"வ"வரிசைப்பாட்டு

k.seenuvasan · k.seenuvasan Sun 13 Nov 2011 - 10:12

வயலூர் என்றொரு கிராமத்தையே
வாருங்கள் போய் பார்த்து வரலாம்
விழாக்கள் கொண்டாடும் சமயத்திலே
வீர விளையாட்டுக்கள் அங்குண்டு
வுபாத்தியாயரிடம் பயின்றிடவே
வூருக்குள்ளே பள்ளியுண்டு
வெட்டியாய் பொழுதை கழிக்காமல்
வேலை செய்யும் மக்களுண்டு
வைகை ஆறும் அங்குண்டு
வொன்றாய் நன்றாய் வசித்திடவே
வோட்டு வீடுகளும் அங்குண்டு
வௌவால் வந்து பழம் தின்னும்
செவ்வாழை மரங்களும் அங்குண்டு!

k.seenuvasan · k.seenuvasan Sun 13 Nov 2011 - 10:14

லட்டு நிறைய வேண்டுமென்று
லாரன்ஸ் பையன் கேட்கின்றான்
லிப்ஸ்டிக் நிறைய வேண்டுமென்று
லீலா பொண்ணு கேட்கின்றாள்
லுங்கி நிறைய வேண்டுமென்று
லூக்காஸ் மாமா கேட்கின்றார்
லெஸ்சி நிறைய வேண்டுமென்று
லேடி ஒருத்தி கேட்கின்றாள்
லைஃப்பில் ஆளுக்கொரு ஆசைதான்
லொக்லொக் என்று இருமிக்கொண்டு
லோகநாதன் தாத்தா சொல்கின்றார்
லௌகீக வாழ்வை முறை செய்தால்
தொல்லை வாழ்வில் என்றும் இல்லை!

k.seenuvasan · k.seenuvasan Sun 13 Nov 2011 - 10:14

ரத்தம் குடிக்கின்ற ஓநாயாம்
ராபர்ட்கிளைவ் என்ற ஆங்கிலேயன்
ரிப்பன் வளையல் விற்க வந்தான்
ரீல் விட்டு ராஜாக்களை பிரித்து வைத்தான்
ருசி கண்ட பூனை அவன் தந்திரத்தால்
ரூபம் இன்றி போனது பாரதம்
ரெடிமேட் பொருட்களை அவன் செய்ய
ரேகை தேய நாம் உழைத்தோம்
ரைட் லெப்ட் நம்மையே போடவைத்தான்
ரொட்டி துண்டுக்கு அலைய வைத்தான்
ரோபோ போல நடத்தி வைத்தான்
ரௌலட் சட்டத்தால் அடக்கி வைத்தான்
பார் தம்பி வரலாற்றை புரட்டி பார்!

k.seenuvasan · k.seenuvasan Sun 13 Nov 2011 - 10:15

யப்பா யப்பா ஐயப்பா
யானை வருது பாரப்பா
யிறங்கி கீழே வருதப்பா
யீரல் குலையும் நடுங்குதப்பா
யுத்தம் மனசுக்குள் நடக்குதப்பா
யூர்யா கடை முன் நிக்குதப்பா
யெத்தனை அழகாய் தும்பிக்கையை
யேந்தி தட்சணை கேக்குதப்பா
யை யை என்று நடுங்கும் உன்னை
யொன்றும் செய்யாத யானையப்பா
யோகம் வருமே நம்பப்பா
யௌவனம் மிக்க யானையிடம்
அய்யோ என்று பயப்படாதப்பா!

k.seenuvasan · k.seenuvasan Sun 13 Nov 2011 - 10:16

மடமட என்று கிளம்புவாரு
மாடி வீட்டு காவலரு
மிடுக்காய் சீருடை அணிவாரு
மீசையை முறுக்கி நடப்பாரு
முட்டிக்கு முட்டி தட்டுவாரு
மூக்கு மேலேயே குத்துவாரு
மெல்லமெல்ல பதுங்கி போய்
மேலே பாய்ந்து பிடிப்பாரு
மைதிலி வீட்டில் ஒரு தடவை
மொட்டை தலையன் திருடி சென்ற
மோதிரம் செயினை மீட்டாரு
மௌனமாய் திருட்டுகள் செய்தவனை
கம்பிகள் எண்ண வைத்தாரு!

k.seenuvasan · k.seenuvasan Sun 13 Nov 2011 - 10:17

பட பட பட்டாம் பூச்சிகள்
பாருங்கள் எந்தன் கண்ணுக்குள்
பித்தம் தலையில் ஏறியதோ
பீப்பீ சத்தம் காதுக்குள்
புத்தம் புதிய குண்டு மல்லி
பூக்கும் வாசனை மூக்குக்குள்
பெரிதாய் கற்பனை செய்தபடி
பேசிக் கொள்கிறேன் வாய்க்குள்
பைத்தியம் பிடித்தது உடம்புக்குள்
பொத்தி வைத்த கார்முகிலின்
போர்வைக்குள் இருந்து தலை காட்டும்
பௌர்ணமி நிலவை நீ ரசித்தால்
அப்பப்பா உனக்கும் இது நடக்கும்!

k.seenuvasan · k.seenuvasan Sun 13 Nov 2011 - 10:18

தடதட என்று ஓடி வந்தார்
தாடி வைத்த காதர் பாய்
திகு திகு என்று எரிகிறதாம்
தீப்பிடித்து ஒரு வீடு
துள்ளி அனைவரும் எழுந்தார்கள்
தூக்கம் அனைவரும் தொலைத்தார்கள்
தெருவே அங்கே கூடியது
தேவையான உதவிகள் செய்தது
தைரியம் சிறிதும் குறையாமல்
தொண்ணூறு நிமிடம் போராடினர்
தோகைப்பாடி ஜனங்களெல்லாம்
தௌலத் பேகம் வீட்டாரை
பத்திரமாக காப்பாற்றினர்!

k.seenuvasan · k.seenuvasan Sun 13 Nov 2011 - 10:19

கருப்பு மூக்கு காக்கை ஒன்று
காட்டு மரத்தில் கூடு செய்தது
கிளையின் கூட்டுக்குள் காக்கைகுஞ்சு
கீச் மூச் என்று அழுதது
குஞ்சுக்கு இரை தேடி தாய் காக்கை
கூட்டை விட்டு பறந்து சென்றது
கெட்டிக்கார சிறுவன் கோபு பையன்
கேழ்வரகு வடைகள் வைத்திருந்தான்
கையில் நிறைய வைத்திருந்தும்
கொத்தியே காகம் பிடுங்கவில்லை
கோபு மகிழ்ந்து வடை கொடுத்தான்
கௌவியே காகம் பறந்து சென்றது
காக்கை குஞ்சுக்கு ஊட்டி விட்டது!

k.seenuvasan · k.seenuvasan Sun 13 Nov 2011 - 10:19

நமது இந்திய வரைபடத்தில்
நான்கு எல்லைகளும் குறிப்பாயா
நிலத்துக்கு எந்த வண்ணம் சொல்
நீருக்கு எந்த வண்ணம் சொல்
நுனி முதல் அடி வரை பூகோளத்தை
நூலிழை விடாமல் அறிந்து கொள்
நெதர்லாந்து எங்குள்ளது
நேபாளம் எங்குள்ளது
நைஜீரியா எங்குள்ளது
நொடியில் சொல்ல கற்று கொள்
நோக்கி நோக்கி பழகி கொள்
நௌவாக்சோட் ஒரு தலைநகரம்
எந்த நாட்டுக்கென்று சட்டென்று சொல்!

k.seenuvasan · k.seenuvasan Sun 13 Nov 2011 - 10:20

சட சட சட சட மழை வருது
சாரல் அடிக்கிற மழை வருது
சின்ன சின்ன பிள்ளைகளே
சீக்கிரம் வீட்டுக்கு போய் விடுங்கள்
சுட்டு தருவார் அம்மாதான்
சூடாய் போண்டா பஜ்ஜி வடை
செடியும் கொடியும் ஆடிடுமே
சேற்று தவளை பாடிடுமே
சைக்கிளில் வருவார் அப்பாதான்
சொட்ட சொட்ட நனைந்தபடி
சோலைகள் எங்கும் பூ பூக்கும்
சௌந்தர்யம் அதிலே தவழ்ந்து வரும்
பச்சை வயல்கள் மகிழ்ச்சி தரும்!

Sponsored content · Sponsored content

"வ"வரிசைப்பாட்டு

"வ"வரிசைப்பாட்டு

"ல"வரிசைப்பாட்டு

"ர"வரிசைப்பாட்டு

"ய"வரிசைப்பாட்டு

"ம"வரிசைப்பாட்டு

"ப"வரிசைப்பாட்டு

"த"வரிசைப்பாட்டு

"க"வரிசைப்பாட்டு

"ந"வரிசைப்பாட்டு

"ச"வரிசைப்பாட்டு

Re: "வ"வரிசைப்பாட்டு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக