ஆண்மையைக் கெடுக்கும் சிகரெட்டு

புகையிலை ஒரு கொடிய நஞ்சுப் பொருள். புகையிலையில் உள்ள நிக்கோடின் மிகக்கொடிய நஞ்சாகும். நிக்கோடின் தடவப்பட்ட கம்பியால் யானையைக் குத்தினால், அது உடனே மயங்கி சரிந்து விடும். அந்த அளவு மோசமானது, நிக்கோடின்.

ஒரு சிகரெட்டில் ஒரு மில்லிகிராம் நிக்கோடின் உள்ளது. இந்த நிக்கோடினை தனியே பிரித்தெடுத்து ஊசியால் உடலுக்குள் செலுத்தினால், ஆள் உடனே இறந்துவிடுவார்.

இத்தகைய கொடிய நஞ்சுதான் புகைபிடிக்கும்போது, கொஞ்சம் கொஞ்சமாக உடலுக்குள் சென்று, கொஞ்சம் கொஞ்சமாக ஆளைக் கொலை செய்கிறது.

நிக்கோடினுடன் சேர்ந்து சிகரெட்டில் நாலாயிரத்துக்கும் மேற்பட்ட நச்சு இரசாயனங்கள் உள்ளன. ஒருவர் ஒரு சிகரெட்டு புகைத்தால், அவரது வாழ்நாளில் ஏழு நிமிடம் குறைகிறது என்று கண்டுபிடித்திருக்கிறார்கள்.

உச்சி முதல் உள்ளங்கால் வரை

உச்சி முதல் உள்ளங்கால் வரை சிகரெட்டு பாதிக்கிறது. சிகரெட்டில் உள்ள நிக்கோடின் நஞ்சு, போதைப் பொருளாகச் செயல்பட்டு மூளையை அடிமைப்படுத்துகிறது. சிகரெட்டு புகையை உள்ளிழுத்தவுடன் நுரையீரலில் நிரம்பும் புகையானது, ஏழு விநாடிக்குள் மூளையைத் தாக்குகிறது. இதயத் துடிப்பையும், இரத்த அழுத்தத்தையும் இது அதிகரிக்கச் செய்கிறது. இதனால் புகைப்போர் மாரடைப்பால் பாதிக்கப்படும் ஆபத்து அதிகம் உள்ளது.

சமீபத்தில் இங்கிலாந்தில் மேற்கொள்ளப்பட்ட ஒரு ஆய்வில், சிகரெட்டு அறிவுத்திறனை பாதிப்பதையும், நினைவை மழுங்கடிப்பதையும் கண்டறிந்துள்ளனர்.

தொண்டைப் புற்று

புகையிலையில் உள்ள புற்றுநோய் உண்டாக்கும் நச்சு இரசாயனங்கள் வாயில் உள்ள உமிழ்நீர் சுரப்பிகளைப் பாதிக்கின்றன. சுமார் 80 விழுக்காடு தொண்டைப் புற்றுநோய்க்கு புகைபிடித்தலே காரணமாகிறது.

புகைப்பிடிப்பதால் தோல் பகுதிக்குச் செல்லும் இரத்த ஓட்டம் குறைகிறது. இதனால் தோல் கடினமாவதுடன் சுருக்கம் விழுவதும் அதிகமாகிறது.

புகையிலையில் உள்ள தார் என்ற பொருள் விரல்களையும் நகங்களையும் மஞ்சள் நிறமாக்குகிறது. சொரியாசிஸ் எனப்படும் கொடிய தோல் நோயால் தாக்கப்படும் வாய்ப்பு புகைப்பிடிப்போருக்கு இரண்டு மடங்கு அதிகம் உண்டு.

ஆண்கள்

புகைபிடிப்பதாலோ அல்லது புகைபிடிப்போருக்கு அருகில் இருக்கவோ நேரும் பெண்கள், மாதவிலக்கின் போது அதிகம் துன்பப்படுகின்றனர். இத்தகையோருக்கு குழந்தை பிறக்கும் வாய்ப்பு குறைவதுடன், கருக்கலைவதற்கும் அதிக வாய்ப்பு உண்டு.

புகைபிடிக்கும் பெண்களுக்கு பிறக்கும் குழந்தைகள், சராசரியாக அரைக்கிலோ எடைக்குறைவாக பிறக்கின்றன. இதனால், குழந்தை இறப்பு விகிதமும் அதிகரிக்கிறது. ஊனத்துடன் குழந்தை பிறப்பதற்கும் வாய்ப்பு உண்டு.

புகைப்பிடிக்கும் ஆண்களுக்கு இனப்பெருக்க உயிரணுக்கள் எண்ணிக்கை குறைகிறது. புகைப்பிடிப்பதால் இரத்த நாளங்கள் பாதிக்கப்படுவதால், ஆண்மைக் குறைவுக்கும் சிகரெட்டு காரணமாகிறது.

பார்வைக் குறைவு

அதிகமாக புகைபிடிப்போருக்கு கண்களில் விழித்திரை நோய் தாக்கும் வாய்ப்பு இருமடங்கு உண்டு. முதுமையடையும்போது பார்வைக் குறைவு ஏற்படும் வாய்ப்பும் 5 மடங்கு அதிகம் உண்டு.

