காமம் தனித்து ....!

**ஹிஷாலீ** · **ஹிஷாலீ** Mon Nov 14, 2011 10:07 am

மார்பைப் பிசைந்து மடியில் கிடத்தி
மஞ்சம் கொள்வதல்ல காதல் ...
மனதைத் தொலைத்து மரணத்தை வெறுத்து
மானங் காப்பது காதல்.

இதழைக் கிழித்து இடையை ஒடித்து
இமையை மறப்பதல்ல காதல் ...
இடைவெளி விட்டு இமை மொழி தொட்டு
இதயம் பேசுவது காதல்.

முத்த சத்தத்தில் மூழ்கும் வெட்கத்தில்
முகரும் சுவாசமல்ல காதல் ...
மூச்சின் பரிமாற்றத்தில் முன்பின் தீண்டா
மூன்றடி தொலைவில் நிற்பதே காதல்.

அடிக்கடி அணைத்து அடைமழை நனைத்து
அடைக் காப்பதல்ல காதல் ...
அவரவர் அறிந்து ஆசையை இழந்து
அடக்கும் மனமே காதல்.

உடலைச் சுவைத்து உயிரை வளர்த்து
உறவைக் கலைப்பதல்ல காதல் ...
உணர்வை மதித்து உயர்வை வளர்த்து
உரசாமல் உயிரைத் தருவதே காதல்.

தலைமுதல் கால்வரை தாளம் போட்டு
தாகம் தணிப்பதல்ல காதல் ...
தனித்திருந்து தாய் தாள் பணிந்து தன்
தலைவிக்குத் தாலி கட்டுவதே காதல் .

உதயசுதா · உதயசுதா Mon Nov 14, 2011 10:36 am

நான் ஒண்ணு சொல்ல்வா ஹிசாலி,இந்த கவிதைய இங்க இருக்கும் உங்க தோழிகளில் யாருக்காச்சும் தனி மடலில் அனுப்பி கேளுங்க.அவங்க எந்த விட எதிர்ப்பும் சொல்லவில்லை என்றால் இங்க போடுங்க.ஏனென்றால் நமக்கே சந்தேகமா இருக்கிறதா இன்னொருத்தார் கிட்ட கேட்டா ஒரு தெளிவு கிடைக்கும் இல்லையா

**ஹிஷாலீ** · **ஹிஷாலீ** Mon Nov 14, 2011 10:38 am

உதயசுதா wrote:நான் ஒண்ணு சொல்ல்வா ஹிசாலி,இந்த கவிதைய இங்க இருக்கும் உங்க தோழிகளில் யாருக்காச்சும் தனி மடலில் அனுப்பி கேளுங்க.அவங்க எந்த விட எதிர்ப்பும் சொல்லவில்லை என்றால் இங்க போடுங்க.ஏனென்றால் நமக்கே சந்தேகமா இருக்கிறதா இன்னொருத்தார் கிட்ட கேட்டா ஒரு தெளிவு கிடைக்கும் இல்லையா

அப்படியென்றால் தங்களுக்கு தனிமடல் அனுப்பலாமா ?

உதயசுதா · உதயசுதா Mon Nov 14, 2011 10:38 am

ஓ தாராளமா அனுப்புங்க.படிச்சு பார்த்து சொல்கிறேன்

குரு · குரு Mon Nov 14, 2011 10:40 am

கவிதை நமக்கு அளிக்கும் உரிமையே நம் மனதில் இருக்கும் கருத்தை அழகாக பதிவதற்குதான்.

உங்கள் கவிதையை கொச்சையில்லாமலேயே அழகான கவிதையாக மாற்ற இயலும். முயன்று பாருங்கள்.

உதவி தேவை எனில் அணுகுங்கள்.

**ஹிஷாலீ** · **ஹிஷாலீ** Mon Nov 14, 2011 10:40 am

உதயசுதா wrote:ஓ தாராளமா அனுப்புங்க.படிச்சு பார்த்து சொல்கிறேன்

அனுப்பியுள்ளேன் அக்கா பதிலுக்காக காத்திருக்கேன்.

**ஹிஷாலீ** · **ஹிஷாலீ** Mon Nov 14, 2011 10:42 am

குரு wrote:கவிதை நமக்கு அளிக்கும் உரிமையே நம் மனதில் இருக்கும் கருத்தை அழகாக பதிவதற்குதான்.

உங்கள் கவிதையை கொச்சையில்லாமலேயே அழகான கவிதையாக மாற்ற இயலும். முயன்று பாருங்கள்.

உதவி தேவை எனில் அணுகுங்கள்.

நான் முயன்று விட்டேன் மாற்ற முடியாது. அதான் கொஞ்சம் தயக்கம்.

உதயசுதா · உதயசுதா Mon Nov 14, 2011 10:43 am

படிச்சு பார்த்துட்டேன் ஹிசாலி.என் கருத்தின்படி அதில் கொச்சை என்று சொல்லக்கூடிய அளவுக்கு எதுவும் இல்லை. இன்னிக்கு காதல் எப்படி இருக்கு,எப்படி இருக்கணும் என்றுதானே எழுதி இருக்கீங்க.

**ஹிஷாலீ** · **ஹிஷாலீ** Mon Nov 14, 2011 10:45 am

உதயசுதா wrote:படிச்சு பார்த்துட்டேன் ஹிசாலி.என் கருத்தின்படி அதில் கொச்சை என்று சொல்லக்கூடிய அளவுக்கு எதுவும் இல்லை. இன்னிக்கு காதல் எப்படி இருக்கு,எப்படி இருக்கணும் என்றுதானே எழுதி இருக்கீங்க.

மிக்க நன்றி அக்கா இப்பதிவை எடுத்துவிட்டு இதிலே பதிவிடுகிறேன்.

குரு · குரு Mon Nov 14, 2011 10:47 am

முயன்றால் முடியாதது இல்லை தங்கையே.. பதியுங்கள்.. என் சிற்றறிவுக்கு எட்டிய படி அழகாக மாற்ற முடியுமா என்று முயல்கிறேன்.

( இது சவால் அல்ல.. தவறாக எண்ணாதீங்க..)

Sponsored content · Sponsored content

காமம் தனித்து ....!

காமம் தனித்து ....!

Re: காமம் தனித்து ....!

Re: காமம் தனித்து ....!

Re: காமம் தனித்து ....!

Re: காமம் தனித்து ....!

Re: காமம் தனித்து ....!

Re: காமம் தனித்து ....!

Re: காமம் தனித்து ....!

Re: காமம் தனித்து ....!

Re: காமம் தனித்து ....!

Re: காமம் தனித்து ....!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக