திருவனந்தபுரம் அருகே கடலுக்கு அடியில் திடீர் நிலநடுக்கம்

**இளமாறன்** · **இளமாறன்** Sun Nov 20, 2011 2:31 pm

திருவனந்தபுரம், : திருவனந்தபுரம் அருகே கடலுக்கு அடியில் நேற்று மாலை நில அதிர்வு ஏற்பட்டது. திருவனந்தபுரத்துக்கு தெற்கே அரபிக்கடலில் நேற்று மாலை 4.10 மணியளவில் நில நடுக்கம் ஏற்பட்டது. இது, ரிக்டர் அளவுகோலில் 4.7 புள்ளியாக பதிவானது. கொழும்பு துறைமுகத்தில் இருந்து 340 கிமீ தொலைவில் கடலுக்கு அடியில் இதன் மையம் இருந்தது. கடலில் நில நடுக்கம் ஏற்பட்டதால் பொதுமக்களிடம் சுனாமி பீதி ஏற்பட்டது. இதனால், கடற்கரையில் இருந்த மக்கள் பாதுகாப்பான இடத்துக்கு ஓடினர்.
திருவனந்தபுரம் நகரின் சில பகுதிகளிலும் இந்த நில அதிர்வு உணரப்பட்டது. இது சாதாரண நிகழ்வுதான் என்றும், சுனாமி ஏற்பட்ட வாய்ப்பு இல்லை என்றும் கேரள நில அறிவியல் துறை தலைவர் ஜான் மத்தாய் கூறினார்.

தினகரன்