தாலாட்ட நேரமில்லை: டிவிடியில் பாட்டுப் பாடும் ‘மம்மி டாடிகள்’!

First topic message reminder :



இன்றைய அவசர உலகத்தில் பெற்ற பிள்ளையைத் தாலாட்டு பாடி தூங்க வைக்கக் கூட தாய்க்கு நேரமில்லை. அதனால் தாயின் வேலையை டிவிடிக்கள் செய்ய ஆரம்பித்துள்ளன.

கிராமத்து வீடுகளுக்குப் போனால் சுவாரஸ்யமான தாலாட்டுக் காட்சிகளைப் பார்க்கலாம். அம்மா ஏதாவது வேலையாக இருப்பார், அவரது கைக்குழந்தை தூளியில் நெளிந்தபிட அழ ஆரம்பிக்கும். வேலையையும் விட முடியாது, குழந்தையிடமும் போக முடியாது. என்ன செய்வார் அந்த்த தாய்?

தூளியுடன் சேர்த்துக் கட்டியுள்ள கயிற்றை தான் உட்கார்ந்த இடத்திலிருந்தே பிடித்து மெதுவாக ஆட்டியபடி தாலாட்டுப் பாடலை எடுத்து விடுவார். ஆராரோ ஆரிராரோ, யாரடிச்சு நீ அழுத, அத்தை அடிச்சாரா அரளிப் பூ செண்டாலே, மாமன் அடிச்சாரோ மல்லிப் பூ செண்டாலே என்று அவர் குரல் எடுத்துப் பாடும் போது அதை மெய் மறந்து கேட்டபடி குழந்தை மீண்டும் கண்மூடித் தூங்க ஆரம்பிக்கும்.

நகர்ப்புறங்களில் இந்த மாதிரியான பாடல்களை இப்போது கேட்கவே முடிவதில்லை. பெண்களுக்குக் குரல் வளமோ, பாடல் அறிவோ இல்லை என்று அர்த்தம் இல்லை. அவர்களுக்கு இந்தப் பாட்டெல்லாம் இப்போது தெரிவதில்லை, தெரிந்தாலும் கூட பாடுதவற்கு நேரமில்லை.

இன்றைய காலகட்டத்தில் கணவனும், மனைவியும் வேலைக்குப் போனால் தான் வாழ்க்கையை சிரமமின்றி ஓட்ட முடிகிறது. அதனால் குழந்தைகளைப் பார்த்துக் கொள்ள ஆளில்லை. யாராவது ஒரு ஆயாவிடமோ அல்லது அக்கம் பக்கத்தினரிடமோ, பணத்தைக் கொடுத்து குழந்தையைப் பார்த்துக்கொள்ளச் சொல்கிறார்கள்.

வேலை முடிந்து வீட்டுக்கு வருகையில் குழந்தையை தூக்கி வரும் தாய் அதை தாலாட்ட நேரமில்லாததால் தொட்டிலில் போட்டு டிவிடியை ஆன் செய்து விடுகிறார். பாட்டி, தாய் ஆகியோரின் தாலாட்டு கேட்டு குழந்தைகள் தூங்கிய காலம் எல்லாம் மலையேறிக் கொண்டிருக்கிறது. இப்போது எஸ்.பி.பி., சித்ரா, சுஜாதா ஆகியோர் தான் பல்வேற வீட்டுக் குழந்தைகளுக்கு தாயாக மாறி டிவிடி மூலம் தாலாட்டு பாடி தூங்க வைக்கின்றனர்.

அதிலும் சில குழந்தைகளுக்கு குத்துப் பாட்டு கேட்டால் தான் தூக்கம் வருகிறது. எனவே தனுஷ், விஜய், அஜித்தின் குத்துப்பாட்டு கேட்டுக் கொண்டே தூங்கும் குழந்தைகளும் இருக்கத்தான் செய்கிறார்கள்.

நன்றி யாழ்

ஜாஹீதாபானு wrote:

உமா wrote:நவீன உலகம் ..அனைத்துமே மாறி கொண்டே வருகிறது.
மாறாத ஒன்று அன்னையின் அன்பு மட்டும் தான் பானு..

வேலைக்கு வரும் நம் மாதிரி பெற்றோர்களின் மனநிலை யாருக்கு தெரியும்.இங்கே உடலை வைத்து கொண்டு மனதை குழந்தைகளிடமே விட்டுவிட்டு தானே வருகிறோம்.
அவர்களை மறக்க நாம் இப்படி படித்து கொண்டும் அரட்டை அடித்து கொண்டும் வேலை செய்து கொண்டும் இருக்கிறோம்.

அவர்களாவது நம்மை மறந்து அந்த தாலாட்டில் தூங்கட்டும்.


நன்றி யாழ்.
நன்றி பானு.

நான் 4 வருடமாகத் தான் வேலைக்கு வருகிறேன் உமா . இருந்தும் என் பொண்ணு அவளுக்கு ஸ்கூலில் இருந்து நான் தான் கூட்டி வரணும்னு ஆசைப்படுவா வீட்டில் இருக்கும் போது போய் கூட்டி வருவேன் . நான் வரும்போது நீ வீட்டில் இருக்கணும்னு ஆசையா இருக்குனு சொல்லுவா எனக்கு பாவமா இருக்கும் . ஸ்கூல் போகும்போது நான்தான் ஸ்கூல் வரை வழியனுப்பி விடுவேன். இப்போ என் ஆபீஸ் பக்கத்திலேயே சேர்த்துவிட்டேன் .தினமும் பஸ் ஏற்றி விட்டு தான் வருவேன் அப்போ தான் எனக்கு திருப்தியா இருக்கும் .

கவலை படாதீர்கள் அவர்களின் எதிர் காலம் சிறப்பாக இருக்கும்!!!!
பொதுவா தந்தைகள் குழந்தைகளை பிரிந்து கவலை படுவார்கள் ...
இப்போது இரு பாலருக்கும் இது பொதுவாகிவிட்டது.
உண்மையை சொல்ல வேண்டும் என்றால் அதிகம் பாதிக்கப்படுவது குழந்தைகளே.வருத்தம் தவிர்த்து அவர்களின் எதிர்காலத்தை கருத்தில் கொண்டு வாழ வளர்க்க கவலை துறக்க விழைகிறேன்!!!!!!

ஜேன் செல்வகுமார் wrote:
கவலை படாதீர்கள் அவர்களின் எதிர் காலம் சிறப்பாக இருக்கும்!!!!
பொதுவா தந்தைகள் குழந்தைகளை பிரிந்து கவலை படுவார்கள் ...
இப்போது இரு பாலருக்கும் இது பொதுவாகிவிட்டது.
உண்மையை சொல்ல வேண்டும் என்றால் அதிகம் பாதிக்கப்படுவது குழந்தைகளே.வருத்தம் தவிர்த்து அவர்களின் எதிர்காலத்தை கருத்தில் கொண்டு வாழ வளர்க்க கவலை துறக்க விழைகிறேன்!!!!!!

நன்றி ஜேன்

ஜாஹீதாபானு wrote:நன்றி ஜேன்

மனதில் பட்டதை சொன்னேன் அக்கா

ஜேன் செல்வகுமார் wrote:

ஜாஹீதாபானு wrote:நன்றி ஜேன்

மனதில் பட்டதை சொன்னேன் அக்கா

நல்ல்து தானே சொன்னிங்க