அஸ்வின், ஷேவாக் அசத்தல்- வெற்றியை நோக்கி இந்தியா- 124 ரன்கள் எடுத்தால் வெல்லலாம்

டெல்லி: முதல் டெஸ்ட் போட்டியை வெல்ல இந்தியாவுக்கு இன்னும் 124 ரன்கள் மட்டுமே தேவை. கையில் எட்டு விக்கெட்கள் உள்ளன. இன்னும் 2 நாள் ஆட்டம் பாக்கி உள்ளது. சச்சின், டிராவிட், லட்சுமண் போன்ற ஜாம்பவான்கள் உள்ளதால் இந்தியா எளிதில் வெல்லும் நிலை ஏற்பட்டுள்ளது.

இந்தியா- மேற்கிந்திய தீவுகள் இடையேயான டெஸ்ட் போட்டியில் முதல் நாள் பேட்டிங் செய்த மேற்கிந்திய அணி 304 ரன்களுக்கு ஆல்-அவுட்டானது. பின்னர் இந்தியாவின் சொதப்பலான பேட்டிங் காரணமாக 2ம் நாள் ஆட்டம் முடியும் முன்பே அனைத்து விக்கெட்களையும் இழந்து 209 ரன்களுக்கு ஆல்-அவுட்டானது.

இதனையடுத்து முதல் இன்னிங்ஸ்சில் 95 ரன்கள் லீட் பெற்று மேற்கிந்திய தீவுகள் 2வது இன்னிங்ஸ் ஆட்டத்தை துவங்கியது. 2ம் நாள் ஆட்ட முடிவில் மேற்கிந்திய தீவுகள் 2 விக்கெட் இழப்புக்கு 21 ரன்களுக்கு எடுத்தது. 95 ரன்கள் லீட் மற்றும் 21 ரன்கள் சேர்த்து 116 ரன்களை எடுத்திருந்தது.

3ம் நாள் ஆட்டத்தில் மேற்கிந்திய தீவுகள் அணிக்கு அடுத்தடுத்து விக்கெட்கள் சரிந்தது. அஸ்வின் சிறப்பாக பந்துவீசி 6 விக்கெட்களை எடுக்க 180 ரன்களுக்கு மேற்கிந்திய தீவுகள் ஆல்-அவுட்டானது. வெற்றி பெற 270 ரன்கள் என்ற இலக்கை விரட்டிய இந்திய அணியில் துவக்கம் சிறப்பாக அமைந்தது. ஆனால் காம்பீர் 22 ரன்கள் எடுத்திருந்த நிலையில் அவுட்டனார். அதன்பின் சிறப்பாக விளையாடி அரைசதம் கடந்த சேவாக்(55) வெளியேறினார்.

ஆட்டத்தின் போக்கை அறிந்த அனுபவ வீரர்களான சச்சினும், டிராவிட்டும் பொறுமையாக ஆடினார். 3ம் நாள் முடிவில் இந்திய அணி 2 விக்கெட் இழப்புக்கு 152 ரன்களை எடுத்தது. சச்சின் 28 ரன்களை எடுத்த போது, டெஸ்ட் கிரிக்கெட்டில் 15,000 ரன்களை கடந்த முதல் வீரர் என்ற சாதனையை படைத்தார். தொடர்ந்து டிராவிட்(30), சச்சின்(33) ஆகியோர் அவுட்டாகாமல் களத்தில் உள்ளனர்.

இன்னும் 2 நாட்கள் பாக்கி உள்ள நிலையில், பொறுமையாக விளையாடி இந்தியா 124 ரன்களை எடுத்தால் வெற்றி பெறலாம்.

நிச்சயம் வெற்றி பெறும்.

சிவா wrote:நிச்சயம் வெற்றி பெறும்.