வெட்கத்தை கேட்டால் என்ன தருவாய்?

**Admin** · **Admin** Sat Jan 10, 2009 10:35 am

First topic message reminder :

அழகான பொருட்களெல்லாம்
உன்னை நினைவுபடுத்துகின்றன,
உன்னை நினைவுபடுத்துகிற
எல்லாமேஅழகாகத்தான்
இருக்கின்றன. .

**Admin** · **Admin** Sat Jan 10, 2009 10:47 am

இந்தப் பரந்த
புள்வெளியில்
நடக்கவிட்டு - உன்னை
வேடிக்கை பார்க்கலாம்.

பூக்களிடையே
நிற்க வைத்து
அழகு பார்க்கலாம்.

வேறு என்ன
செய்ய முடியும்
உன்னை!

**Admin** · **Admin** Sat Jan 10, 2009 10:48 am

சும்மா ஒரு முறை
தொட்டுப் பார்க்கலாமென்றால்
முதலில் உன்னை
நெருங்க முடியுமா
என்பதே
எனக்குத் தெரியவில்லை.

உன்னை
வட்டமிட்டுக்
கொண்டிருக்கிற அழகில் ...

பூக்களாலும்
குழந்தைகளாலும்
மட்டுமே உன்னைத்
தொடமுடிகிறது.

அவற்றிற்கு மட்டுமே
உன்னைத்
தொட்ட பிறகும்
பழைய மாதிரியே
இருக்கத்தெரிகிறது.

ஆனாலும்
இவ்வளவு அழகாகவா
இருப்பாய் நீ?

**Admin** · **Admin** Sat Jan 10, 2009 10:50 am

இவை இப்படித்தான்
என்று நான்
நினைத்துக்
கொண்டிருப்பவற்றைக் கூட
எவ்வளவு சுலபமாய்
நீ பொய்யாக்கிவிடுகிறாய்.

உதிர்வ தென்பது
எப்போதும்
சோகமானதுதான்
என்கிற என் நினைப்பை
உன் உதட்டிலிருந்து
உதிர்கிற ஒரு

சின்னப்புன்னகை
பொய்யாக்கிவிடுகிறதே.

**Admin** · **Admin** Sat Jan 10, 2009 10:54 am

நீ
தொடுகிற
பூக்களையெல்லாம்
என்னால் தொட
முடிந்ததே இல்லை.

நீ தொட்டது
எப்படி எனக்குத் தெரியும்
என்கிறாயா.

உன் விரல்களைத்தான்
பூக்கள் அப்படியே
வைத்திருக்கின்றனவே.

**Admin** · **Admin** Sat Jan 10, 2009 11:34 am

நான் காதலிக்க
ஆரம்பித்த பின்னும்
மிகச் சாதாரணமானவனாகவே
இருக்கிறேன்.

கற்றுக் கொள்ளாமலேயே
உனக்கொரு
உடைதைத்துக்
கொடுக்கவாவது எ
னக்குத்
தெரிந்திருக்க வேண்டும்.

என் முத்தங்களைப்
பூக்களாக்கி
உன் கூந்தலில்
சூடிவிடவாவது
தெரிந்திருக்க வேண்டும்.

என்னைக் கிளறும்
உன் விழிகளை
என் இமைகள்
கொண்டு மூடவாவது
தெரிந்திருக்க வேண்டும்.

இதில்எதுவுமே
எனக்குத் தெரியாத
போது காதலிக்க
ஆரம்பித்து என்ன பயன்.

நான் காதலிக்கிறேன்
என்பதை அதுவும்
உன்னைக் காதலிக்கிறேன்
என்பதை எப்படி நம்புவது.

**Admin** · **Admin** Sat Jan 10, 2009 11:35 am

உனக்குக் கடிதம்
எழுதுவதற்கென்றே
ஒரு இடம்
வைத்திருக்கிறேன்.

என்னைப் பார்க்க
நீ இங்கு வந்தபோது,
முதல் முறையாய்
என் தோளில் சாய்ந்து
அமர்ந்திருந்தாயே
அந்த ஆற்றோர
மணற்பரப்புதான் அது.

இங்கிருந்து நீ விடை
பெறுகையில்
பஸ் ஜன்னலில்
முகம் காட்டி,
கை அசைத்துப்
போனதையே
தினம் நினைவுபடுத்தி
மறையும் சூரியன் ...

இதோ இன்றும்
மறைந்துவிட்டது.

ஆனாலும் இன்னும்
மிச்சமிருக்கிறது வெளிச்சம் ...

என் தோளில்
மிச்சமிருக்கிற
நீ சாய்ந்திருந்த
சுமை மாதிரி.

**Admin** · **Admin** Sat Jan 10, 2009 12:13 pm

ஐந்து மணிக்கு
வருவதாய் நீ
சொன்னதிலிருந்து
ஐந்து மணிக்காகக்
காத்திருந்தேன்.

ஐந்து மணி வந்ததும்
உனக்காகக் காத்திருந்தேன்.

நான் காதலிக்க
ஆரம்பித்திருக்கிறேனா ...
காத்திருக்க ஆரம்பித்திருக்கிறேனா.

**Admin** · **Admin** Sat Jan 10, 2009 12:14 pm

நீ என்னைக்
காதலிக்கிறாயா
என்பது புரியாத
அந்த ஆரம்ப நாட்களில் ...

தெரியாத்தனமாக
நீ
அணிந்திருந்த
உடையின் வண்ணத்தில்
என் சட்டையின் வண்ணம்
இருந்ததைக்கவனித்த
என் அயோக்கிய
நண்பன் ஒருவன்
'டேய் என்ன
இரண்டு பேரும் ஒரே கலரில்...'

கிண்டல் செய்துவிட
அப்போதே அவனைத் திட்டினேன் ...

அவ்வளவு மகிழ்ச்சியாய்த்
திட்டமுடியுமா
என்கிற ஆச்சர்யத்துடன்.

**Admin** · **Admin** Sat Jan 10, 2009 12:17 pm

அதன்பிறகு
அந்தச் சட்டையைப்
போடவே
கூச்சமாய்ப் போய்
பெட்டியில்
ஒளித்துவைத்துவிட்டேன் ...

என்று
நான் இப்போது
சொல்லிக்கொண்டிருக்கையில்
நீ முகத்தை மூடிக்கொண்டாய்.

ஏன் என்று கேட்டதற்கு
நானும் அப்படித்தான்
ஒளித்து வைத்துக்கொண்டேன்'
என்கிறாய்.

**Admin** · **Admin** Sat Jan 10, 2009 12:23 pm

நீ கொடுத்த
புகைப்படத்தில்
இருப்பது நீதானா?

தொடப் போனால்
சிணுங்குவதில்லையே ...

நீயா?

முத்தம்கேட்டால்
வெட்கம் தருவதில்லையே ...
நீயா?

கவிதை சொன்னால்
நெஞ்சில் சாய்வதில்லையே ...
நீயா?

எவ்வளவு அருகிலிருந்தும்
அந்த வாசனையில்லையே ...
நீயா?

வேண்டாம்.

நீயே வைத்துக்கொள்.
புகைப்படத்திலெல்லாம்
நீ இருக்க முடியாது.

Sponsored content · Sponsored content

வெட்கத்தை கேட்டால் என்ன தருவாய்?

வெட்கத்தை கேட்டால் என்ன தருவாய்?

Re: வெட்கத்தை கேட்டால் என்ன தருவாய்?

Re: வெட்கத்தை கேட்டால் என்ன தருவாய்?

Re: வெட்கத்தை கேட்டால் என்ன தருவாய்?

Re: வெட்கத்தை கேட்டால் என்ன தருவாய்?

Re: வெட்கத்தை கேட்டால் என்ன தருவாய்?

Re: வெட்கத்தை கேட்டால் என்ன தருவாய்?

Re: வெட்கத்தை கேட்டால் என்ன தருவாய்?

Re: வெட்கத்தை கேட்டால் என்ன தருவாய்?

Re: வெட்கத்தை கேட்டால் என்ன தருவாய்?

Re: வெட்கத்தை கேட்டால் என்ன தருவாய்?

Re: வெட்கத்தை கேட்டால் என்ன தருவாய்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக