கல்லூரி சாலை..!!

கார்த்திக்.எம்.ஆர் · 26/11/2011

பழக்கமில்லா முகங்களின் இடையே
பதட்டத்துடன் அமர்ந்து இருந்தேன்...

மௌன மொழிகள் பாடிய பிறகு
மெல்ல அவன் பெயரைக் கேட்டேன்...

காலம் மெல்ல கடந்த போது
காற்றில் கலந்த ஆசான் அறிவுரை...!!

பள்ளிக்கூட நினைவுகள் இடையே
மறைந்து விட்ட காலைப் பொழுது...

உன்னத மாலை வருகை நோக்கி
உறக்கம் கொண்டேன் உண்ட களைப்பில்...!!

விடுதி அறைகள் திறக்கும் போதே
கண்ணீர் துளிகள் கசியக் கண்டேன்...

பெற்றோர் பிரிவை மறக்கச் செய்த,
பிரியாச் சொந்தமாய் கிடைத்த நட்பு...

நண்பன் சொன்ன திசையில் பயணிக்கிறேன்
என் கல்லூரி சாலையில் மறவாத முதல்நாள் நினைவுகளுடன்..!!

**Dr.சுந்தரராஜ் தயாளன்** · 03/09/2011

எந்த கல்லூரிங்க தம்பி... நான் படிச்சது மாநிலக்கல்லூரிங்க மகிழ்ச்சி

கார்த்திக்.எம்.ஆர் · 26/11/2011

சுந்தரராஜ் தயாளன் wrote:எந்த கல்லூரிங்க தம்பி... நான் படிச்சது மாநிலக்கல்லூரிங்க

இங்கதாங்க, கோவை தொழில்நுட்பக் கல்லூரி..படிச்சுகிட்டு இருக்கேன்..

**இளமாறன்** · **இளமாறன்** Sat Dec 03, 2011 9:08 pm

பெற்றோர் பிரிவை மறக்கச் செய்த,
பிரியாச் சொந்தமாய் கிடைத்த நட்பு...

கவிதை அருமை

கல்லூரி நேரங்களில் கிடைக்கும் நட்பு வாழ்வில் வருவது மிக குறைவு மகிழ்ச்சி

**Dr.சுந்தரராஜ் தயாளன்** · 03/09/2011

கார்த்திக்.எம்.ஆர் wrote:
சுந்தரராஜ் தயாளன் wrote:எந்த கல்லூரிங்க தம்பி... நான் படிச்சது மாநிலக்கல்லூரிங்க

இங்கதாங்க, கோவை தொழில்நுட்பக் கல்லூரி..படிச்சுகிட்டு இருக்கேன்..

ஓ நம்ம கோயம்புத்தூருங்கலா ...படிங்க....படிங்க...நல்லாப் படிங்க....வருட்டுமுங்களா மகிழ்ச்சி