2ஜி ஸ்பெக்ட்ரம் வழக்கு, ப.சிதம்பரத்துக்கு எதிராக சாட்சியம் அளிக்க சுப்பிரமணிய சாமிக்கு அனுமதி

2ஜி ஸ்பெக்ட்ரம் வழக்கில் ப.சிதம்பரத்துக்கு எதிராக 17-ந் தேதி சாட்சியம் அளிக்க ஜனதா கட்சி தலைவர் சுப்பிரமணிய சாமிக்கு டெல்லி சி.பி.ஐ. கோர்ட்டு அனுமதி அளித்துள்ளது.

ப.சிதம்பரம்

2ஜி ஸ்பெக்ட்ரம் ஊழல் வழக்கு, டெல்லி சி.பி.ஐ. கோர்ட்டில் நடைபெற்று வருகிறது. ஸ்பெக்ட்ரம் ஒதுக்கீடு செய்யப்பட்டபோது, மத்திய நிதி மந்திரியாக இருந்த, தற்போதைய மத்திய உள்துறை மந்திரி ப.சிதம்பரத்தையும் இவ்வழக்கில் குற்றம் சாட்டப்பட்டவராக சேர்க்கக்கோரி, ஜனதா கட்சி தலைவர் சுப்பிரமணிய சாமி, சி.பி.ஐ. கோர்ட்டில் மனுதாக்கல் செய்திருந்தார்.

ஸ்பெக்ட்ரம் லைசென்சுக்கு அப்போதைய மத்திய தொலைத்தொடர்பு துறை மந்திரி ஆ.ராசாவுடன் சேர்ந்து ப.சிதம்பரமும் விலையை நிர்ணயித்ததாகவும், ஸ்பெக்ட்ரம் லைசென்சு பெற்ற 2 நிறுவனங்கள் தங்கள் பங்குகளை வெளிநாட்டு நிறுவனங்களுக்கு விற்பதற்கு அனுமதி அளித்ததாகவும் சுப்பிரமணிய சாமி தனது மனுவில் கூறி இருந்தார்.

தனது குற்றச்சாட்டை நிரூபிப்பதற்கு சில சி.பி.ஐ. உயர் அதிகாரிகளிடமும், அரசு அதிகாரிகளிடமும், தான் புதிதாக விசாரணை நடத்த அனுமதிக்க வேண்டும் என்றும் அவர் கேட்டுக்கொண்டார்.

சம்மன்

இந்நிலையில், இம்மனு நேற்று மீண்டும் நீதிபதி ஓ.பி.சைனி முன்பு விசாரணைக்கு வந்தது. அப்போது ஆஜரான சுப்பிரமணிய சாமி கூறியதாவது:-

ஸ்பெக்ட்ரம் வழக்கில், ப.சிதம்பரத்துக்கு எதிரான எனது புகாரை நிரூபிக்க சி.பி.ஐ. இணை இயக்குனர் எச்.சி.அவஸ்தி, ஸ்பெக்ட்ரம் ஒதுக்கீட்டின்போது, மத்திய நிதி அமைச்சக இணை செயலாளராக இருந்த சிந்துஸ்ரீ குல்லர் ஆகியோரிடம் நான் விசாரணை நடத்த அனுமதிக்க வேண்டும். அதற்காக அவர்களுக்கு கோர்ட்டு சம்மன் அனுப்ப வேண்டும்.

ஸ்பெக்ட்ரம் ஒதுக்கீட்டில் ப.சிதம்பரத்தின் தொடர்பை நிரூபிக்கக்கூடிய ஆவணங்கள் என்னிடம் உள்ளன. அவற்றை காண்பித்து, மேற்கண்ட 2 அதிகாரிகளிடமும் நான் கேள்விகள் கேட்பேன். இதன் மூலம், ப.சிதம்பரத்தின் தொடர்பை என்னால் நிரூபிக்க முடியும்.

இவ்வாறு அவர் கூறினார்.

அனுமதி

அதைக்கேட்ட நீதிபதி ஓ.பி.சைனி, மேற்கண்ட 2 அதிகாரிகளுக்கும் சம்மன் அனுப்ப வேண்டியதன் அவசியம் குறித்து டிசம்பர் 17-ந் தேதி கோர்ட்டில் சாட்சியம் அளிக்க சுப்பிரமணிய சாமிக்கு அனுமதி அளித்தார். சாட்சி கூண்டில் இருந்தபடி, ப.சிதம்பரத்துக்கு எதிரான புகாருக்கு ஆதரவான புதிய ஆதாரங்களை அவர் எடுத்துரைக்கலாம் என்று நீதிபதி கூறினார்.

இருப்பினும், சுப்பிரமணிய சாமியின் சாட்சியத்தை பொறுத்துத்தான், அவஸ்தி, சிந்துஸ்ரீ குல்லர் ஆகிய அதிகாரிகளுக்கு சம்மன் அனுப்ப முடியும் என்றும் நீதிபதி கூறினார்.

சி.பி.ஐ. விளக்கம்

இதற்கிடையே, நீதிபதியின் இந்த உத்தரவு, 2 அதிகாரிகளிடமும் விசாரணை நடத்த சுப்பிரமணிய சாமிக்கு அளிக்கப்பட்ட அனுமதி அல்ல என்று சி.பி.ஐ. அதிகாரி ஒருவர் விளக்கம் அளித்தார். 2 அதிகாரிகளிடமும் விசாரணை நடத்துவதன் அவசியம் குறித்து விளக்கம் அளிப்பதற்குத்தான் சுப்பிரமணிய சாமிக்கு அனுமதி வழங்கப்பட்டுள்ளதாக அவர் கூறினார்.

தினதந்தி

சுப்பிரமணி சாமி க்கு ஒரு பங்கு கொடுக்கவில்லையா

உப்பு தின்ன தண்ணி குடிச்சு தான் ஆகணும்.தப்பு செஞ்சா தண்டனை உண்டு .

ஜேன் செல்வகுமார் wrote:உப்பு தின்ன தண்ணி குடிச்சு தான் ஆகணும்.தப்பு செஞ்சா தண்டனை உண்டு .

எந்த கமிசனிலும் இது வரை எந்த அரசியல் வாதியும் தண்டனை வாங்கியதில்லை

இளமாறன் wrote:

ஜேன் செல்வகுமார் wrote:உப்பு தின்ன தண்ணி குடிச்சு தான் ஆகணும்.தப்பு செஞ்சா தண்டனை உண்டு .

எந்த கமிசனிலும் இது வரை எந்த அரசியல் வாதியும் தண்டனை வாங்கியதில்லை

கடவுளின் கோர்ட்-ல தப்பிக்க முடியாது இளா...