தலையில் கல்லைப் போட்டு கணவரை கொன்ற மனைவி

**சிவா** · **சிவா** Sat Nov 12, 2011 7:31 am

குடித்துவிட்டு பல்வேறு பெண்களுடன் உல்லாசமாக இருந்ததால் கணவரின் தலையில் கருங்கல்லைப்போட்டு கொலை செய்த மனைவியை போலீசார் கைது செய்தனர்.

பலமுறை சிறை சென்றவர்

காஞ்சீபுரம் அடுத்த சிறுகாவேரிப்பாக்கம் ஜெ.ஜெ.நகரில் வசிப்பவர் பாலாஜி (வயது 32). இவரது மனைவி நாகம்மாள் (30). இவர்களுக்கு கதிர் (12), பவித்ரா (10), முருகன் (7), காவியா (2) என்ற 4 குழந்தைகள் உள்ளனர். பாலாஜி பல குற்ற வழக்குகளில் சம்பந்தப்பட்டு, பல முறை சிறைக்கு சென்று வந்துள்ளார்.

பாலாஜி அடிக்கடி குடித்துவிட்டு வீட்டிற்கு வந்து மனைவி நாகம்மாளை துன்புறுத்தியதாகவும், நாகம்மாளின் கண் எதிரே பல்வேறு பெண்களுடன் உல்லாசமாக இருந்ததாகவும் கூறப்படுகிறது. இதனால் கணவன்- மனைவிக்கிடையே அடிக்கடி சண்டை ஏற்பட்டு வந்தது.

தலையில் கல்லைப் போட்டு கொலை

நேற்று முன்தினம் இரவு பாலாஜி வழக்கம்போல குடித்துவிட்டு, வீட்டுக்கு வந்து மனைவி நாகம்மாளுடன் தகராறு செய்தார். இதனால் இரண்டு பேரும் ஒருவரை ஒருவர் தாக்கிக்கொண்டனர். பின்னர் பாலாஜி குடிபோதையில் தூங்கிக்கொண்டிருந்தார்.

இரவு 2 மணி அளவில் கணவர் பாலாஜியின் தலையில் நாகம்மா பெரிய கருங்கல்லை தூக்கிப்போட்டதாக கூறப்படுகிறது. இதனால் படுகாயமடைந்து உயிருக்கு போராடிய பாலாஜியை காஞ்சீபுரம் அரசு ஆஸ்பத்திரிக்கு சிகிச்சைக்காக கொண்டு சென்றனர். அங்கு சிகிச்சை பலனில்லாமல் பாலாஜி பரிதாபமாக உயிரிழந்தார்.

மனைவி கைது

இதுபற்றி பாலுசெட்டிசத்திரம் போலீசாருக்கு தகவல் கிடைத்தது. காஞ்சீபுரம் மாவட்ட போலீஸ் சூப்பிரண்டு எஸ்.மனோகரன் உத்தரவின் பேரில், காஞ்சீபுரம் நகர போலீஸ் துணை சூப்பிரண்டு கே.ராஜேந்திரன் மேற்பார்வையில், பாலுசெட்டிசத்திரம் போலீஸ் இன்ஸ்பெக்டர் (பொறுப்பு) பாலசுப்பிரமணியம் மற்றும் போலீசார் சம்பவ இடத்திற்கு விரைந்து சென்று, கொலை வழக்கு பதிவு செய்து விசாரணை நடத்தி நாகம்மாளை கைது செய்தனர்.

இந்த கொலை தொடர்பாக நாகம்மாளிடம் போலீசார் தொடர்ந்து விசாரணை நடத்தி வருகின்றனர்.

தினதந்தி

**மாணிக்கம் நடேசன்** · 14/12/2009

நல்ல பெண்மணி மிக நல்ல பெண்மணி.

பாலாஜி்க்கு இருக்கிற இந்த நல்ல பழக்கங்கள் எல்லாம் எனக்கு இல்ல, இருந்தாலும் இந்த தகவல என் மனைவி கிட்டே நான் காட்டல, பயம்தான் காரணம். என் தலையிலேயும் கல் அதுவும் கருங்கல் விழக்கூடாது இல்ல. அதான்.

**சிவா** · **சிவா** Sat Nov 12, 2011 8:04 am

பாலாஜின்னு பெயர் இருப்பவர்கள் அனைவரும் இப்படித்தான் இருப்பார்கள் போலும்...! சிரி

**மாணிக்கம் நடேசன்** · 14/12/2009

அப்படி வேற இருக்கா, சொல்லவே இல்ல.

உதயசுதா · உதயசுதா Sat Nov 12, 2011 9:52 am

கோபத்தில் கொன்று விட்டு இப்ப 4 குழந்தைகளின் கதி?
பிடிக்கவில்லை என்றால் ஒதுங்கிவிடவேண்டியதுதானே

சாந்தன் · சாந்தன் Sat Nov 12, 2011 10:06 am

[quote="உதயசுதா"]கோபத்தில் கொன்று விட்டு இப்ப 4 குழந்தைகளின் கதி?குஓட்டே
கோபம் ஒரு மனிதனை எப்படியெல்லாம் பண்ண வைக்குது ....
தலையில் கல்லைப் போட்டு கணவரை கொன்ற மனைவி 440806