விவசாயி வீட்டின் ஹாலில் 6 அடி ஆழத்தில் திடீர் பள்ளம்

**இளமாறன்** · **இளமாறன்** Wed Nov 09, 2011 2:22 am

திருச்சி : திருச்சி அருகே விவசாயி வீட்டின் ஹாலில் 6 அடி ஆழத்துக்கு திடீர் பள்ளம் ஏற்பட்டு, தண்ணீர் வெளியேறியதால் பரபரப்பு ஏற்பட்டது.
திருச்சி அருகே நவலூர் குட்டப்பட்டு வடக்கு தெருவை சேர்ந்தவர் செபாஸ்டின்(38). விவசாயி. இவர் தனக்கு சொந்தமான ஓட்டு வீட்டில் குடும்பத்தோடு வசித்து வருகிறார். நேற்று காலை 9.30 மணிக்கு ஹாலுக்கு சென்றார். அப்போது திடீரென வீட்டின் தரைதளம் உள்வாங்கியது.

அடுத்த சில நொடிகளில் அந்த இடத்தில் 6 அடி ஆழம், 4 அடி விட்டத்தில் பள்ளம் ஏற்பட்டிருந்தது. மேலும் அதன் அடிப்பகுதியிலிருந்து குமிழ் குமிழாக நீர் வெளியேறி பள்ளத்தில் நிரம்பியது. இந்த சம்பவத்தை கேள்விப்பட்ட அப்பகுதி மக்கள் அங்கு குவிந்தனர்.

இதுபற்றி செபாஸ்டின் கூறுகையில், ‘‘வீட்டு ஹாலில் சாப்பிடுவதற்காக லைட் போட சென்றேன். அப்போது நடுவே திடீரென பள்ளம் ஏற்பட்டது. நான் சுதாரித்து பின்னால் வந்து விட்டேன். 6 அடி ஆழமுள்ள அந்த பள்ளத்திலிருந்து முதலில் குபுகுபுவென தண்ணீர் வந்தது. பின்னர் சிறிது நேரத்தில் அடங்கி விட்டது. இந்த வீடு கட்டி 60 ஆண்டுகள் ஆகிவிட்டன. இதற்கு முன் எந்த பள்ளமும் இருந்ததாக தெரியவில்லை‘‘ என்றார்.

தினகரன்

**கேசவன்** · **கேசவன்** Wed Nov 09, 2011 10:18 am

விவசாயி வீட்டின் ஹாலில் 6 அடி ஆழத்தில் திடீர் பள்ளம்

விவசாயி வீட்டின் ஹாலில் 6 அடி ஆழத்தில் திடீர் பள்ளம்

Re: விவசாயி வீட்டின் ஹாலில் 6 அடி ஆழத்தில் திடீர் பள்ளம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக