மிக அவசியம்

**இளமாறன்** · **இளமாறன்** Fri 9 Dec 2011 - 13:20

சார்லஸ் mc wrote:
இளமாறன் wrote:குடிமகன்கள் ஓட்டு வேண்டுமா வேண்டாமா என்பதை யோசித்து பேசுங்கள் ... ஓட்டு வங்கி ஓட்டு வங்கி

இந்த ஒரு காரணத்திால் தேசம் , குடும்பங்கள் எவ்வளவு சீரழிகினறன?

இதை ஆட்சியாளா்கள் உணருவது மிக அவசியம்

இதையெல்லாம் எந்த அரசியல்வாதியும் பார்த்ததில்லை பார்க்கபோவதும் இல்லை .. ஓட்டு பதவி இவைகளை முன் நிறுத்க்டியே அவர்களது செயல்கள் அமைக்கின்றன புன்னகை