தடுப்பூசி மருந்து ஊசியில்லாமலேயே..

**சிவா** · **சிவா** Sun Nov 13, 2011 5:34 pm

"தடுப்பூசி' என்று தான் சொல்வோம், ஏனெனில் ஊசி மூலமாக நோய்த்தடுப்பு மருந்துகளை உடலுள் செலுத்துவதுதான் இப்போது நாமறிந்த முறை. ஆனால் ஆஸ்திரேலியா வல்லுனர்கள் க்வீன்ஸ்லாந்து பல்கலைக்கழகத்தைச் சேர்ந்த இன்ஸ்டிட்யூட் ஆஃப் பயோ என்சினீரிஸ் அண்ட் நானோ டெக்னாலஜி' அமைப்பில் இருக்கும் இருபது ஆராய்ச்சி லவ்லுனர்கள், புரெஃபஸர் மார்க்கெண்டால் தலைமையில் தபால் தலை அளவேயான நானோ பாட்ச் எனும் நோய் தடுப்பு மருந்தைச் செலுத்தும் ஒரு புதிய கண்டுபிடிப்பைச் செய்திருக்கிறார்கள்.

இம்முறை அறிமுகமானால் நோய்தடுப்பு மருந்தைச் செலுத்துவது ஆகிவிடும். இந்த நானோபட்ச் என்னும் பிளாஸ்திரி ஒரு சதுர சென்டிமீட்டருக்குள் 20,000 நோய்த்தடுப்புக்கான நுண்ணிய மருந்துகளைக் கொண்டதாக இருக்கும். இந்த பிளாஸ்திரி ஒருவரின் உடம்பில் ஒட்டி வைக்கப்படும்போது நோய்த் தடுப்புக்கான மருந்துகளைத் தோலின் மூலமாக உட்செலுத்தும்.

மனிதர்களின் தோலில் நோய்த் தடுப்புக்கான செல்கள் உள்ளன. அதனால் இந்த நோய்த் தடுப்பு பிளாஸ்திரி விரைவில் செயலாற்றுவது எளிதாகிறது.ஊசி மூலமாகச் செலுத்தப்படும் மருந்து, அளவில் மிகவும் குறைவான நோய்த் தடுப்பு செல்களைக் கொண்ட தசைகளில் செலுத்தப்படுவதால், மருந்து வேலை செய்ய நேரம் பிடிக்கும். ஆனால் இந்தப் புதுவிதமான "நானோபாட்ச்' பிளாஸ்திரி உடம்பில் ஒட்டப்பட்டவுடன் விரைவில் செயல்பட ஆரம்பித்து விடுகிறது.

இது விலை மலிவு, வலியற்றது. மிகவும் விரைந்து செயல்படுகிறது. மேலும் இதைச் குளிர்சாதனப் பெட்டியில் வைக்க வேண்டிய அவசியமும் இல்லை தவிரவும் இந்த பிளாஸ்திரியை உடம்பில் ஒட்டி வைக்கப்பிரத்தியேகமான மருத்துவப்பயிற்சி எதுவும் தேவையில்லை.

இந்தியா, ஆப்பிரிக்கா, போன்ற உஷ்ணப் பிரதேசங்களிலும் கூட குளிர் சாதனம் தேவையில்லாத இந்த பிளாஸ்திரி மிகவும் பயனுள்ளதல்லவா? இந்தப் பிளாஸ்திரியை சுமார் இரண்டு நிமிடங்களே ஒட்டியிருந்தால் போதும்.

ஆனால் இது மிகப்பெரிய அளவில் அனைவருக்கும் பயன்படும் அளவில் தயாரிக்கப்பட்டு வெளிவருதற்கு இன்னும் பத்தாண்டுகாலம் ஆகலாம்.

இந்தக் கண்டுபிடிப்புக்காக புரெஃபஸர் கொண்டிலுக்கு அவரது குழுவினருக்கும் 2011 ஆம் ஆண்டுக்கான "ஆராய்ச்சியில் உயர்தரமான ஒன்றைச் செய்ததற்கான, ஆஸ்திரேலிய மியூசியம் யுரேகா பரிசு அளிக்கப்பட்டுள்ளது.

- தமிழில் : சுமன்