யாரேனும் கேளுங்கள்

ரேவதி · ரேவதி Thu 24 Nov 2011 - 15:54

நான் அற்று நீ
மட்டும் நீயாய்
மாறிய நொடி
எப்படி இருந்தது உனக்கு ?

பிரியம் கொண்ட
நம் காதலுக்குள்,
பிரியம் தொலைக்க வைத்த
உன் ஆளுமையை,
அன்றே தான் நீ உணர்ந்தாயா?...

பிரியச் சிலுவைக்குள்
அகப்பட்ட என் பாசம்,
முள்ளில் சிக்கிய
சேலையாய் மாறியதை
நீ அறிந்தாயா?...

என் விருப்பங்களும்,
வெறுப்புகளும்,
உன் அனுமதியில் இருக்கவேண்டும்
என்ற உன் ஆண்மைத்திமிரை,
அன்பாய் நான் பாவித்தது உனக்கு
புரியாதா?

பெண் என்ற
வரையறையை வகுத்திட்ட
வர்க்கத்திலே,
தனிரகம் என்றே உன்னை நினைத்திட்டேன்...
நீயோ,
தர்க்கம் செய்தால் தாவிக் குதிக்கிறாய்...
நட்பு வட்டம் கூடாதென்று கட்டளை இடுகிறாய்...
சிரித்து பேசினால் வேஷம் என்கிறாய்...
கோபமாய் பேசினாலோ பொறுமையாய்
இருப்பதுவே பெண்ணுக்கு அழகென்கிறாய்...
தனிப்பட்ட என் விருப்புக்கும் தடை இடுகிறாய்...

உயிர் அற்று போகும் வலிகளை தந்து
அன்பென்று ரசிக்கிறாய்
நீ...
ரணங்களை சுகங்களாய் மாற்றிட
சுயம் தொலைக்கிறேன்
நான்...

உன் கட்டளைகளும் கட்டுப்பாடுகளும்
என்மீதான காதல் என்றே
அறிந்திருந்தேன்...
ஆனால் அனைத்தும்
உன் ஆண்மையின் இயலாமை
என்றே உணர்ந்தேன்,
உன்னிடம் உரைத்தேன்....

கடைசியாய்,
காதல் பேசிய உதடுகள்
கனல் அள்ளி வீசியது....
வஞ்சித்து விலகியவர்
இடத்தில் என் பெயரும் வந்தது..

உன்னை நீங்கி வாழ்தல்
சாத்தியம் இல்லாத சத்தியம்
என்றே உணர்ந்தாலும்,
நான் என்ற என்னை
நானாகவே இருக்கவிடாத உன்னை,
ஆண் என்று மார்தட்டும் உன்னை
நீங்குதல் பிழையல்ல
என்றே பிரிந்தேன்...

வருடங்கள் தொலைந்தாலும்,
இளமையது கரைந்தாலும்,
நான் மட்டும் விவாகரத்து
ஆனவள்...
நீ....
புதுமாப்பிளை...

இது என்ன நியாயம்
யாரேனும் கேளுங்கள்...

மெயிலில் வந்தது

நியாஸ் அஷ்ரஃப் · 15/06/2010

ரேவதி wrote:
நான் அற்று நீ
மட்டும் நீயாய்
மாறிய நொடி
எப்படி இருந்தது உனக்கு ?

இந்த முதல் வரியே போதும் ,, இந்தக்கவிதையின் வலியை உணர்த்துவதற்கு..
ஆழமான வரிகளுடன் அழகிய கவிதை.. பகிர்ந்தமைக்கு மிக்க நன்றி ரேவதி..

இந்த பதிவைத் துவங்கியவர் நன்றி கூறியுள்ளார் நியாஸ் அஷ்ரஃப்

**ஜாஹீதாபானு** · **ஜாஹீதாபானு** Thu 24 Nov 2011 - 16:00

உயிர் அற்று போகும் வலிகளை தந்து
அன்பென்று ரசிக்கிறாய்
நீ...
ரணங்களை சுகங்களாய் மாற்றிட
சுயம் தொலைக்கிறேன்
நான்...

