அரசு மருத்துவமனைகளில் ஜெனரேட்டர்களுக்கு தடை : மெழுகுவர்த்தி வெளிச்சத்தில் மருந்து, மாத்திரை சப்ளை

ராமநாதபுரம்:தமிழகத்தில் அரசு மருத்துவமனைகளில், நிதிப் பற்றாக்குறை காரணமாக, ஜெனரேட்டர்களை பகலில் பயன்படுத்துவது தற்காலிகமாக நிறுத்தப்பட்டுள்ளது. இதனால், மெழுகுவர்த்தி வெளிச்சத்தில், ஊசி போடுவதும், மருந்து, மாத்திரைகள் வழங்குவதும், ஒரு வாரமாக தொடர்கிறது.

அரசு மருத்துவமனைகளுக்கு ஜெனரேட்டர்கள் வழங்கப்பட்டுள்ளன. ராமநாதபுரம், சிவகங்கை, விருதுநகர் போன்ற மாவட்டங்களில், மாநகராட்சி, மருத்துவக் கல்லூரிகள் தவிர்த்து, மற்ற மருத்துவமனைகளில், நிதிப் பற்றாக்குறை காரணமாக, ஜெனரேட்டர்கள் பயன்படுத்துவதில், புதிய சிக்கல் ஏற்பட்டுள்ளது.ராமநாதபுரத்தில், ஜெனரேட்டர் பயன்பாட்டிற்கு, டீசல் வாங்க, ஆண்டுக்கு 2 லட்சத்து 45 ஆயிரம் ரூபாய் வழங்கப்படுகிறது. இங்கு 75, 63 கே.வி., ஜெனரேட்டர்கள் உள்ளன. இதில், ஒரு ஜெனரேட்டருக்கு ஒரு மணி நேரத்திற்கு, 12 லிட்டர் டீசல் தேவைப்படும். தற்போது தினமும், மூன்று மணி நேரத்திற்கும் அதிகமான மின்தடை செய்யப்படுகிறது. டீசல் செலவு, வழங்கப்படும் நிதியை விட நான்கு மடங்கு அதிகமாகிறது.நிதிப் பற்றாக்குறையால், பகலில் ஜெனரேட்டரை பயன்படுத்துவதை, தற்காலிகமாக நிறுத்தி விட்டனர். மின் தடை காரணமாக மொபைல் போன், மெழுகுவர்த்தி வெளிச்சத்தில், ஊசி செலுத்துகின்றனர்; மருந்து, மாத்திரைகள் வழங்குகின்றனர்.அவசர சிகிச்சை அளிப்பதில் சிரமமாக இருக்கிறது என, டாக்டர்கள் புலம்புகின்றனர்.

ராமநாதபுரம் அரசு மருத்துவமனை கண்காணிப்பாளர் ஜமுனாராணி கூறியதாவது:ஒரு வாரமாக இரண்டு ஜெனரேட்டர்களையும் பயன்படுத்த முடியவில்லை. இரண்டில் ஒன்று பழுதாகி விட்டது. நிதிப் பற்றாக்குறையால் பகலில் பயன்படுத்துவதைத் தவிர்த்துள்ளோம். நிதி வந்தால் தான் இந்நிலை சரியாகும்.இவ்வாறு ஜமுனாராணி கூறினார்.

தினமலர்

என்ன சொல்றீங்க? மருந்து மாத்திரை தருவதில் தவறு ஏற்பட்டால்...................கடவுளே!

இதெல்லாம் ரொம்ப ஓவர்

ரேவதி wrote:இதெல்லாம் ரொம்ப ஓவர்

ஆமாம் ரேவதி, நம் நாடு எங்கே போகிறது? உயீர் என்றால் அவ்வளவு அலட்சியமா?

நிதி பற்றாக்குறை என்றால் அமைச்சர்கள் seyyum செலவை kuraikka வேண்டியதுதானே. athai விடுத்து ezai மக்களின் உயிரோடு விளையாடுவது எந்த வகையில் நியாயம்