அறிவியல் செய்திகள்

குளிர் காலங்களில் நமது கை, கால், உதடுகளில் வெடிப்பு உண்டவது ஏன்?

புலன்களின்
உணர்வுகளைப் பற்றி அனைவரும் நன்கு அறிவோம்; எனினும் அவற்றின் சில
செயல்பாடுகள் அறிஞர்களுக்கு இன்னும் புரியாத புதிராகவே உள்ளது. அவற்றுள்
காய்ச்சலால் பாதிக்கப்பட்டவர்களின் மாறுபட்ட சுவையுணர்வும் ஒன்றாகும்.
இதற்கான காரணம் இன்னும் சரியாக விளங்கவில்லை; எனினும் சுவையுணர்வு பற்றி
இதுவரை அறிந்தவற்றின் அடிப்படையில் சில யூகங்களை மேற்கொள்ளலாம். நாக்கில்
சுவைமுகிழ்ப் பகுதிகள் (Taste buds) உள்ளன; இவற்றின் அடிப்பகுதியில் சுவை
நரம்புகள் (Taste nerves) உண்டு; நமது உடலின் சாதாரண வெப்ப அளவு நிலையில்
(Temperature) இந்நரம்புகள் மிகவும் உணர்திறன் (Sensitivity) கொண்டதாக
இருக்கும். மாறாக இயல்பு வெப்ப நிலையிலிருந்து மிக அதிகமாகவோ அல்லது
மிகவும் குறைந்தோ வெப்ப அளவு இருப்பின் அந்நிலையில் சுவை நரம்புகளின்
உணர்திறன் குறைந்துவிடும். காய்ச்சல் அடிப்பவரின் உடல் வெப்ப நிலை இயல்பு
நிலைக்கு மிகுதியாக இருப்பது, உணவின் சுவையுணர்வு மாறுபாட்டுக்கு ஒரு
காரணமாக இருக்கலாம்.

அதிர்ச்சிக்கும், உணர்ச்சிக்கும் உள்ளாகும்போது வியர்ப்பது ஏன்?

வியர்வை
வருவதற்குக் காரணம், நம் தோலில் அமைந்துள்ள நுண்ணிய வியர்வைச் சுரப்பிகளே
(sweat glands). இவற்றின் எண்ணிக்கை பல மில்லியன்களாகும். இவ்வியர்வைச்
சுரப்பிகள் இருவகைப்படும். அவை முறையே, எக்ரின் (eccrine) சுரப்பிகள்,
அபோக்ரின் (apocrine) சுரப்பிகள் என்பன. இச்சுரப்பிகள் மனித உணர்ச்சிகளின்
தூண்டுதல்களுக்கு (stimuli) உட்படக் கூடியவை. முதலில் கூறப்பட்ட எக்ரின்
வியர்வைச் சுரப்பிகள் மனித உடல் முழுதும் இருப்பவை. உடலின் வெப்ப
நிலைக்குத் தகுந்தவாறு மிகுதியாகவோ, குறைவாகவோ வியர்வையை வெளியேற்றுபவை.
அடுத்துக் கூறப்பட்ட அபோக்ரின் வியர்வைச் சுரப்பிகள் அக்குள், தொடையிடுக்கு
ஆகிய உடற்பகுதிகளில் அமைந்திருப்பவை. இச்சுரப்பிகள் பேரச்சம், கடுஞ்சினம்
முதலிய தீவிரமான உணர்ச்சிகளுக்கு உட்பட்டு வியர்வையை வெளிக்கொணர்பவை. நாம்
அதிர்ச்சிக்கும், ஆழ்ந்த உணர்ச்சிக்கும் ஆட்படும்போது இச்சுரப்பிகள்
வியர்வையைச் சுரக்கும். மழை நாட்களிலும், குளிர்காலத்திலும் கூட நாம்
வியர்ப்பதற்குக் காரணம் இதுவே.


நறுக்கிய ஆப்பிள் துண்டுகளைக் காற்றுப்பட வைத்தால், அவை ஆரஞ்சு நிறத்திற்கு மாறுவது ஏன்?

ஆப்பிளில்
டானின் (Tannin) என்னும் கரிமச் சேர்மங்கள் உள்ளன. அவை துவர்ப்பு
ஊட்டிகளாகச் (Astringent agent) செயலாற்றுபவை. பழத்திலுள்ள ஈரப்பசையை அவை
நீக்கிவிடும். பருவ காலங்களுக்கு ஏற்பவும், பழத்தின் முதிர்ச்சிக்கு
ஏற்பவும் டானின் அளவு பழத்தில் அமைகிறது. ஆப்பிள் பச்சையாக இருக்கும்போது
டானின் அளவு கூடுதலாகவும், பழுக்கப்பழுக்க அதன் அளவு குறைவாகவும்
இருக்கும். ஆப்பிளைத் துண்டாக நறுக்கும் போது, அத்துண்டுகள் மீது
சுற்றுப்புறக் காற்றுப் படிகிறது; அப்போது ஆப்பிளிலுள்ள நொதிகளின்
(enzymes) வினையூக்கத்தால் டானின் மற்றும் காற்றிலுள்ள உயிர்வளி இரண்டும்
கலந்து ஆக்சைடுகள் உண்டாகின்றன. இந்த ஆக்சைடுகள் காரணமாகவே நறுக்கிய
ஆப்பிள் துண்டுகளில் ஆரஞ்சு வண்ணம் உண்டாகிறது.


நன்றி : ஆர்குட்