மனைவி என்னும் துணைவி

kalamkadir · kalamkadir Thu 1 Dec 2011 - 2:12

மனைவியென்னும் மாதரசி நாடும் அன்பை
மகிழ்வுடனே மதித்திடுவோம் அவளின் பங்கை
நினைவிலென்றும் நீங்காது நெஞ்சில் மேவும்
நித்தமவள் வழங்கிவரு மின்பம் யாவும்
சுனைநீராய் வற்றாமல் தியாகம் செய்வாள்;
சுரக்குமன்பால் மறவாமல் நியாயம் செய்வோம்!
பனைமரமாய் நற்பலன்கள் தருவாள் என்றும்
பகுத்தறிவைப் பயன்படுத்திச் செய்வோம் நன்றி

சலவையையும் சளைக்காமல் செய்வாள்;ஊணும்
சமைத்திடுவாள்; இல்லத்தில் தூய்மை காணும்
நிலவினைப்போல் வெளிச்சமாக்கி வைத்துக் காத்து
நிற்குமவள் செயலுக்குச் சொல்வோம் வாழ்த்து
புலமையுடன் கூரறிவும் பெற்ற இல்லாள்
புத்தியுடன் கணவனுக்கு வழியும் சொல்வாள்
கலவரமாய் முகத்தினில் ரேகைப் பார்த்து
கவலைகளைப் போக்கிடுவாள் அன்பை ஈந்து

இல்லாளை மதிப்போர்க்கு வாழ்க்கை இன்பம்
இல்லாத சந்தேகம் கொண்டால் துன்பம்
பொல்லாதப் பழிகளையும் நம்ப வேண்டா
பொய்சொல்லி ஆபத்தில் சிக்க வேண்டா
நல்லோராய்க் குழந்தைகள் வளர வேண்டி
நாடோறும் கஷ்டங்கள் யாவும் தாண்டி
சொல்லொண்ணாப் பொறுமையினை நெகிழ்ந்து யோசி
சொர்க்கமெனக் கொண்டாடி மகிழ்ந்து நேசி

யாப்பிலக்கணம்: காய், காய், மா, தேமா(அரையடிக்கு) வாய்பாட்டில் அமையும்
எண்சீர் கழிநெடிலடி விருத்தம்
--
”கவியன்பன்” கலாம், அதிராம்பட்டினம்(பிறப்பிடம்)
அபுதபி(இருப்பிடம்)

எனது வலைப்பூத் தோட்டம் : http://kalaamkathir.blogspot.com

**இளமாறன்** · **இளமாறன்** Thu 1 Dec 2011 - 2:29

இல்லாளை மதிப்போர்க்கு வாழ்க்கை இன்பம்
இல்லாத சந்தேகம் கொண்டால் துன்பம்
பொல்லாதப் பழிகளையும் நம்ப வேண்டா
பொய்சொல்லி ஆபத்தில் சிக்க வேண்டா
நல்லோராய்க் குழந்தைகள் வளர வேண்டி
நாடோறும் கஷ்டங்கள் யாவும் தாண்டி
சொல்லொண்ணாப் பொறுமையினை நெகிழ்ந்து யோசி
சொர்க்கமெனக் கொண்டாடி மகிழ்ந்து நேசி

சார்லஸ் mc · சார்லஸ் mc Thu 1 Dec 2011 - 3:01

நண்பருக்கு பாராட்டுக்கள்

நன்றாக வாழ்ந்து காட்டி சொல்லும் அனுபவ கவி.

இளைய தம்பதிகளுக்கு மிகுந்த உபயோகமாக இருக்கும்.

அருமையிருக்கு

kalamkadir · kalamkadir Thu 1 Dec 2011 - 4:42

அதுவே என் கொள்கை
யான் பெற்ற இன்பம் இவ்வையகம் பெறுக
நெஞ்சம் படர்ந்த நன்றி

**கோவிந்தராஜ்** · **கோவிந்தராஜ்** Thu 1 Dec 2011 - 8:13

நன்று நன்றி சூப்பருங்க

**மாணிக்கம் நடேசன்** · 14/12/2009

ஆமாம், சொல்லுவீங்க, பாடத பாடு படுர எங்களுக்குத் தானே தெரியும்.
காலையில 4 இட்டலிய கொடுத்து சாப்பிட சொன்னா போதுமா, ஊட்டி விட வேண்டாமா, நல்ல துணைவி.
நான் ஏத்துக்க மாட்டேன்.

சார்லஸ் mc · சார்லஸ் mc Thu 1 Dec 2011 - 9:55

மனைவி அமைவதெல்லாம் இறைவன் கொடுத்த வரம்.

**மாணிக்கம் நடேசன்** · 14/12/2009

சார்ல்ஸ் அண்ணே, நல்ல மனைவி அமையிலேனா, என்னே போல சூப்பர் புருசன் எல்லாம் பாவம் பண்ணவங்கலா?

**இளமாறன்** · **இளமாறன்** Thu 1 Dec 2011 - 13:36

மாணிக்கம் நடேசன் wrote:ஆமாம், சொல்லுவீங்க, பாடத பாடு படுர எங்களுக்குத் தானே தெரியும்.
காலையில 4 இட்டலிய கொடுத்து சாப்பிட சொன்னா போதுமா, ஊட்டி விட வேண்டாமா, நல்ல துணைவி.
நான் ஏத்துக்க மாட்டேன்.

இதுமட்டும் தானா இல்லை வேற வேற எதிர்பார்ப்புகள் இருக்கா சிரி