உங்கள் பெயர் என்ன..?

**ஜாஹீதாபானு** · **ஜாஹீதாபானு** Mon 21 Nov 2011 - 17:28

சாதிகள் இல்லையடி பாப்பா-குலத்
தாழ்ச்சி உயர்ச்சி சொல்லல் பாவம.
-பாரதி.

அவருக்கென்ன,கண்ணை
உருட்டியவாறு, மீசையை முறுக்கிக் கொண்டு பாடிவிட்டுப்
போய்விட்டார்.கிடந்து இங்கே அல்லல் படுவது நாம்தான். 'நாம' என்றால்
தமிழர்கள்.ஒரு அறியாத நபர்,நம்மை அறிந்து கொள்வதின் முதல் படியே நம்
பெயர்தான்.பெயர் சொல்வதிலென்ன பிரச்சனை..? சொல்லிவிடலாம். இங்கே, அடுத்த
கேள்வி நம்மை நோக்கி வரும். 'சர் நேம்' என்ன..? இது பூசினாற்போல் சொல்வது!
பச்சையாக சொல்ல வேண்டுமெனில், 'உன் சாதி என்ன..?'. இந்தத் தலைமுறைத்
தமிழர்கள் பதில் சொல்லத் தயங்கும் கேள்வி இது! கடந்த‌ தலைமுறையிலலென்றால்
பரவாயில்லை. காரணம் பெரியாரையே, 'இராமசாமி நாயக்கர்' என்றழைத்த‌வர்கள்தான்
நாம் . தவிர, தேசத் தலைவர்களையெல்லாம் சாதித் தலைவர்களாக்கிய பெருமையும்
நமக்குண்டு.பிரபாகரன் கூட இதற்கு விதிவிலக்கல்லவே!

பொதுவாகவே,
தமிழர்கள் யாரும் 'சர்நேம்' போட்டுக் கொள்வதில்லை. 'இலாஸ்ட் நேம்'
என்பதற்கு தந்தையின் பெயரைப் போட்டுக் கொள்கின்றனர். ஆனால், தமிழ் நாடு
தவிர‌ மற்ற எல்லா மநிலங்களிலும், 'சர்நேம் சிஸ்டம்' உள்ள‌து. தந்தை பெயரின்
முதலெழுத்தை, 'இன்ஷியலாக'ப் போட்டுக் கொள்வதும் நம் தொட்டில் பழக்கம்.
அப்படிப் போட்டுக் கொள்வதால், உங்களை உங்களின் தந்தைப் பெயரைச் சொல்லி
அழைக்கும் அபாயமும் சாத்தியம். ஆனால், விதிகளின் படி நாம் நம் இன்ஷியலைப்
பெயருக்குப் பின்னால்தான் போட்டுக் கொள்ள வேண்டும். மாநில அரசு நமக்களிக்கும் எல்லாக் கல்விச் சான்றிதழ்களிலும், இன்ஷியல் நம்
பெயருக்குப் பின்னால்தான் உள்ளது. மத்திய அரசுச் சான்றுகளில்தான்
'சர்நேம்' ,'மிடில்நேம்' , 'இலாஸ்ட் நேம்' பிரச்சனைகளெல்லாம் வருகின்றது.
குறிப்பாகக் கடவுச்சீட்டு அலுவலகங்களில்!

இந்தப் பிரச்சனைகளைத்
தாங்கிக் கொள்ள முடியாமல், கவுண்டர், கோனார், தேவர் போன்ற சாதிப்
பெயர்களைப் தம் பெயருக்குப் பின்னால் போட்டுக் கொண்ட தமிழர்களையும்
அறிவேன். அந்தப் பெயர்களெல்லாம் செம்ம காமெடியாக இருக்கும். பிரஷாந்த்
கோனார், நிர்மல் கவுண்டர், மேரி நாடார், சுல்தான் லெப்பை என்றால் நல்லாவா
இருக்கிறது..?

நம்‌ கிரமங்களில், சிலர் புதிய பெயர் தேட
சிரமப்பட்டுக் கொண்டு, அப்பா பெயரையே மகனுக்கு வைத்து விடுவர். அப்படி
சிரமப்படாத‌வர்களுள் ஒருவர் என் பாட்டி. என் தாத்தாவின் பெயரையே என்
தந்தைக்கு வைத்தவர். ஆக, என் அப்பாவின் ' நேம்' மும் 'இலாஸ்ட் நேம்'மும்
ஒன்றே என்றாகிப் போனது. என் வருமான வரி அடையாள அட்டையில், என் தந்தை பெயர்,
அவருடைய தந்தை பெயருடன் சேர்ந்து அடுத்தடுத்து வந்து விட்டது. வங்கிக்
கடனுக்காக, என் வருமான வரி அடையாள அட்டையைக் காண்பிக்க, அச்சுப் பிழை
(பெயர் இருமுறை வந்தது) என்று கூறி மனுவை நிராகரித்து விட்டனர். பின்
அவர்களுக்கு பேசிப் புரிய வைத்ததெல்லாம் பெருங்காதை.

