குறுந்தகவல் அனுப்பியவருக்கு 20 வருட சிறை

**சிவா** · **சிவா** Thu Nov 24, 2011 9:47 pm

பாங்காக் : தாய்லாந்து நாட்டின் அரசிக்கு மொபைல் போன் மூலம் எஸ்.எம்.எஸ்., அனுப்பிய நபருக்கு, 20 ஆண்டுகள் சிறை தண்டனை அளிக்கப்பட்டுள்ளது.

தாய்லாந்து தலைநகர் பாங்காக்கின் புறநகர் பகுதியில் வசிப்பவர் அம்போன் தங்னோபக்கு,61. இவர், அந்நாட்டு அரசிக்கு மொபைல் போன் மூலம் எஸ்.எம்.எஸ்., அனுப்பியது தொடர்பாக, கடந்த ஆண்டு ஆகஸ்ட் மாதம் கைது செய்யப்பட்டார். அரசியை அவமதித்து விட்டதாகக் கூறி, இவர் மீது நான்கு வழக்குகள் பதிவு செய்யப்பட்டன. ஒவ்வொரு வழக்கிலும் இவருக்கு, ஐந்தாண்டு சிறை அளிக்கப்பட்டுள்ளது. இதன் மூலம் இவர், 20 ஆண்டு சிறை தண்டனையை அனுபவிக்க உள்ளார். தாய்லாந்து நாட்டின் அரச குடும்பத்திற்கு எதிரான செயல்களுக்கு, அதிகபட்ச தண்டனை அளிக்கப்பட்டு வருகிறது. அம்போன் தங்னோபக்குக்கு அளிக்கப்பட்ட அதிகபட்ச தண்டனைக்கு, சர்வதேச பொதுமன்னிப்பு நிறுவனம் கண்டனம் தெரிவித்துள்ளது.

பொறாமைப்படுகிறது இந்தியா: சீனா குற்றச்சாட்டு

பீஜிங்: ஆசிய பிராந்தியத்தில் சீனாவின் வளர்ச்சியைப் பார்த்து இந்தியா பொறாமைப்படுவதாக அந்நாட்டு அரசு ஊடகங்கள் செய்தி வெளியிட்டுள்ளன. இதுகுறித்து சீன அரசின் அதிகாரப்பூர்வ நாளேடான ஜிங்ஹூவா இணையதளத்தில் வெளியிடப்பட்டுள்ள செய்தியில், ஆசியாவில், குறிப்பாக தெற்காசியா மற்றும் தென் கிழக்காசியாவில் சீனாவிற்கு இருக்கும் மதிப்பைப் பார்த்து இந்தியா மிரண்டு போயுள்ளதாகவும், சீனாவின் பொருளாதார வளர்ச்சியைப் பார்த்து பொறாமைப்படுவதாகவும் தெரிவிக்கப்பட்டுள்ளது. இதன் காரணமாகவே கிழக்கு நோக்குதல் திட்டம் மூலம் வியட்நாம் மற்றும் ஜப்பானுடன் இந்தியா உறவுகளை புதுப்பித்து வருவதாகவும் அதில் தெரிவிக்கப்பட்டுள்ளது.

தினமலர்

**இளமாறன்** · **இளமாறன்** Thu Nov 24, 2011 11:26 pm

அப்படி என்ன குறுந்தகவல் அனுப்பினார் அதிர்ச்சி

20 வருடம் இலவச சாப்பாடு இவருக்குண்டு சிரி

குறுந்தகவல் அனுப்பியவருக்கு 20 வருட சிறை

குறுந்தகவல் அனுப்பியவருக்கு 20 வருட சிறை

Re: குறுந்தகவல் அனுப்பியவருக்கு 20 வருட சிறை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக