பால் விலை, பேருந்து கட்டண உயர்வை திரும்பப் பெறும் பேச்சுக்கே இடமில்லை: ஜெ. அறிவிப்பால் மக்கள் அதிர்ச்சி

Print | E-mail
ஞாயிற்றுக்கிழமை, 20, நவம்பர் 2011 (13:19 IST)


[X]
Click Here!


பால் விலை, பேருந்து கட்டண உயர்வை திரும்பப் பெறும் பேச்சுக்கே இடமில்லை: ஜெ. அறிவிப்பால் மக்கள் அதிர்ச்சி



தமிழகத்தில் பால் விலை உயர்வு மற்றும் பேருந்து கட்டண உயர்வை திரும்பப் பெறும் பேச்சுக்கே இடமில்லை என முதல் அமைச்சர் ஜெயலலிதா தெரிவித்துள்ளார். இதனால் தமிழக மக்கள் அதிர்ச்சி அடைந்துள்ளனர்.

அரசு நிறுவனமான ஆவின் பால் விலையை அதிமுக அரசு லிட்டருக்கு 5 ரூபாயில் இருந்து 8 ரூபாய் வரை உயர்த்தியது. மேலும் பொதுமக்கள் அன்றாடம் பயன்படுத்தும் பேருந்து கட்டணங்களும் பல மடங்கு உயர்த்தப்பட்டது.

பால் விலை உயர்வு மற்றும் பேருந்து கட்டண உயர்வை திரும்பப் பெறக் கோரி தமிழக மக்கள் போராட்டத்தில் ஈடுபட்டு வருகின்றனர். விலை உயர்வை திரும்பப் பெற வேண்டும் என்று அரசியல் கட்சிகளும் தொடர்ந்து வலியுறுத்தி வருகின்றன.

ஆனால், விலை உயர்வை திரும்பப் பெற முடியாது என இன்று (20.11.2011) முதல் அமைச்சர் ஜெயலலிதா திட்டவட்டமாக அறிவித்துள்ளார்.

இதுதொடர்பாக முதல் அமைச்சர் ஜெயலலிதா வெளியிட்டுள்ள அறிக்கையில், விலை உயர்வுக்கான காரணத்தை ஏற்கனவே தெரிவித்துவிட்டதாக விளக்கம் அளித்துள்ளார். கடினமான முடிவுகளை தைரியமாக தம்மால் மட்டுமே எடுக்க முடியும் என்று தேர்தலுக்கு முன்பு பாராட்டிய கூட்டணிக் கட்சிகளின் தலைவர்கள், தற்போது விலை உயர்வு குறித்த தன்னுடைய முடிவை எதிர்ப்பது சரிதானா என்றும் கேள்வி எழுப்பியுள்ளார்.

17.11.2011 அன்று அமைச்சரவைக் கூட்டத்தில் கட்டண உயர்வுகளுக்கு ஒப்புதல் அளித்து எடுக்கப்பட்ட முடிவுகள், அரசு பொதுத்துறை நிறுவனங்களின் சேவைகள் மக்களுக்கு தொடர்ந்து கிடைத்திட வேண்டும் என்ற நோக்கத்தில் எடுக்கப்பட்ட முடிவுகள். அந்த நிறுவனங்கள் முற்றிலும் செயலற்றுப் போகாமல் காப்பாற்ற இந்த கட்டண உயர்வைத் தவிர வேறு வழியே இல்லை என்ற நிலையில் தான் இந்த முடிவுகளை அரசு எடுத்துள்ளது. இவ்வாறு கூறியுள்ளார்.

நக்கீரன்

ஏன் ஒட்டு போட்டோம் என்று மக்களுக்கும் தெரியவில்லை!! எதுக்கு நம்மை ஆட்சிக்கு கொண்டு வந்தார்கள் என்று இந்த மம்மிக்கு தெரியவில்லை!!

நல்லது நாதியத்து கிடக்குது .....
கெட்டது கிளை விரிச்சு ஆடுது

அவங்களும் வேற என்னதான் பண்ணுவாங்க?இதுக்கு முன்னாடி தமிழகத்தை ஆண்ட கிழம் எல்லாத்தையும் என்னமோ அவங்க அப்பன் வீட்டு சொத்துல இருந்து தர்ர மாதிரி இலவசமா கொடுத்து கஜானாவை ஒண்ணும் இல்லாம செய்தா இவங்க எப்படி ஆட்சி நடத்துவாங்க?அதுமட்டும் இல்லாம இவங்க கொடுக்கிறேன்னு சொன்ன இலவசங்களை எப்படி கொடுப்பாங்க?

டாஸ்மார்க் ஐட்டம் எல்லாத்தையும் ரெண்டு மடங்கு கூட்டுனா பரவாயில்லை

உதயசுதா wrote:அவங்களும் வேற என்னதான் பண்ணுவாங்க?இதுக்கு முன்னாடி தமிழகத்தை ஆண்ட கிழம் எல்லாத்தையும் என்னமோ அவங்க அப்பன் வீட்டு சொத்துல இருந்து தர்ர மாதிரி இலவசமா கொடுத்து கஜானாவை ஒண்ணும் இல்லாம செய்தா இவங்க எப்படி ஆட்சி நடத்துவாங்க?அதுமட்டும் இல்லாம இவங்க கொடுக்கிறேன்னு சொன்ன இலவசங்களை எப்படி கொடுப்பாங்க?

தமிழக மக்களை வசம் செய்யும் இலவசம் !!!

இனி இலவசமே வேண்டாம்

கேசவன் wrote:இனி இலவசமே வேண்டாம்

அதை நீங்க ளும் நானும் சொன்ன போராதே கேசவன்