ரசிகர்களின் கருத்துக் கணிப்பில் பாட்ஷா 2

**பிரசன்னா** · **பிரசன்னா** Wed Nov 16, 2011 10:18 am

தல அஜீத் பாட்ஷா ரீமேக்கில் நடிக்க வேண்டும் என்று ரசிகர்கள் ஆவலுடன் எதிர்பார்க்கிறார்கள்.

பில்லா-2 படத்தில் நடித்து வரும் அஜீத் அடுத்ததாக விஷ்ணு வர்தன் இயக்கத்தில் நடிக்க இருக்கிறார்.

அப்படத்தினை தொடர்ந்து நாகி ரெட்டி தயாரிக்கும் அஜீத் படத்தினை சிறுத்தை பட இயக்குனர் சிவா இயக்கலாம் என்று கூறி வருகிறார்கள்.

ரஜினி நடித்த பில்லா படத்தின் ரீமேக்கில் அஜீத் நடித்தார். அப்படம் பெரும் வரவேற்பை பெற்றது. அதனை தொடர்ந்து ரசிகர்கள் அஜீத் அடுத்ததாக எந்த ரஜினி பட ரீமேக்கில் நடிக்கலாம் என ஆர்குட், பேஸ்புக் ஆகிய வலைதளங்களில் கருத்துக் கணிப்பு நடத்தினார்கள்.

ரசிகர்கள் நடத்திய கருத்துக் கணிப்பில் ரஜினி நடித்த பாட்ஷா படத்திற்கு அதிக வாக்குகள் கிடைத்திருக்கிறது. பில்லா படத்தை போலவே பாட்ஷா படத்தின் ரீமேக்கிலும் அஜீத் நடிக்க வேண்டும் என்று அவரிடம் கருத்து தெரிவித்திருக்கிறார்கள் அஜீத் ரசிகர்கள்.

பில்லா படத்தின் துவக்க விழாவில் ரஜினி கலந்து கொண்டு அஜீத்திற்கு வாழ்த்து தெரிவித்தார். அஜீத் நடிக்கும் பாட்ஷா பட போஸ்டருக்காக ஆவலுடன் காத்திருக்கிறது தல ரசிகர் கூட்டம்.

நன்றி TMT