அருமை ரே ....
எனக்கு ஆணுக்கு அடங்கி இருக்கத் தான் பிடிக்கும் ..
மற்றவர்களுக்கு எப்படி என்று தெரியாது
நீயா எழுதின ரொம்ப அருமையா இருக்கு யாரேனும் கேளுங்கள் 224747944

**உமா** · **உமா** Thu 24 Nov 2011 - 16:02

ரேவதி உன் கவிதையா. அதிர்ச்சி

dhilipdsp · dhilipdsp Thu 24 Nov 2011 - 16:05

அவனோட அட்ரஸ் தாங்க ?
நான் பார்துகிறேன் ?

ரேவதி · ரேவதி Thu 24 Nov 2011 - 16:05

உமா wrote:ரேவதி உன் கவிதையா.

இல்லை.... இந்த குழபத்திற்காகத்தான் தெளிவா ரசித்த கவிதைகள் பகுதியில் போட்டு நன்றி ரேவானு போட்டேன்..

**ஜாஹீதாபானு** · **ஜாஹீதாபானு** Thu 24 Nov 2011 - 16:07

ரேவதி wrote:
உமா wrote:ரேவதி உன் கவிதையா.
இல்லை.... இந்த குழபத்திற்காகத்தான் தெளிவா ரசித்த கவிதைகள் பகுதியில் போட்டு நன்றி ரேவானு போட்டேன்..

ரேவா நீ இல்லையா யாரேனும் கேளுங்கள் 128872

dhilipdsp · dhilipdsp Thu 24 Nov 2011 - 16:09

ரேவதி wrote:
உமா wrote:ரேவதி உன் கவிதையா.
இல்லை.... இந்த குழபத்திற்காகத்தான் தெளிவா ரசித்த கவிதைகள் பகுதியில் போட்டு நன்றி ரேவானு போட்டேன்..

ரேவா நீ இல்லையா

யாரேனும் கேளுங்கள் 67637

dspp

ரேவதி · ரேவதி Thu 24 Nov 2011 - 16:12

ஜாஹீதாபானு wrote:
ரேவதி wrote:
உமா wrote:ரேவதி உன் கவிதையா.
இல்லை.... இந்த குழபத்திற்காகத்தான் தெளிவா ரசித்த கவிதைகள் பகுதியில் போட்டு நன்றி ரேவானு போட்டேன்..
ரேவா நீ இல்லையா

இதற்கு ஏன் எதிர்ப்பு என் தோழி ஒருத்தி இதை எனக்கு அனுப்பினால் அதில் எழுதியவர் ரேவா என்றுதான் போட்டு இருந்தது அநியாயம்

ரேவதி · ரேவதி Thu 24 Nov 2011 - 16:16

நியாஸ் அஷ்ரஃப் wrote:
ரேவதி wrote:
நான் அற்று நீ
மட்டும் நீயாய்
மாறிய நொடி
எப்படி இருந்தது உனக்கு ?

இந்த முதல் வரியே போதும் ,, இந்தக்கவிதையின் வலியை உணர்த்துவதற்கு..
ஆழமான வரிகளுடன் அழகிய கவிதை.. பகிர்ந்தமைக்கு மிக்க நன்றி ரேவதி..

உண்மைதான் நியாஸ் இந்த கவிதையை
படிதவுடன் திருமணத்திற்கு பின் பிரிபவர்கள் வலி எப்படி இருக்கும் என்று
நினைக்கும்போதுதான் ரொம்ப கொடுமையா இருக்கு..

Sponsored content · Sponsored content

யாரேனும் கேளுங்கள்

யாரேனும் கேளுங்கள்

Re: யாரேனும் கேளுங்கள்

Re: யாரேனும் கேளுங்கள்

Re: யாரேனும் கேளுங்கள்

Re: யாரேனும் கேளுங்கள்

Re: யாரேனும் கேளுங்கள்

Re: யாரேனும் கேளுங்கள்

Re: யாரேனும் கேளுங்கள்

Re: யாரேனும் கேளுங்கள்

Re: யாரேனும் கேளுங்கள்

Re: யாரேனும் கேளுங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக