ஒடிசா மாற்றுத் திறனாளி பெண்ணுக்கு தேசிய விருது

**இளமாறன்** · **இளமாறன்** Thu Dec 01, 2011 1:05 am

ரூர்கேலா : ஒடிசாவைச் சேர்ந்த ஒடிசி நடன கலைஞரும், மாற்றுத் திறனாளி பெண்ணுமான ரஷ்மி ரேகாவுக்கு, ஜனாதிபதி பிரதிபா பாட்டீல் வரும் 3ம் தேதி தேசிய விருது வழங்க உள்ளார். ஒடிசாவை சேர்ந்தவர் ரஷ்மி ரேகா. பிறவியிலேயே "டிரிசோமி சின்ரோம்' என்ற மரபியல் கோளாறால் பாதிக்கப்பட்டவர். மாற்றுத் திறனாளி. தற்போது 28 வயதானாலும் இவரது நடவடிக்கைகள் 10 முதல் 12 வயது குழந்தைகளை போலவே இருக்கும்.

சிறு வயதிலேயே இவருக்கு நடனத்திலும், விளையாட்டிலும் ஆர்வம் இருப்பதை இவரது தாய் சுபாகினி சாகு மற்றும் ஆசிரியர்கள் அறிந்து, அதில் பயிற்சி அளித்தனர். கடந்த 1999ம் ஆண்டு தேசிய அளவில் நடந்த நடன, இசை விழாவில் ரஷ்மிரேகா கலந்து கொண்டு பரிசு பெற்றார். 2000ம் ஆண்டில் இசை மற்றும் நடனத்திற்கான உத்சாப் விருதும் கிடைத்தது.

விளையாட்டில் இருந்த ஆர்வத்தால், டில்லியில் 2005ம் ஆண்டு நடந்த ஊனமுற்றோருக்கான தேசிய விளையாட்டு போட்டியில் 100 மீ., நடை பந்தயத்தில் தங்கமும், சிறப்பு ஒலிம்பிக் போட்டியில் 50 மீ., ஓட்டப்பந்தயத்தில் வெண்கலமும் வென்றார்.

ஒவ்வொரு ஆண்டும் உலக ஊனமுற்றோர் தினத்தை முன்னிட்டு, மாற்றுத் திறனாளிகளை கவுரவிக்கும் வகையில், மத்திய சமூகநீதித்துறை தேசிய விருது வழங்கி வருகிறது. மாற்றுத் திறனாளி பிரிவில் அளிக்கப்படும் இந்த ஆண்டுக்கான தேசிய விருதுக்கு ரஷ்மிரேகா தேர்ந்தெடுக்கப்பட்டுள்ளார். வரும் 3ம் தேதி நடக்கும் விழாவில், ஜனாதிபதி பிரதிபா பாட்டீல் ரஷ்மிரேகாவுக்கு தேசிய விருது வழங்க உள்ளார்.

தினமலர்

ஒடிசா மாற்றுத் திறனாளி பெண்ணுக்கு தேசிய விருது

ஒடிசா மாற்றுத் திறனாளி பெண்ணுக்கு தேசிய விருது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக