நாக்கு... !

வசீகரப்ரியன் · 25/09/2011

First topic message reminder :

நீருக்குள் ஜலசமாதி !
நினைத்த உடனே
வெளியில் வரும்
உடலின் பாதி !!

எலும்பிலா ஜாதி !
எளிதில் உணர்ச்சி
வயப்படும் வியாதி !!

வாயில் வசிக்கும்
உமிழ் நீரில் இருக்கும் !
பிறர் உணர்வை
பல சமயம் சிதைக்கும் !!
சொல்லம்பு தொடுக்கும்
ஐம்புலன்களில் ஒன்று !

பற்கள் காவலிருக்க - சுவை
முட்கள் மேலிருக்க ,
சொற்களை அள்ளிதெளிக்கும்,
உணவை அரைக்க உதவிநிற்கும் ,
திணவு முதலை !

பற்களுக்கு வெளியே வந்து
கொட்டும் குளவி !
இதை எப்படி கட்டுபடுத்துவது?
இதுதான் மனிதனின் கவலை !
கட்டுப்பாட்டில் வைத்திருந்தால்
இது கனவிலும் கவிதை !!

தடுப்பணை தகர்ந்தால் - இது
உணர்வுள்ள விதவை !
ஊழிசெய்ய காத்திருக்கும்
உயருள்ள மிதவை !!

காவலிருக்கும் பற்களை ,
கடைக்கண்ணால் ஏமாற்றிவிட்டு ,
இரத்தமின்றி சத்தமின்றி ,
காயப்படுத்தும் வித்தை கொண்ட ,
உடலின் உணர்வு அணிகலன் !

இயற்க்கை தந்த சாதனம் !
இனிய தமிழ் பேசிடும் !!
உறைக்குள்ளே புகலிடம் !!!
உண்மையில் இருட்டறையில்
என்றும் உறைவிடம் !!!!

கண்ணிலும் நீர்,
நாவிலும் நீர் ,
இரண்டுமே சக்தி வாய்ந்தது !
கண்ணைவிட்டு நீர் வெளியே ,
நீரை விட்டு நா வெளியே ,
விளைவு !! விபத்துதான் !!!

கண்ணீர் உவர்ப்புத்தான் !
கண்ணை சுத்தபடுத்ததான் !!
உமிழ் நீர் செரிப்புக்குத்தான் !!!
!இரு நீரும் தவறாக பயன்படுத்தபட்டால்
மனிதனுக்கு மிஞ்சுவது தவிப்புத்தான் !

வசிகரன்.க

வசீகரப்ரியன் · 25/09/2011

நன்றி ஜாகித .

நாக்கு... !

நாக்கு... !

Re: நாக்கு... !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக