கல்லுக்கும் ஓர் கவிதை (காணொளிகள் இணைக்கப்பட்டுள்ளது)

**Dr.சுந்தரராஜ் தயாளன்** · 03/09/2011

First topic message reminder :

அனைவருக்கும் என் அன்பு வணக்கம்.
நமது ஈகரையில் எழுதப்படும் கவிதைகள் பெரும்பாலும் காதல் சம்மந்தமானதாகவே உள்ளது. பெரும்பாலும் இளைஞர்களால் எழுதப்படுவதால் அது இயற்கையே. ஒரு மாறுதலுக்காக இங்கு புவியியல் சம்மந்தமான செய்தியை நான் கவிதை வடிவில் (இன்னிசை வெண்பா) இயற்றியுள்ளேன். பசால்ட் என்ற கல் வகை உருவானதைக் குறித்து படங்களும் காணொளியும் இணைத்துள்ளேன். பார்த்து, படித்து உங்களின் கருத்துக்களைப் பகிர்ந்துகொள்ள உங்களை அன்புடன் அழைக்கிறேன்.
இவண்
சுந்தரராஜ் தயாளன்.

கல்லுக்கும் ஓர் கவிதை (காணொளிகள் இணைக்கப்பட்டுள்ளது) - Page 3 Stmarry05

கற்கள் பலவிதமாய் காண்கின்றோம், மாதுளையின்
பற்கள் படர்ந்ததுபோல்ப் பார்க்கின்றீர் இப்படத்தில்
நல்உடுப்பி மாநகரின் நற்க்கரையில் ஓர்தீவில்
கல்லிடுக்காய்க் காண்பதையே காண்

கல்லுக்கும் ஓர் கவிதை (காணொளிகள் இணைக்கப்பட்டுள்ளது) - Page 3 Stmarry06

கல்லுக்கும் ஓர் கவிதை (காணொளிகள் இணைக்கப்பட்டுள்ளது) - Page 3 Stmarry08

நூலெடுத்து நம்முன்னோர் நீள்அகலம் பார்த்திதனைக்
காலெடுத்து வைத்திங்கே கட்டினரோ அல்லது
பெட்டிபெட்டி யாய்யனுப்பப் பேர்நல் துறைமுகத்தில்
கட்டிவைத் துள்ளனரோ காண்

கல்லுக்கும் ஓர் கவிதை (காணொளிகள் இணைக்கப்பட்டுள்ளது) - Page 3 Stmarry10

Uploaded with ImageShack.us

Uploaded with ImageShack.us

எரிமலைத் தீக்குழம்பு ஏற்றமாய் நிற்க
கரிமுகில்த் தண்ணீரில் கற்களாய் மாறினவே
வேகமாய் இத்திடமாய் வேரூண்றி வந்ததினால்
ஏகமாய் நேர்கோடா மிங்கு

கல்லுக்கும் ஓர் கவிதை (காணொளிகள் இணைக்கப்பட்டுள்ளது) - Page 3 Polygonalcolumns

கல்லுக்கும் ஓர் கவிதை (காணொளிகள் இணைக்கப்பட்டுள்ளது) - Page 3 Polygonalcolumns

Nagpur - Jabalpur Highway.
கல்லுக்கும் ஓர் கவிதை (காணொளிகள் இணைக்கப்பட்டுள்ளது) - Page 3 Northernirelandd

Same Polygonal basalt columns in Northern Ireland.

ஆறுமுகம் ஆனகல் ஆர்க்கடலில் ஆனதென்க
ஏறுமுகம் ஏராளம் ஏழெட்டு என்றிடலாம்
நாகபுரி நன்நகரில் நானிருந்த நாட்களிலே
ஏகமாய் கண்டேன் இதை
ஆறுமுகம்= six faces = Hexagonal, ஏழெட்டு = seven or eight faces = Polygonal
---சுந்தரராஜ் தயாளன்
:வணக்கம்:

thennakathasan · thennakathasan Mon Oct 22, 2012 9:51 pm

நெருப்போடக்கண்டேன் ! - அஃது
நெருப்போடையாய் வரக்கண்டேன் ! - நன்றி

தங்களது கவிதையும் கல்வெட்டில் பதிப்படவேண்டதே !
நன்று சுந்தராஜ் தயாளன் அவர்களே

தென்னகதசன்

றினா · றினா Tue Oct 23, 2012 10:30 am

கல்லிலே கலைவண்ணம் கண்டான்.
இது இயற்கையின் கலைவண்ணம்.
அது தந்தது இங்கு கவி வண்ணம்.

அருமை.
நன்றிகள்.
வாழ்த்துக்கள்.

ஜலஜா சிவகுமார் · 05/10/2012

கல்லும் அழகு
உங்கள்
சொல்லும் அழகு
கல்லின் வெட்டுகள் அழகு
உங்கள்
சொல்லின் மெட்டுகள் அழகு
இந்த
தகவலும் அழகு
உங்கள்
பகிர்தலும்
அழகு
நன்றி

**ரமணி** · **ரமணி** Thu Nov 01, 2012 8:03 am

கல்லில் இயற்கை இசைத்த கவிதையைச்
சொல்லினில் சுந்தர ராஜன் வரைந்தது
வல்லிதின் நிற்கும் மனதிலே என்பதைச்
சொல்லிடவும் வேண்டுமோ சொல்?

Sponsored content · Sponsored content

கல்லுக்கும் ஓர் கவிதை (காணொளிகள் இணைக்கப்பட்டுள்ளது)

கல்லுக்கும் ஓர் கவிதை (காணொளிகள் இணைக்கப்பட்டுள்ளது)

Re: கல்லுக்கும் ஓர் கவிதை (காணொளிகள் இணைக்கப்பட்டுள்ளது)

Re: கல்லுக்கும் ஓர் கவிதை (காணொளிகள் இணைக்கப்பட்டுள்ளது)

Re: கல்லுக்கும் ஓர் கவிதை (காணொளிகள் இணைக்கப்பட்டுள்ளது)

Re: கல்லுக்கும் ஓர் கவிதை (காணொளிகள் இணைக்கப்பட்டுள்ளது)

Re: கல்லுக்கும் ஓர் கவிதை (காணொளிகள் இணைக்கப்பட்டுள்ளது)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக