பிராட்மேனை போல களமிறங்கிய அஷ்வின்

ஹர்ஷித் · ஹர்ஷித் Tue Nov 15, 2011 9:50 am

பிராட்மேனைப் போல தமிழக கிரிக்கெட் வீரர் அஷ்வினும் திருமணம் முடித்த கையோடு போட்டியில் பங்கேற்று அசத்தினார்.
இந்திய கிரிக்கெட் அணியின் இளம் தமிழக வீரரான அஷ்வின், தனது பள்ளி தோழியான பிரீத்தி நாராயணனை நேற்று முன்தினம் திருமணம் செய்து கொண்டார். சென்னையில் இவர்களின் திருமணம் இந்து முறைப்படி எளிமையாக நடந்தது. திருமணம் முடிந்த கையோடு அஷ்வின், பிரீத்தி ஜோடி கொல்கத்தா பறந்தனர். கொல்கத்தாவில் நேற்று தொடங்கிய வெ. இண்டீசுக்கு எதிரான 2வது டெஸ்டில் இந்திய அணியுடன் அஷ்வின் இணைந்தார்.
இதன் மூலம், கிரிக்கெட் ஜாம்பவான் பிராட்மேன் வரிசையில் அஷ்வினும் சேர்ந்துள்ளார். 1932ம் ஆண்டு ஏப்ரல் 30ம் தேதி பிராட்மேன், சிட்னி செயின்ட் பால் சர்ச்சில் ஜெஸ்ஸியை மணந்த மறுநாளே கிரிக்கெட் போட்டியில் பங்கேற்றார். இதே போல, இந்தியாவின் நட்சத்திர சுழற்பந்து வீச்சாளர் பிஷன் சிங் பேடி 1969ல் திருமணம் முடிந்த 3வது நாளில் ஆஸ்திரேலியாவுக்கு எதிரான டெஸ்டில் விளையாடினார். அந்த போட்டியில் பிஷன் சிங் 7 விக்கெட் வீழ்த்தி அசத்தினார். இது நடந்ததும் ஈடன் கார்டன் மைதானத்தில்தான்.

தினகரன்.
இந்த அதிர்ஷ்டம் அஷ்வினுக்கும் கிடைக்குமா?

24/10/2011

ஆக மொத்தத்தில் கல்யாணம் முடிந்தால் வீட்டில் இருக்க கூடாது ..
வேலைக்கு சென்றால் அதிஷ்டம் பாராட்டும் கிடைக்கும் ... அப்படிதானே ....

**சிவா** · **சிவா** Tue Nov 15, 2011 10:19 am

அதிர்ஷ்டம் கிடைக்கட்டும்! தமிழக வீரர் ஒருவர் கிரிக்கெட்டில் சாதித்தால் மகிழ்ச்சியே!

**ரா.ரமேஷ்குமார்** · 23/01/2011

அஸ்விக்கு அதிர்ஷ்டம் இருக்கிறதோ இல்லையோ டோனிக்கு இன்று இருக்கிறது...இரண்டு முறை ஆட்டம் இழந்தும் அந்த பந்துகள் நோபால் ஆக அறிவிக்கப்பட்டு தப்பித்து உள்ளார்... புன்னகை