கூட்டுச் சதியாலோசனை

முஹைதீன் · முஹைதீன் Sat Dec 03, 2011 4:57 pm

கூட்டுச் சதியாலோசனை

கூட்டுச் சதியாலோசனை Thenkoodu

தோப்பென விரிந்த இடத்தில்
வீடுகளின் தொகுப்பு... இப்போது
எஞ்சிய மரமொன்றின் கிளையொன்றில்
தொங்கிக் கொண்டிருந்தது தேன்கூடு...!

நாடோடியின் முதுகில் தொங்கும்
சாக்கு மூட்டையின் தோற்றம்...!
ஒரு வால் சிறுவனின் துடுக்குப்
பார்வையில் எப்படியோ பட்டுவிட்டது அது...!

அடுத்த நொடியே செய்தி பரவ
அணி திரண்டெழுந்தது ஆட்கள்கூட்டம்...!

உப்பிய அதன் தோற்றத்தைக் கண்டு
அறுந்து நிலத்தில் விழுவது போன்ற
அதன் கோலத்தைக்கண்டு
கூட்டம் சற்றே பின் வாங்கியது...!

மனிதனின் காவல் மீறி
இயற்கை செய்த சதி என்றார்கள்..!
பிள்ளைகளை ஓரமாய் இழுத்து
எச்சரிக்கை செய்தாள் ஓர் கிழவி
தேனீக்கள் கொட்டினால்
என்னென்ன ஆகுமென்று விவரித்தார் இன்னொருவர்..!

அதைக் கலைப்பதற்காகவே ஜென்மம்
எடுத்தது போல் ஆவேசத்தில் துடித்தனர் என் நண்பர்கள்...!

அதுபாட்டுக்கு அது
நாம் பாட்டுக்கு நாம்
அப்படியே இருப்போம் என்றேன் நான்...!

அனுபவித்தவனுக்குத்தான் வலிதெரியும் என
ஆர்பரித்தது ஓர் தொண்டை
நம் இடத்தில் அதற்கென்ன வேலை என
நாக்கு வறளக் கத்தியது...!

அதற்குறிய இடத்தில்தானே நாம் இருக்கிறோம்
என்று முணுமுணுத்தேன் நான்...!

கொஞ்ச நேரம் சும்மா இருடா என்று
உடனடியாக என் வாய் மூடப்பட்டது..!

குறவன் மூலம் கூட்டை அழிக்கலாம்
தேனும் கிடைக்கும் என்றாள் நடுவயசுக்காரி...!

அந்த யோசனை அப்படியே ஏற்கப்பட்டது
அடுத்த அமாவாசைக்கு அழிப்பது நல்லதென்றார்கள்
இப்போதே குறவனிடம் சொல்லி வைக்கலாம் என்றனர்...!

மனிதர்கள் தீட்டும் சதியை
தேனீக்களுக்கு தெரிவிக்கும் வழி தெரியாமல்
விக்கித்து நின்றேன் நான்...!

http://www.tamilparents.com/2011/12/suggested-collusion.html

**கோவிந்தராஜ்** · 20/02/2011

அருமை நல்ல கண்ணோட்டம் எனக்கு மிகவும் பிடித்திருக்கின்றது ! புன்னகை

**ராஜா** · **ராஜா** Sat Dec 03, 2011 5:26 pm

எங்கள் வீட்டில் இருந்த தேன்கூட்டை gardenar களைத்து விட்டார் , எனக்கும் கடந்த மூன்று நாட்களாக கடும் மனவருத்தம் கூட்டுச் சதியாலோசனை 440806

**Dr.சுந்தரராஜ் தயாளன்** · 03/09/2011

நன்று...நன்றி...காட்டு யானைகள் வாழைத்தோப்பில் நுழைந்து அட்டகாசம் என்று படிக்கிறோம். உண்மையில் நாமல்லவா அதன் இடத்தை ஆக்கிரமித்துக் கொண்டுள்ளோம் ? சோகம்

:அடபாவி:

**இளமாறன்** · **இளமாறன்** Sat Dec 03, 2011 8:27 pm

மனிதர்கள் தீட்டும் சதியை
தேனீக்களுக்கு தெரிவிக்கும் வழி தெரியாமல்
விக்கித்து நின்றேன் நான்...!

விலங்கினங்களுக்கு தீயது செய்யும் பொது மனது வலிக்க தான் செய்கிறது

Sponsored content · Sponsored content

கூட்டுச் சதியாலோசனை

கூட்டுச் சதியாலோசனை

Re: கூட்டுச் சதியாலோசனை

Re: கூட்டுச் சதியாலோசனை

Re: கூட்டுச் சதியாலோசனை

Re: கூட்டுச் சதியாலோசனை

Re: கூட்டுச் சதியாலோசனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக