எதை மறப்பது...?

**ஜாஹீதாபானு** · **ஜாஹீதாபானு** Mon Nov 14, 2011 5:54 pm

என்காதலி இறந்தாள்
அழுதேன்…
விம்மி….விம்மி…. அழுதேன்

என் தங்கை மறைந்தாள்
நனைந்தேன்…..
கண்ணீரால் நனைந்தேன்

“நீ பிறந்த மண் உனக்கு
சொந்தமில்லை
மறந்துவிடு பிறந்த மண்ணை”
என்றார்கள்
சிரித்தேன்….
தொடர்ந்து சிரித்தேன்
மனநோயாளியாய்…..

மண்ணையும் மக்களையும்
மறந்துவிட வேண்டும்
இல்லையேல் – நீ
மண்ணுள் மறைந்து விடுவாய்….

தேடினார்கள் – எனை
தினம் தினம் தேடினார்கள்
ஆயுதம் தரித்த
அரக்க படையினர்

நான் பிறந்த மண்
எனக்குச் சொந்தமில்லையாம்….
“மறந்துவிடு பிறந்தமண்ணை”
எனகி;றார்கள்…..
எதை மறப்பது
சின்ன வயதில்
சிவகாமிக்கு அடிப்பதற்காகவே
கிளியாய் அவதாரமெடுத்து
கிளிக்கோடு மறித்த
புழுதி மண்ணையா….?

குஞ்சு வயதில்
கோயில் திருவிழாவுக்காய்
உண்டியலில்
சதம் சதமாய் சேர்த்த பணம்
சனக்கும்பலில் தொலைந்துவிட – நான்
கண்ணீரோடு அதைத்தேட
அயல் வீட்டு
அபிராமி
அம்மம்மாக்குழலை-என்
காதுக்குள் ஊதியதையா….
எதை மறப்பது…..?

கல்லூரில் ஆய்வுக்காய்
தவளை வெட்டச் சென்ற நாங்கள்
தவளை வெட்டுமுன்
மாணவர்களின்
தலையெடுத்த எறிகணையையா…..?
எதை மறப்பது…..?

ரமேஷ் வவுனியன்.