எதுக்கெல்லாம் டிவோர்ஸ் கேட்கறதுன்னு ஒரு விவஸ்தை இல்லை?

முஹைதீன் · முஹைதீன் Sat Dec 03, 2011 6:13 pm

எதுக்கெல்லாம் டிவோர்ஸ் கேட்கறதுன்னு ஒரு விவஸ்தை இல்லை?

அந்த விவாகரத்து வழக்கு விசாரனைக்கு வந்தது. முதலில் மனைவியை விசாரனை செய்தார் வக்கீல்....

உங்கள் கணவரிடமிருந்து விவாகரத்து கேட்கறீங்களே.... ஏன் அவரை உங்களுக்கு பிடிக்கலியா?

அப்படிலாம் இல்லை. எனக்கு அவரை ரொம்ப பிடிக்கும்.

அப்படின்னா....தினமும் உங்களை அடிச்சு...உதைக்கிறாரா?

இல்லேங்க....கல்யாணம் ஆன நாளிலிருந்து இன்றுவரை கோபமா அவரு விரல் நகம் கூட என் மேல் பட்டதில்லை.

சரி... வேலைக்கு போகமாட்டேன்னு சொல்றாரா அவரு?

நல்ல வேலையில் இருக்கார். கை நிறைய சம்பளம்.

உங்களை சந்தோசமா வச்சுக்கலியா?
சந்தோசத்திற்கு குறையே இல்லை எங்களுக்கு

அப்படியா....சரி... நகை, நட்டு வாங்கித்தரலியா?
நிறையவே வாங்கித்தந்திருக்காரு

புடவை?

மாசத்திற்கு ஒண்ணுன்னு பீரோ நிறைய அடுக்கி இருக்கு.

சினிமா, கினிமான்னு உங்களை கூட்டிட்டு போகலியா?

வாரா வாரம் ஞாயிற்றுக்கிழமையானா தியேட்டர்தான்.

உங்களுக்கு அவரிடம் எந்தக்குறையும் இல்லை. சரி...இது கடைசிக்கேள்வி....வெளில ஏதாவது அப்படி இப்படின்னு இருக்காரா?

அய்யய்யோ அவரு சொக்கத்தங்கம் சார்

ஏம்மா...உனக்கும் அவருக்கும் எந்தப்பிரச்சினையும் இல்லைங்கறே. அப்புறம் எதுக்கும்மா டிவோர்ஸ் கேட்கறே?

இருக்கு சார்....

அப்படின்னா சொல்லும்மா?

அவரு தினமும் அஞ்சு தடவை குடிக்கறாரு சார்

என்னது குடிக்கறாரா? எத்தனை நாளா இந்த குடிப்பழக்கம்?

சின்ன வயசிலேர்ந்து குடிக்கறாரு

ஏம்மா...சின்ன வயசிலேருந்து குடிக்கிறாருன்னு சொல்றே.. இத்தனை நாளுக்கு அப்புறம் இப்ப வந்து புகார் சொல்றே?

இவ்வளவு நாள் ஒன்னும் தெரியலே....இப்பத்தானே விலை ஏறிப்போச்சு

என்ன விலை ஏறிப்போச்சா? ஆமா உன் கணவர் என்னத்தை குடிக்கறாரு பீர்?

இல்லை...

பிராந்தி, விஸ்கி

அதெல்லாம் இல்லை.

வேறு என்னதான் குடிக்கறாரு?

ஒரு நாளைக்கு அஞ்சு வேளை டீ, காபின்னு ஏதாவது குடிச்சுக்கே இருக்காரு.... நீங்களே சொல்லுங்க...இப்ப பால் விற்கற விலையில இது ரொம்ப ஓவருங்க... இப்படி இருந்தா எப்படிங்க அவரோட குடும்பம் நடத்தறது?

http://www.rahimgazzali.com/2011/12/short-story-from-gazali.html