வாய் மற்றும் நாக்கில் புற்றுநோய் தாக்குவதற்கு புகைபிடிப்பதும், புகையிலைப் பொருட்களை சுவைப்பதுமே முதன்மை காரணம். வாய்ப் புற்றுநோய் வரும் வாய்ப்பு புகைப்பிடிப்போருக்கு 30 மடங்கு அதிகமாகும்.

இந்தியா உள்ளிட்ட ஆசிய நாடுகளில் மட்டும் வாய்ப் புற்றால் ஆண்டுக்கு 1 இலட்சத்து 50 ஆயிரம் பேர் இறந்துபோகிறார்கள்.

புகைப்பிடிப்பதால் வாய் துர்நாற்றம், பற்களும் ஈறுகளும் சேதமடைதல், பற்கள் மஞ்சள் நிறமாதல் என பல பாதிப்புகள் நேர்கின்றன.

மாரடைப்பு

புகைபிடிப்பதால் இரத்து அணுக்களில் கரிக்காற்று திணிக்கப்பட்டு, உயிர்காற்று பற்றாக்குறை ஏற்படுகிறது. இதனால், இதயம் உயிர்வளிக்காக ஏங்குகிறது. சாதாரணமானவர்களைவிட, புகைபிடிப்போர் 15 மடங்கு வரை அதிகமாக இதய நோய்களுக்கு ஆளாகின்றனர்.

சிகரெட்டு அதிகமாக தயாரிக்கப்படுவதும், அதிகமானோர் புகைபிடிப்பதும் கடந்த நூறாண்டுகளாகத்தான். அதற்கு முன்பெல்லாம் உலகில் நுரையீரல் புற்றுநோய் என்பது கேள்விப்படாத ஒன்றாக, எங்கோ ஒன்றுதான் கண்டறியப்பட்டது.

மூச்சுத்திணறல், இருமல், இரத்த வாந்தி என இன்னும் பல பாதிப்புகளுக்கு புகைபிடித்தல் காரணமாகிறது.

புகைபிடித்தால் இரத்தக்குழாய்கள் பாதிக்கப்படுகின்றன. இதனால், உடலின் பாகங்களுக்கு செல்லும் இரத்த ஓட்டம் குறைகிறது. உடல் பாகங்களின் செயல்திறன் குறைகிறது. இதனால், நடப்பதுகூட வலி மிகுந்த செயலாகிவிடுகிறது. கால் செயலிழக்கும் நோயால் தாக்கப்படுவோரில் 90 விழுக்காட்டினர் புகைபிடிப்போர்தான்.

ursnaveen wrote:

இவ்வாறு ஆதங்கப்ப்டுவதை விடுத்து புகைப்பதை நிறுத்துங்கள் நவீன்!

புகை பிடிப்பவர்களுக்கு ..புகை பிடிக்க விருப்பம்....அந்த புகையிலைக்கோ ..புகை பிடிப்பவரகளையே ..பிடிக்கும்.. புகை பிடிப்பாவர்கள் நினைக்கிறார்கள்..தாங்கள் புகை பிடிபபதாய்..அதுதான் இல்லை..புகை இலைதான் இவர்களை பிடிக்கிறது..எஸ் அது இவர்களை கொஞ்சம் கொஞ்சமாக கொல்லும் ஒரு எமன்...

அனைத்து புகைஞரும் படிக்கவேண்டிய பகுதி

புகை நமக்கு பகை

புகை பிடிக்காமல் இருப்பது மட்டுமல்ல
புகை பிடிப்பவர்களை கண்டாலும்

திமிங்கிலம் ..இப்படி போடுவதால் ஒருத்தர் திருந்தினாலே..அந்த வெற்றி திமிங்கிலத்துக்கே சேரும்....ராஜா அண்ணா..என்ன நான் சொல்லுறது ..

பட்டவனுக்குத்தான் அடுத்தவனுக்கு அறிவுரை சொல்லும் தகுதி உண்டு! இப்பொழுது குறைத்து விட்டேன் தல! இன்னும் சில வாரங்களில் நிறுத்தி விடுவேன்!

சாத்தான் என்றவுடன் மீனுவைத்தானோ என்று ஒருகணம் மகிழ்வடந்தேன், பிறகுதான் புரிந்தது!

மீனு wrote:திமிங்கிலம் ..இப்படி போடுவதால் ஒருத்தர் திருந்தினாலே..அந்த வெற்றி திமிங்கிலத்துக்கே சேரும்....ராஜா அண்ணா..என்ன நான் சொல்லுறது ..

இரண்டாம் ஆண்டு தொடக்கத்தை முன்னிட்டு புகைபிடிப்பதை விடுவதாக சொன்னாரு , என்ன ஆச்சுன்னே தெரியல , கேட்டு சொல்லுங்க மீனு ,

ஷிவா அண்ணா நீங்க இப்போ புகை பிடிப்பது இல்லைதானே..
ராஜா அண்ணாவுக்கு ஸ்மார்ட் ஆகா பதில் சொல்லுங்க திமிங்க்ஸ்..