பாகிஸ்தானில் பாடப்புத்தகங்கள் மூலம் மத வெறுப்பு புகட்டப்படுகிறது

**சிவா** · **சிவா** Thu Nov 10, 2011 11:15 pm

பாகிஸ்தானில் பள்ளிக்கூட பாடப்புத்தகங்கள் மூலம் மத வெறுப்பும், இந்து மத விரோதமும் புகட்டப்படுகிறது என்று அமெரிக்க அரசாங்க அறிக்கை ஒன்று தெரிவிக்கிறது.

சர்வதேச அளவில் மத சுதந்திரம் பற்றிய அமெரிக்க கமிஷன் அமெரிக்க அரசாங்கத்திடம் தாக்கல் செய்த அறிக்கையில் கூறி இருப்பதாவது:-

சமூக அறிவியல் பாடப்புத்தகங்களில் இந்தியா பற்றியும் இங்கிலாந்து பற்றியும் விரோதமான வாசகங்கள் இடம் பெற்று இருக்கின்றன. குறிப்பாக இந்து மதத்தை மட்டும் தனியாக குறிப்பிட்டு விமர்சனங்கள் வைக்கப்பட்டு உள்ளன.

பிற மதங்கள் குறித்து தவறான தகவல்கள் அந்த புத்தகங்களில் இடம் பெற்றுள்ளன. இந்துக்களையும், கிறிஸ்தவர்களையும் ஏற்று கொள்ள மறுக்கிற மனோபாவத்தை மாணவர்களிடம் ஏற்படுத்துகிற விதமாக பாடப்புத்தகங்கள் உள்ளன.

இந்துக்கள் தீவிரவாதிகள் என்றும், இஸ்லாமின் எதிரிகள் என்றும் கூறப்பட்டு உள்ளது. இந்து கலாசாரம் அநீதியானது என்றும், கொடூரமானது என்றும் சித்தரிக்கப்பட்டு உள்ளது.

இவ்வாறு அந்த அறிக்கையில் கூறப்பட்டு உள்ளது.