மேற்சொன்ன பிரச்சனைகளெல்லாம் பெரும்பாலும் ஆண்கள் சந்திப்பவை. பெண்களுக்கோ, இவ்விஷயத்தில் வேறு மாதிரியான சில பிரச்சனைகளுண்டு.
திருமணத்திற்கு முன்னால், பெயருடன் தன் தந்தை பெயரைச் சேர்த்து
எழுதுபவர்கள், (அல்லது இன்ஷியலாக பயன்படுத்துவோர்) மணத்திற்குப் பின்,
கணவர் பெயரை பயன்படுத்த வேண்டுமாம். கிட்டத்தட்ட இருபது வருடங்களாகப்
பழகிய பழக்கம், ஒரே ஒரு மஞ்சள் கயிறு கட்டியவுடன் மாறிப் போகிறது. இது
பெரிய அபத்தம்தான் என்றாலும்,இன்றும் தொடர்ந்து வருகிறது. (சிலர்
விதிவிலக்கு).

நன்றி பிளாக் போஸ்ட்

ranhasan · ranhasan Mon 21 Nov 2011 - 17:36

நேம்: ரான் ஹாசன்
சார் நேம்: 6ம் வகுப்பு சார் நேம் பிரின்ஸ் பாக்கியநாதன், 7ம் வகுப்பு சார் நேம் ஜெயபால், 8ம் வகுப்புல சார் கிடையாது டீச்சர்தான் பேரு ரூபி... ஒன்னும் புரியல

**பிரசன்னா** · **பிரசன்னா** Mon 21 Nov 2011 - 17:44

பிரஷாந்த்
கோனார், நிர்மல் கவுண்டர், மேரி நாடார், சுல்தான் லெப்பை என்றால் நல்லாவா
இருக்கிறது..?

மேற்சொன்ன பிரச்சனைகளெல்லாம் பெரும்பாலும் ஆண்கள் சந்திப்பவை. பெண்களுக்கோ, இவ்விஷயத்தில் வேறு மாதிரியான சில பிரச்சனைகளுண்டு.
திருமணத்திற்கு முன்னால், பெயருடன் தன் தந்தை பெயரைச் சேர்த்து
எழுதுபவர்கள், (அல்லது இன்ஷியலாக பயன்படுத்துவோர்) மணத்திற்குப் பின்,
கணவர் பெயரை பயன்படுத்த வேண்டுமாம். கிட்டத்தட்ட இருபது வருடங்களாகப்
பழகிய பழக்கம், ஒரே ஒரு மஞ்சள் கயிறு கட்டியவுடன் மாறிப் போகிறது. இது
பெரிய அபத்தம்தான் என்றாலும்,இன்றும் தொடர்ந்து வருகிறது. (சிலர்
விதிவிலக்கு).

மேலே உள்ளது மாறியது போல் கால போக்கில் இதுவும் ஒரு நாள் மாறும், என் அபிப்பிராயபடி இப்ப உள்ள கணவன்மார்கள் யாரும் பெயர் மாற்றம் செய்யவேண்டும் என்று சொல்வதில்லை ...

**கேசவன்** · **கேசவன்** Mon 21 Nov 2011 - 20:10

ranhasan wrote:நேம்: ரான் ஹாசன்
சார் நேம்: 6ம் வகுப்பு சார் நேம் பிரின்ஸ் பாக்கியநாதன், 7ம் வகுப்பு சார் நேம் ஜெயபால், 8ம் வகுப்புல சார் கிடையாது டீச்சர்தான் பேரு ரூபி...

**krishnaamma** · **krishnaamma** Mon 21 Nov 2011 - 22:58

ranhasan wrote:நேம்: ரான் ஹாசன்
சார் நேம்: 6ம் வகுப்பு சார் நேம் பிரின்ஸ் பாக்கியநாதன், 7ம் வகுப்பு சார் நேம் ஜெயபால், 8ம் வகுப்புல சார் கிடையாது டீச்சர்தான் பேரு ரூபி...

உங்களை................. மண்டையில் அடி

**ஜாஹீதாபானு** · **ஜாஹீதாபானு** Tue 22 Nov 2011 - 13:15

ranhasan wrote:நேம்: ரான் ஹாசன்
சார் நேம்: 6ம் வகுப்பு சார் நேம் பிரின்ஸ் பாக்கியநாதன், 7ம் வகுப்பு சார் நேம் ஜெயபால், 8ம் வகுப்புல சார் கிடையாது டீச்சர்தான் பேரு ரூபி...