கலைஞர் டிவி சொத்துக்களை முடக்க நடவடிக்கை?

**பிரசன்னா** · **பிரசன்னா** Wed Nov 16, 2011 10:08 pm

சட்டவிரோத நிதிப்பரிமாற்றத்தின் கீழ் கலைஞர் தொலைக்காட்சியின் சொத்துக்களை முடக்க அமலாக்கப்பிரிவு உத்தரவுகளைப் பிறப்பிக்கலாம் என்று எதிர்பார்க்கப்படுகிறது.

குஸேகான் நிறுவனம் மற்றும் சினியுக் பிலிம்ஸ் நிறுவனத்துக்கு எதிராகவும் சொத்துக்களை முடக்கும் உத்தரவை அமலாக்கப் பிரிவு பிறப்பிக்க உள்ளது.

முன்னதாக இந்த ஆண்டு ஆகஸ்ட் மாதம் ஷாகித் பல்வாவுக்கு சொந்தமான டைனமிக்ஸ் ரியாலிட்டி மற்றும் இதர 4 நிறுவனங்களின் ரூ 223.55 கோடி சொத்துக்களை முடக்க உத்தரவு பிறப்பிக்கப்பட்டிருந்தது.

தற்போது கலைஞர் டிவி, குஸேகான் மற்றும் சினியுக் பிலிம்ஸ் ஆகிய 3 நிறுவனங்களின் சுமார் 13.5 கோடி ரூபாய் சொத்துக்களை முடக்க அமலாக்கப் பிரிவு உத்தரவு பிறப்பிக்க உள்ளதாக செய்திகள் வெளியாகியுள்ளன.

http://tvrk.blogspot.com/2011/11/blog-post_16.html